ບອກລາຂອບຕາດຳ

1.ລ້າງ​ເມັກ​ອັບ​

ການ​ເຊັດ​ເມັກ​ອັບ​ອ້ອມ​ດວງ​ຕາ​ເຮັດ​ໃຫ້​ເກີດ​ຮີ້ວຮອຍ​ແລະ​ຮອຍ​ຄຳ້​ໃຕ້​ຕາ​ໜັກ​ຂຶ້ນ​ກວ່າ​ເກົ່າ​ ດັ່ງ​ນັ້ນ​ສາວ​ໆ​ຄວນ​ເລືອກ​ອາຍ​ຣີ​ມູ​ບ​ເວີ​​ທີ່​ລ້າງ​ເມັກ​ອັບ​ອອກ​ໄດ້​ງ່າຍ​ແລະ​ໝົດ​ ທີ່​ສຳຄັນ​ບໍ່​ວ່າ​ຈະ​ໃຊ້​ສຳ​ລີ​ ກ້ານ​ສຳ​ລີຫລື​ມື​ກໍ​ຄວນ​ເຮັດ​ຢ່າງ​ໃຈ​ເຢັນ​ແລະ​ເບົາ​ມື​ທີ່ສຸດ​.

2.ນຳ້​ເຢັນ​ລ້າງ​ໜ້າ​


ການ​ໃຊ້​ນຳ້​ຮ້ອນ​ລ້າງ​ໜ້າ​ຈະ​ແຮງ​ທເຮັດ​ໃຫ້​ໃຕ້​ຕາຄຳ້​ແລະ​ບວມ​ຫລາຍ​ຂຶ້ນ​ ແຕ່​ໃນ​ທາງ​ກັບ​ກັນ​ການ​ໃຊ້​ນຳ້​ເຢັນ​ຈະ​ຊ່ວຍ​ໃຫ້​ອ້ອມ​ດວງ​ຕາ​ເບີ່ງ​ໃສ​ໄດ້​ຫລາຍກວ່າ​.

3.ບຳ​ລຸງ​ອ້ອມ​ດວງ​ຕາ​


ໃຊ້​ຜະລິດຕະພັນ​ບຳລຸງ​ອ້ອມ​ດວງ​ຕາ​ທີ່​ຊ່ວຍ​ ກຳຈັດຮອຍ​ໝອງ​ຄຳ້​ແລະ​ຕື່ມຄວາມ​ຊຸ່ມ​ຊື້ນ​ເປັນ​ປະ​ຈຳ​ໂດຍ​ໃຊ້​ນິ້ວ​ນາງ​ກົດ​ແຕະ​ເນື້ອຄຣີມ​ ເບົາ​ໆ​ຫລື​ລູບ​ຈາກ​ຫົວ​ຕາ​ໄປ​ຍັງ​ຫາງ​ຕາ​ຕາມ​ແນວ​ກະດູກ​ເບົ້າ​ຕາ​ ເພາະ​ຫາກ​ລູບ​ໄລ້​ໃກ້​ຕາ​ເກີນ​ໄປ​ຄຣີມ​ອາດ​ເຂົ້າ​ຕາ​ເຮັດໃຫ້​ແສບ​ລະ​ຄາຍ​ເຄືອງ​ໄດ້.​

4.ມາສ​ຕາ​


ຖ້າ​ເປັນ​ມາສຕາ​ສຳເລັດຮູບ​ໃຫ້ເຮັດ​ອາທິດ​ລະ​ເທື່ອ​ ແຕ່​ຖ້າ​ເປັນ​ສູດ​ທຳມະຊາດ​ຢ່າງ​ການນຳ​ມັນ​ຝ​ຣັ່ງ​ຫລື​ໝາກແຕງຊ່ອຍ​ເປັນ​ແວ່ນ​ວາງ​ເທິງ​ ເປືອກ​ຕາ​ຖິ້ມປະ​ໄວ້ ​15-20 ນາ​ທີ​ ສາມາດ​ເຮັດ​ໄດ້​ອາທິດ​ລະ ​2-3 ເທື່ອ​ ຈະ​ຊ່ວຍ​ຫຼຸດ​ຄວາມ​ຄຳ້​ອ້ອມ​ດວງ​ຕານ​ລົງ​ໄດ້.​

5.ເບິ່ງ​ແຍງ​ສຸຂະພາບ​ຕາ​


ໃສ່​ແວ່ນ​ກັນ​ແດດ​ທຸກ​ເທື່ອ​ທີ່​ອອກ​ແດດ​ ບໍ່​ຂະ​ຢີ້​ຕາ,​ ບໍ່​ນອນ​ດຶກ​ ດື່ມ​ນຳ້​ຫລາຍ​ໆ​ແລະ​ຮັບປະທານ​ອາຫານ​ທີ່​ມີ​ວິ​ຕາ​ມິນ​ຊີ​ແລະ​ສານ​ຕ້ານ​ອ​ະນຸ​ມູນ​ອິດສະຫລະ​ ເຊັ່ນ​ ໝາກນາວ​, ໝາກ​ເຂືອ​ເລັ່ນ,​ ຫມາກໄມ້​ຕະກູນ​ເບີຮີ.​

6.ງາມ​ດ້ວຍ​ແພດ​


ຮອຍ​ຄຳ້​ໃຕ້​ຕາ​ເກີດ​ໄດ້​ຈາກ​ຫຼາຍ​ສາ​ເຫດ​ ເຮັດ​ໃຫ້​ແພດ​ຕ້ອງ​ວິ​ເຄາະ​ແລະ​ແກ້​ບັນຫາ​ໃຫ້​ກົງ​ຈຸດ​ ເຊັ່ນ​ ຮອຍ​ຄຳ້​ທີ່​ເກີດ​ຈາກ​ໃຕ້​ຕາ​ມີ​ຮ່ອງ​ເລິກ​ ການ​ສີດ​ຟິນ​ເລີ​ຈະ​ຊ່ວຍ​ໃຫ້​ຮ່ອງ​ເລິກ​ເບິ່ງ​ຕື້ນ​ຂຶ້ນ​ຈົນ​ເບິ່ງ​ໝອງ​ຄຳ້ນ້ອຍ​ລົງ​ໄດ້​ຫລື​ຫາກ​ນອນ​ດຶກ​ຫລື​ໃຊ້​ສາຍ​ຕາ​ຫລາຍ​ໆ​ອາດຈະ​ໃຊ້ ​Nd : YAG Laser ໃນ​ການ​ຮັກສາ​.

7.ຄອນ​ຊີສເລີ​​


ຄວນ​ເລືອກ​ເບີ​​ທີ່​ມີ​ສີ​ອ່ອນ​ກວ່າ​ຜິວ​ 1 ເສດ​ ສີ​ ໂດຍ​ລົງ​ສະເພາະ​ບໍລິເວນ​ທີ່​ມີ​ບັນຫາ​ໃຕ້​ຕາຄຳ້ແລະ​ຄວນ​ລົງ​ເທື່ອ​ລະ​ນ້ອຍ​ຫາກ​ບໍ່​ພໍ​ແລ້ວ​ຄ່ອຍ​ເພີ່ມ​ຈະ​ດີກວ່າ​ ບໍ່​ເຊັ່ນ​ນັ້ນຫຼາຍເກີນໄປ​ໃຕ້​ຕາ​ຈະ​ເບິ່ງ​ໜາ​ແລະ​ແຕກ​ເປັນ​ຮ່ອງ​ຈົນ​​ໃຕ້​ຕາ​ຫ່ຽວ​ແທນ​ເສຍ​.​

==============================================================================================================