ບລອງ ຍອມຮັບ ອິບຣາຮິໂມວິດ ມີໂອກາດຍ້າຍອອກຈາກທີມຫຼັງຈາກຈົບລະດູການ

ແຟນບານ ປາຣີ ແຊັງ-ແຊັກແມັງ ຕ້ອງກັງວົນແນ່ນອນເມື່ອ ໂລຣອງ ບລອງ ນາຍໃຫຍ່ຊາດ ຝຣັ່ງ ຍອມຮັບ “ເປເອັດເຊ” ອາດຈະເສຍ ຊະລາຕັນ ອິບຣາຮິໂມວິດ ກອງໜ້າຂອງທີມທີ່ກໍາລັງຈະໝົດສັນຍາຕອນຈົບລະດູການນີ້ ເນື່ອງຈາກວ່າດາວເຕະ ອາຍຸກໍ 34 ແລ້ວ ແລະ ອາດຈະຕ້ອງການປະສົບການໃໝ່ໃນອາຊີບ.

ໂລຣອງ ບລອງ ນາຍໃຫຍ່ ປາຣີ ແຊັງ-ແຊັກແມັງ ສະໂມສອນຍັກໃຫຍ່ຈາກ ລີກ ແອັງ ຝຣັ່ງ ອອກມາເປີດເຜີຍວ່າ ຊະລາຕັນ ອິບຣາຮິໂມວິດ ດາວເຕະຄົນດັງມີໂອກາດຈະຍ້າຍອອກຈາກຖິ່ນ ປາກ ເດິ ແພຣັງ ຫຼັງຈາກທີ່ຈະໝົດສັນຍາຕອນຈົບລະດູການນີ້ເນື່ອງຈາກວ່າ ເຂົາອາດຈະຢາກມີປະສົບການໃໝ່ໆ.

ຊະລາຕັນ ຫາກໍຈະທຳລາຍສະຖິຕິດາວຍິງສູງສຸດຕະຫຼອດການຂອງ “ເປເອັດເຊ” ຫຼັງຈາກທີ່ຍິງລູກທີ່ 110 ໃນເກມພົບກັບ ໂອລິມປິກ ມາກແຊ ທີມຄູ່ແຂ່ງ 2-1 ເມື່ອວັນທີ 4 ຕຸລາທີ່ຜ່ານມາ ຢ່າງໃດກໍຕາມຈາກການທີ່ສັນຍາຂອງເຂົາກັບສະໂມສອນຈະໝົດອາຍຸຕອນຈົບລະດູການນີ້ເຮັດໃຫ້ ບລອງ ເຜີຍວ່າ ອະດີດດາວເຕະ ເອຊີ ມິລານ ແລະ ບາເຊໂລນາ ອາດຈະພິຈາລະນາໂອກາດຈາກບ່ອນອື່ນໆກໍເປັນໄດ້.

..........................................................................................................................................................................