ບາງເຫດຜົນທີ່ເຮັດໃຫ້ຄົນຫວຽດນາມບໍ່ທຸກ!!!

  1. ຄົນ​ຫວຽດນາມ​ເປັນ​ຄົນ​ທີ່​ມີ​ຄວາມ​​​ອົດທົນ​ສູງ: ​ເວລາ​ເຮັດ​ວຽກ​ເຮັດ​ຈິງ​ຈັງຕ້ອງ​ໃຫ້ສໍາເລັດຕາມ​ທີ່ໝາຍ​ໄວ້, ບໍ່ວ່າ​ໃນ​ສະຖານ​​ໃດ​ກໍ​ຕາມ​ເວລາ​​ເຮັດ​ວຽກບໍ່ວ່າ​ຈະ​ເປັນວຽກທີ່ໜັກ​​ປານ​ໃດ​ກໍ​ຕາມ ​ແລະ ​ເວລາ​ເຮັດ​ວຽກມັກ​ຈະ​ມີ​ຄວາມ​ກະຕືລືລົ້ນ​ແຂ່ງຂັນ​ກັນ​ເຮັດ.
  2. ບໍ່​ເລື​ອກ​ອາຊີບ: ຄົນ​ສ່ວນ​ໃຫຍ່​ຢູ່​ປະ​ເທດ​ເຮົາ​ສ່ວນຫຼາຍມັກ​ເປັນ​ຄົນ​ເລືອກວຽກ ຖ້າ​ບໍ່ຖື​ກວຽກຕາມທີ່​ຕົນ​ເອງ​ມັກ​ກໍ​ບໍ່ຢາກ​ເຮັດ ຕ້ອງ​ໄດ້​ເຮັດ​ວຽກທີ່​ດີໆ ​ເພາະ​ທຸກ​ຕ້ອງການ​ມີໜ້າມີ​ຕາ ມີ​ຍົດ​ຕໍ​າ​ແໜ່ງສູງ. ​ແຕ່​ຄົນ​ຫວຽດນາມ​ເຮັດ​ວຽກຫຍັງ​ກໍ​ໄດ້ ຂໍພຽງ​ແຕ່​ສາມາ​ດລ້ຽງຊີບ​ຕົນ​ເອງ​ໄດ້. ​ເຮົາ​ສາມາດ​ສັງ​ເກດ​ເບິ່ງ​ຄົນ​ຫວຽດນາມ​ທີ່​ເຂົ້າມາ​ເຮັດ​ວຽກຢູ່​ປະ​ເທດ​ເຮົາ​ໄດ້ວ່າ​ເປັນ​ແນວ​ໃດ, ຂະ​ໜາດ​ເສດ​ຂີ້​ເຫຍື້ອທີ່​ເຮົາ​​ເຫັນ​ວ່າ​ມັນ​ບໍ່ມີ​ປະ​ໂຫຍ​ດ​ແລ້ວ ​ເຂົາ​ເຈົ້າກໍ​ຍັງ​ເຫັນ​ຄຸນຄ່າ​ຂອງມັນ​ເຊັ່ນ: ການ​ຮັບ​ຊື້​ເສດ​​​ເຫຼັກ, ກະປ໋ອງ ​ແລະ ​ອື່ນໆ…  
  3. ບໍ່​ເລືອກ​ຮຽນ: ບໍ່​ເຂົ້າ​ໃຈ​ຄື​ກັນ​ວ່າ​ເປັນ​ຫຍັງ​ຄົນ​ປະ​ເທດ​ເຮົາ​ຈຶ່ງ​ຮິດກັນ​ຮຽນ​ໃນ​ສາຂາ​ວິຊາ​ທີ່​ມີ​ຄົນຮຽນຫຼາຍ ບໍ່ວ່າ​ຈະ​ເປັນ ບໍລິຫານ​ທຸລະ​ກິດ, ​ເສດຖະສາ​ດ, ການ​ທະນາຄານ, ​ໄອ​ທີ, ການ​ເງິນ, ການ​ບັນຊີ, ພາສາ​ອັງ​ກິດ… ​ເຫຼົ່ານັ້ນ​​ເປັນຕົ້ນ​. ​ແລ້ວ​ຖາມ​ວ່າ​ສາຂາ​ອື່ນ​ເດ້ ບໍ່ສໍ​າຄັນ​ບໍ? ​​ເປັນ​ຫຍັງ​ຄົນ​ສ່ວນຫຼາຍຈຶ່ງ​ບໍ່ພາກັນ​ຢາ​ກຮຽນ ທັ້ງໆທີ່​ກໍ​ເປັນສາ​ຂາ​ທີ່​ສໍາຄັນ ​ແລະ ຈໍ​າ​​​​ເປັນ​ເຊັ່ນ​ກັນ ຄືບໍ່ພາກັນ​ຢາກ​ຮຽນ. ​ແຕ່​ກົງກັນຂ້າ​ມກັບ​ຄົນ​ຫວຽດນາມ​ທີ່​ເຂົາ​ເຈົ້າບໍ່ຄ່ອຍ​ຈະ​ຈິງ​ຈັງ​ກັບ​ເລື່ອງ​ນີ້ຫຼາຍ​ປານ​ໃດ ​ເພາະ​ສິ່ງ​ທີ່​ເຂົາ​ຕ້ອງການ​ຄື ວິຊາ​ຊີບ​ທີ່​ສາມາດ​ລ້ຽງຊີບ​ເຂົາ​ເຈົ້າ​ໄດ້​ກໍ​ພຽງພໍ​ແລ້ວ. ​ເວລາ​ຮຽນ​ເຂົາ​ເຈົ້າກໍ​ເອົາ​ຈິງ​ເອົາ​ຈັງ ຈຶ່ງ​ເຮັດ​ໃຫ້​​ເວລາ​​ເຮັດ​ວຽກ​ເຂົາ​ເຈົ້າຈຶ່ງ​ໄດ້​ຄຸນ​ນະພາ​ບ ​ແລະ ລະ​ອຽດທີ່​ສຸດ.
  4. ຍອມ​ເສຍ​ປຽບ: ຄົນ​ຫວຽດນາມ​ເປັນ​ຄົນ​ທີ່​ຍອ​ມ​ໃຫ້​ຄົນ​ອື່ນ​ດູ​ຖູ​ກ​ໄດ້​ ​​ແຕ່​ບໍ່ຍອມ​ໃຫ້​ຕົນ​ເອງ​ອົດ​ຕາຍ ​ເພາະ​ເຂົາ​ຮູ້ວ່າ​ສິ່ງ​ທີ່​ເຂົາ​ເຮັດ​ນັ້ນມັນ​ບໍ່​ໄດ້​ມີ​ຄວາມ​ຜິດ​ຫັຍ​ງ ​ເວົ້າງ່າຍໆຄືບໍ່ຫົວຊາ​ກັບ​ຄໍາ​ນິນ​ທາ​ຂອງ​ຄົນ ​ເພາະ​ສິ່ງ​ທີ່​​ເຂົາ​ເວົ້ານັ້ນ​ເຂົາ​ເຈົ້າຄິດວ່າ​ມັນ​ບໍ່​ໄດ້​ຊ່ວຍ​ໃຫ້​ເຂົາ​ເຈົ້າລວຍ​ຂຶ້ນ​ໄດ້.

ທີ່​ເວົ້າມາ​ເປັນ​ພຽງສ່ວນໜຶ່ງທີ່​ຍົກ​ຕົວຢ່າງ​ມາ​ໃຫ້​ເບິ່ງ​ເທົ່າ​ນັ້ນ ຍັງ​ມີ​ອີກຫຼາຍ​ເຫດຜົນ​ທີ່​ເຮັດ​ໃຫ້ຄົນ​ຫວຽດນາມ ບໍ່ວ່າງ​ວຽກ ຫຼື ຕົກ​ງານ.