ນໍ້າສົ້ມສາຍຊູ ກໍາຈັດຄາບເຮັດໃຫ້ບ້ານກັບມາສະອາດອີກຄັ້ງ

1.ຫ້ອງນັ່ງຫຼິ້ນ

ຕໍ່ໃຫ້ມີຝຸ່ນເກາະໜາຫຼາຍຊັ້ນກໍເຮັດໃຫ້ຫາຍວັບໄດ້ໃນເວລາສັ້ນໆພຽງປະສົມນໍ້າສົ້ມສາຍຊູກັບນໍ້າຮ້ອນຢ່າງລະ​ເຄິ່ງຖ້ວຍຕວງຈາກນັ້ນນໍາຜ້າ​ເສດມາຈຸບສ່ວນປະສົມທີ່ກຽມໄວ້ເອົາຜ້າມາພັນມືແລ້ວເຊັດມຸມໃຫ້ຄົບທຸກມຸມແຕ່ລະຫວ່າງທີ່ເຮັດຄວາມສະອາດຢ່າລືມຊັກຝຸ່ນອອກຈາກຜ້າເປັນໄລຍະນຳ ເພື່ອປ້ອງກັນບໍ່ໃຫ້ມີຄາບນໍ້າດໍາໆຫຼັງເຊັດແລ້ວ.

2.ຫ້ອງນ້ໍາ

ນອກຈາກຈະຊ່ວຍກໍາຈັດຝຸ່ນໃນຫ້ອງນັ່ງຫຼິ້ນແລ້ວນໍ້າສົ້ມສາຍຊູຍັງສາມາດຂະຈັດຄາບນໍ້າ ແລະເຮັດຄວາມສະອາດອ່າງອາບນໍ້າ ແລະ ອ່າງລ້າງໜ້າໃນຫ້ອງນໍ້າຂອງເຮົາໄດ້ອີກດ້ວຍເລີ່ມຈາກເທນໍ້າຮ້ອນຈົນເກືອບເຕັມອ່າງຈາກນັ້ນເທນໍ້າສົ້ມສາຍຊູລົງໄປປະມານ 3 ຖ້ວຍຕວງຄົນສ່ວນປະສົມໃຫ້ເຂົ້າກັນແລ້ວປະໄວ້ຢ່າງໜ້ອຍ 4 ຊົ່ວໂມງເມື່ອຄົບກໍານົດກໍໃຊ້ຟອງນໍ້າຂັດຄາບສົກກະປົກອອກກ່ອນຈະປ່ອຍນໍ້າທິ້ມແລ້ວເປີດນໍ້າສະອາດລ້າງຕາມອີກຮອບ.

3.ຫ້ອງຄົວ

ສໍາລັບເຄື່ອງຄົວຕ່າງໆທີ່ເປັນໂລຫະບໍ່ວ່າຈະເປັນຫມໍ້ ມີດ ບ່ວງ ສ້ອມລວມໄປເຖິງເຄື່ອງເງິນຕ່າງໆເຊັ່ນ ສາຍຄໍ ຫຼື ສາຍ​ແຂນ ໃຊ້ວິທີດຽວກັນນີ້ເຮັດຄວາມສະອາດຄາບດໍາ ຫຼື ຄາບໝອງໄດ້ໂດຍການແຊ່ລົງໃນນໍ້າສົ້ມສາຍຊູ​ເຄິ່ງຖ້ວຍຕວງປະສົມເບກກິ້ງໂຊດາ 2 ບ່ວງປະໄວ້ປະມານ 2-3 ຊົ່ວໂມງຈາກນັ້ນລ້າງອອກດ້ວຍນໍ້າເຢັນແລ້ວໃຊ້ຜ້າເຊັດໃຫ້ແຫ້ງທັນທີ​ເທົ່ານີ້ທຸກຢ່າງກໍຈະກັບມາເງົາເບິ່ງໜ້າໃຊ້ຄື​ເກົ່າແລ້ວລ່ະ.