ບອກຮັກແນວໃດ ໃຫ້ຮູ້ສຶກດີ

ການ “ບອກຮັກ” ເປັນເລື່ອງຟື້ນຖານຂອງຄູ່ຮັກແຕ່ບາງຄົນບໍ່ຖະນັດການບອກຮັກກໍ່ເລີຍບອກຮັກດ້ວຍວິທີ່ອື່ນແທນເພາະຢຶດຕິດ ປະຈຳໃຈວ່າ ”ການເຮັດສຳຄັນກວ່າການເວົ້າ”ເຮົາເລີຍລວບລວມວິທີ່ການບອກຮັກແບບບໍ່ຕ້ອງເວົ້າຄຳວ່າ ”ຮັກ” ເອົາໃຈຄົນປາກໜັກ ປາກແຂງ
1. ມີ​ເວ­ລາ​ວ່າງ​ໃຫ້​ອີກ​ຝ່າຍ​ສະ­ເໝີ
ມັນ​ບໍ່​ສຳ­ຄັນ​​ດອກວ່າ​ເຈົ້າ​ຈະ​ຄ່າ​ວຽກຫຼາຍ​ຊ້ຳ​ໃດຖ້າ​ຄົນໆ​ນັ້ນ​ສຳ­ຄັນ​ກັບ​ເຈົ້າ​ຫຼາຍ​ພໍເຈົ້າ​ຈະ​ສາ­ມາດ​ເສຍ​ເວ­ລາ​ມີ­ຄ່າ​ອັນ​ແສນ​ນ້ອຍ​ນິດ​ມາ ຫາ​ກັນ​ຈົນ​ໄດ້ພຽງ​ແຕ່​ເຈົ້າ​ໂທ​ຫາ​ອີກ​ຝ່າຍແລະ​ຖາມ​ວ່າ "ເຈົ້າ​ເຮັດ​ຫຍັງ​ຢູ່ ?" ແລະ ຖ້າ​ອີກ​ຝ່າຍ​ເອງ​ກໍ​ສະ­ດວກ​ມາຫາ​ເຈົ້າ ເຈົ້າ​ອາດ​ໃຊ້​ຊ່ວງ​ເວ­ລາ​ວ່າງ​ເຫຼົ່າ­ນັ້ນ​ນັ່ງ​ກິນກາ​​ເຟໂອ້​ລົມແລກ­ປ່ຽນ​ຄວາມ​ຮູ້­ສຶກ​ກັນ​ແລະ​ກັນ

2. ເປັນ​ຜູ້​ຟັງ​ທີ່​ດີ
ຫຼັກ­ການ​ງ່າຍໆທີ່​ເຈົ້າ​ສາ­ມາດ​ສະ­ແດງ​ໃຫ້​ອີກ​ຝ່າຍ​ໄດ້​ຮູ້​ວ່າ​ເຈົ້າ​ຮັກ​ເຂົາຫຼາ​ຍ​ຊ້ຳ​ໃດນັ້ນ​ຄື​ການ​ໃຫ້​ກຽດ​ຄວາມ​ຄິດ​ແລະ​ເປັນ​ຜູ້​ຟັງ​ທີ່​ດີບໍ່​ວ່າ​ເລື່ອງ​ເຫຼົ່າ­ນັ້ນ​ຈະ​ເປັນ​ເລື່ອງ​ທີ່​ໄດ້​ເລົ່າ​ໃຫ້​ເຈົ້າ​ຟັງ​ແລ້ວ​ກໍ​ຕາມເຈົ້າ​ອາດ​ຕອບ​​ກັບ​ໄປ​ວ່າ "ທີ່​ຮັກ…ເຈົ້າ​ເລົ່າ​ເລື່ອງ​ນີ້​ໃຫ້​ຟັງ​ແລ້ວແຕ່​ບໍ່​ເປັນ​ຫຍັງຂ້ອຍ​ສາ­ມາດ​ຟັງ​ມັນ​ໄດ້​ອີກ​ເປັນ​ສິບໆເທື່ອ​ໄດ້" ໃຜ​ໄດ້​ຍິນ​​ປະ​ໂຫຍກ​ນີ້​ເປັນ​ຕ້ອງ​​​ອ່ອນ​ແຮງ​ກັນ​ທຸກ​ຄົນ

3. ກອດ ຈູບ ລູບ ສຳ­ຜັດ
ເມື່ອ​ໃດ​ກໍ​ຕາມ​ທີ່​ເຈົ້າ​ຄິດ​ບໍ່​ອອກ​ວ່າ​ຈະ​ສະ­ແດງ​ຄວາມ​ຮັກ​ໃຫ້​ອີກ​ຝ່າຍ​ຮັບ​ຮູ້ແນວ­ໃດ​ດີ ວິ­ທີ​ການ​ທີ່​ງ່າຍ​ທີ່​ສຸດ​ໜ້າ​ຈະ​ເປັນ​ການ​ກອດ ຈູບ ລູບ ສຳ­ຜັດ ເຈົ້າ​ອາດ​ຈູບ​ນລາວ​ໃນ​ຕອນ​ເຊົ້າ​ຫຼື​ກ່ອນ​ເຂົ້າ​ນອນຫຼື​ກອດ​ລາວ​ເມື່ອ​ອີກ​ຝ່າຍ​ຢາກ​ໄດ້​ກຳ­ລັງ​ໃຈເຈົ້າ​ບໍ່​​ເຄີຍ​ໄດ້​ຍິນ​ທີ່ເຂົາ​ເວົ້າ​ກັນ​​ວ່າ "ການ​ກອດ​ຫຼື​ຈູບ​ເປັນ​ວິ­ທີ​ການ​ບອກ​ຮັກ​ທີ່​ມິດ​ທີ່​ສຸດ"

4. ເຊີ​​​ໄພ​​ແຟນ
ໃຜ​ແດ່​ທີ່​ບໍ່​ມັກ​ໃຫ້​​ແຟນ​ເຮັດ​ເຊີ​​​ໄພ ຊ່ວງ​ເວ­ລາ​ທີ່​ເຈົ້າ​ຢູ່​ນຳ​ກັນ​ສອງ​​ຕໍ່​ສອງເຈົ້າ​ລອງ​ເກັບ​ຂໍ້​ມູນ​ເບິ່ງ​​ວ່າຄົນ​ຮູ້​ໃຈ​ຂອງ​ທ່ານ​ມັກ​ກິນ​ຫຍັງ,ມັກ​ໄປທ່ຽວ​ບ່ອນໃດ,ມັກ​ຫຍັງ​ເປັນ​ພິ­ເສດ ແລ້ວ​ລອງ​ຫາ​ຊ່ວງ​ເວ­ລາ​ທີ່​ຄົນ​ຮູ້​ໃຈ​ຂອງ​ເຈົ້າ​ເອງ​ຄາດ​ບໍ່​ເຖິງຈັດ​ໜັກ​ເຊີ​ໄພ​ຮັບ­ຮອງ​ວ່າ​​ແຟນ​ເຈົ້າ​ຈະ​ຕ້ອງ​​ະ​ທັບ​ໃຈ​ກັບ​ການ​ເຊີໄພ​ເທື່ອ​ນີ້​ຂອງ​ເຈົ້າ​ໄປ​ອີກ​ດົນ

5 ກິນ​ອາ­ຫານ​ເຊົ້າ​ນຳ​ກັນ​ເ​ທີ່ງ​ບ່ອນນອນ
ນິ້​ເປັນ​ວິ­ທີ​ເບ​ສິກ​ທີ່​ບໍ່​​ເຄີຍ​ຕົກ​​ຍຸກ​ສະ­ໄໝເຈົ້າລອງ​ຕື່ນ​ເຊົ້າ​ກວ່າ​ປົກ­ກະ­ຕິ​ຈັກ 20 ນາ­ທີ ເພື່ອ​ລຸກ­ຂຶ້ນ​ເຮັດ​ອາ­ຫານ​ເຊົ້າ​ງ່າຍໆແລະ​ຊົງ​ກາ​ເຟ​ຈັກ​ແກ້ວພໍ​ສຳ­ເລັດ​ແລ້ວ​ກໍ​ພຽງ​ແຕ່​ໃຫ້​ອີກ​ຝ່າຍ​ຖືກ​​ປຸກ​ດ້ວຍ​​ກິ່ນ​ຫອມ​ຂອງ​ອາ­ຫານ​ແລະ​ກາ​​ເຟ ເທົ່າ​ນີ້​ກໍ​ເປັນ​ການ­ສະ­ແດງ​ຄວາມ​ຮັກ​ທີ່​ແທບ​ບໍ່​ເສີຍ​ຄ່າ​ໃຊ້​ຈ່າຍ​ໃດໆ

ແນ່ນອນ​ວ່າ​ວິ­ທີ​ການ­ສະ­ແດງ​ອອກ​ທາງ​ຄວາມ​ຮັກ​ເຫຼົ່າ​ນີ້​ເປັນ​ເລື່ອງ​ນ້ອຍໆ ທີ່​ເຮົາ​ສາ­ມາດ​ເຮັດ​ໄດ້​ໃນ​ຊີ­ວິດ​ປະ­ຈຳ​ວັນຫຼືຖ້າ​ໃຜ​ຢາກ​ເຮັດ​ວິ­ທີ​ເຫຼົ່າ​ນີ້​ຄອບ​ຄູ່​ໄປ​ກັບ​ການ​ບອກ "ຮັກ" ໄປ​ດ້ວຍ​ມັນ​ຄົງ​ຈະ​ດີ​ບໍ່​ນ້ອຍຄວາມ​ຮັກ​ຂອງ​ເຈົ້າ​ຄົງ​ຈະ​ຫວານ​ຊູ່​ຊ່າ​ເປັນ​ທີ່​ອິດ­ສາ​ຂອງ​ຄົນ​ອື່ນ​ແນ່­ນອນ
===========================================================================================