ບລັອງ ບອກຍິງ 6 ເມັດເຮັດໃຫ້ເປເອັດເຊຍິ້ມໄດ້

 

ໂລຣັອງ ບລັອງ ນາຍໃຫຍ່ ປາຣີ ແຊັງ-ແຊັກແມັງ ລະບຸທີມຂອງຕົນກັບມາມີຄວາມສຸກກັນອີກເທື່ອໜຶ່ງຫຼັງຈາກອັດ ກັອງ 6-0 ເຜີຍ ເປເອັດເຊ ບໍ່ໄດ້ມີຄວາມສຸກເລີຍຍຕັ້ງແຕ່ຈອດປ້າຍຮອບ 8 ທີມສຸດທ້າຍຂອງ ຊປລ.

 

ໂລຣັອງ ບລັອງ ນາຍໃຫຍ່ຂອງ ເປເອັດເຊ ເຜີຍວ່າການທີ່ທີມເປີດຮັງ ປາກ ເດີ ແພຣັງ ໄລ່ອັດ ກັອງ 6-0 ໃນເກມລີກ ລີກແອັງ ເມື່ອວັນເສົາທີ່ຜ່ານມາ ເປັນສິ່ງທີ່ເຮັດໃຫ້ທີມຂອງຕົນກັບມາມີຄວາມສຸກກັນອີກເທື່ອໜຶ່ງ ຫຼັງຈາກທີ່ຫາກໍຕົກຮອບ 8 ທີມຂອງ ແຊມປຽນລີກ ມາໝາດໆ.

ເປເອັດເຊ ຫາກໍຕົກຮອບກ່ອນຮອງຊະນະເລີດ ແຊມປຽນລີກ ມາສົດໆຮ້ອນໆໂດຍມືຂອງ ແມນເຊສເຕີ ຊີຕີ ແຕ່ເຂົາກໍເອີ້ນກຳລັງໃຈກັບມາໄດ້ຢ່າງວ່ອງໄວໂດຍການໄລ່ຕ້ອນ ກັອງ ໂດຍທີ່ ຊະລາຕັນ ອິບາຮິໂມວິດ ຍິງຄົນດຽວສອງເມັດສ່ວນອີກສີ່ລູກເປັນຂອງ ມາຕຸຍດີ, ກາວານີ, ດິ ມາເຣຍ ແລະ ແມັກເວວ.

 

“ໄຊຊະນະເທື່ອນີ້ບໍ່ໄດ້ຊ່ວຍຍົກເລີກອັນໃດທັງນັ້ນ ມັນບໍ່ໄດ້ເຮັດໃຫ້ເຮົາຜ່ານເຂົ້າສູ່ຮອບຮອງຊະນະເລີດຂອງ ແຊມປຽນລີກ ແຕ່ໄຊຊະນະເທື່ອນີ້ເຮັດໃຫ້ເຮົາສາມາດກັບມາຍິ້ມໄດ້ອີກ ເພາະເຈົ້າກໍຄາດເດົາຢູ່ແລ້ວວ່າເຮົາບໍ່ໄດ້ຍິ້ມແບບເຕັມທີ່ມາສີ່ມື້ແລ້ວ” ບລັອງ ເຜີຍ.