ບຣິກສ໌ ເສີມສ້າງບົດບາດໃນການປະຕິຮູບການຄຸ້ມຄອງທົ່ວໂລກ

ຫຼັງການຮ່ວມມືລະຫວ່າງປະເທດບຣິກສ໌ ເຂົ້າສູ່ ” ທົດສະວັດສີຄຳ ” ຮອບທີ 2, ກອງປະຊຸມສຸດຍອດຂອງປະເທດບຣິກສ໌ ຄັ້ງທີ 1 ຈະຈັດຂຶ້ນຢູ່ເມືອງເຊ້ຍເມິນ ແຂວງຝູຈ້ຽນ ສປ ຈີນ ໃນເດືອນກັນຍາ ທີ່ຈະເຖິງນີ້. ຂະນະທີ່ ທ່ານ ເຊີເກ ກາຣາຕາເຢັຟ ຮອງຫົວໜ້າສູນຄົ້ນຄວ້າເສດຖະກິດ ສະຖາບັນຄົ້ນຄວ້າຍຸດທະສາດຣັດເຊຍ ໄດ້ໃຫ້ສຳພາດຕໍ່ນັກຂ່າວ ວ່າ: ບຣິກສ໌ ໄດ້ເສີມຂະຫຍາຍບົດບາດໃນການປັບປຸງການປະຕິຮູບການຄຸ້ມຄອງທົ່ວໂລກ.

ໂດຍທຸກຄົນເຫັນໄດ້ຢ່າງປະຈັກຕາ ແລະ ຈະກາຍເປັນໃຈກາງແຫ່ງການຈັດຕັ້ງປະຕິບັດແຜນການລະອຽດຕ່າງໆທີ່ສົ່ງເສີມການປະຕິຮູບລະບົບການທະນາຄານສາກົນ ແລະ ຮັກສາການພັດທະນາເສດຖະກິດຢ່າງໜັກແໜ້ນ.

ນັບແຕ່ປີ 2010 ເປັນຕົ້ນມາ ປະເທດບຣິກສ໌ ເລີ່ມເຮັດໃຫ້ຂໍ້ລິເລີ່ມຂອງຕົນເອງບັນລຸຜົນເປັນຈິງເປັນກ້າວໆ ໂດຍໄດ້ສ້າງຄັງສະສົມສະກຸນເງິນຕາຕ່າງປະເທດຂອງປະເທດບຣິກສ໌, ທະນາຄານພັດທະນາໃໝ່ຂອງປະເທດບຣິກສ໌ ແລະ ພວມປຶກສາຫາລືສ້າງອົງການຮ່ວມປະເມີນລະດັບຄວາມໜ້າເຊື່ອຖືຂອງຕົນເອງເພື່ອທັບມ້າງການຜູກຂາດຂອງຕາເວັນຕົກ.

ນອກຈາກນີ້, ລັດຖະມົນຕີການເງິນຂອງປະເທດບຣິກສ໌ ຍັງຈະຫາລືການສ້າງຕັ້ງກອງທຶນພັນທະບັດພາກລັດໃນປີນີ້ນໍາອີກ.

ການທີ່ພັດທະນາການພົວພັນຄູ່ຮ່ວມມືກັບປະເທດກໍາລັງພັດທະນາຢ່າງກວ້າງຂວາງກວ່າເກົ່າ ແລະ ຈັດຕັ້ງປະຕິບັດຕາມຮູບແບບ ” ປະເທດບຣິກສ໌ບວກ ” ຈະເຮັດໃຫ້ການຄ້າສອງຝ່າຍ, ຫຼາຍຝ່າຍ ແລະ ການລົງທຶນລະຫວ່າງ 5 ປະເທດບຣິກສ໌ ກັບປະເທດຄູ່ຮ່ວມຕ່າງໆໃຫ້ມີປະສິດທິຜົນຍິ່ງຂຶ້ນ

Cr: https://laoedaily.com