ນໍ້າຕາແທບໄຫລ! ເມື່ອຂ້ອຍຕັດສິນໃຈເກັບລູກໄວ້ທັງທີ່ຍັງຮຽນບໍ່ຈົບ

"ມື້ທຳອິດທີ່ຮູ້ວ່າມີລູກ ເຮົາ2ຄົນຍັງເປັນແຟນກັນ

ຂ້ອຍເອງ ຍັງຮຽນປີ 3 ແຟນ ຍັງຮຽນປີ 1

ເຮົາ2ຄົນ ຍັງຮຽນບໍ່ຈົບ ວຽກບໍ່ໄດ້ເຮັດ ເງິນທ້ອນກໍບໍ່ມີ

ແຕ່ເຮົາ2ຄົນ ກໍຢືນຢັນທີ່ຈະຮັກກັນ ແລະ ລ້ຽງລູກນຳກັນ

ໃນຕອນນັ້ນ ເປັນໄປບໍ່ໄດ້ເລີຍທີ່ເຮົາເອງ ຈະລ້ຽງ ລູກ ກັບ ເມຍ

ແຕ່ກໍບໍ່ຄິດລັງເລໃຈຫຍັງ ບໍ່ພ້ອມກໍ່ຕ້ອງພ້ອມລະ!!!

ຈຶ່ງປະຄັບປະຄອງ ຄອບຄົວນ້ອຍໆຂອງຕົນໄວ້ ຫລາຍຄົນດູຖູກ ຊຳ້ເຕີມ "ຈ້າງກະບໍ່ກຸ້ມລູກກຸ້ມເມຍ"

ຫລາຍຄົນໃຫ້ກຳລັງໃຈ "ເຈົ້າເຮັດໄດ້"

ຊີວິດກໍດຳເນີນຕໍ່ໄປ ໃນຕອນທຳອິດຍອມຮັບວ່າລຳບາກຫລາຍ

ຂ້ອຍກໍ່ໄປຊອກວຽກເປັນພະນັກງານປະຈຳ

ບາງຄັ້ງເງິນຈະຊື້ນົມລູກກໍບໍ່ມີ

ນ້ຳຕາຜູ້ເປັນພໍ່ຕົກໃນ ບໍ່ຮູ້ຈະໄປຫາມາແຕ່ໃສໃຫ້ທັນ

ແຕ່ຂ້ອຍກັບເມຍ ບໍ່ເຄີຍຍອມແພ້ ຫລື ຫມົດຫວັງ

ກົ້ມຫນ້າເຮັດວຽກ ກັບບ້ານເຫັນຫນ້າລູກເມຍ ກໍມີຄວາມສຸກ

ແຕ່ ກໍຢາກໃຫ້ລູກເມຍສະບາຍ ເລີຍຕັດສິນໃຈອອກວຽກປະຈຳ

ເຊິ່ງຕອນນັ້ນບໍ່ໄດ້ມີເງິນທ້ອນເລີຍ

ຮູ້ແຕ້ວ່າຕ້ອງເຮັດຫຍັງຈັກຢ່າງແລ້ວ

ຈຶ່ງໄດ້ຜັນຕົນເອງມາເປັນຊ່າງພາບ ຊ່າງວິດີໂອ ແລະ ໄດ້ເຮັດເປັນບໍລິສັດນ້ອຍໆເກັບເລັກເກັບນ້ອຍ ໄດ້ເງິນມາກໍຮີບແລ່ນໄປໃຫ້ເມຍ

ເມຍກໍຂາຍເຄື່ອງອອນລາຍ ພໍໄດ້ຊ່ວຍກັນ

ບໍລິສັດກໍ່ເລີ່ມພໍໄປໄດ້ ລູກຄ້າກໍ່ຫລາຍຂຶ້ນ

ຫາເງິນໄດ້ກໍ່ເອົາໄປລົງທຶນຕໍ່ຍອດ

ໃນຕອນນີ້ຖ້າທຽບໃສ່ມື້ທີ່ມີລູກກ່ອນແຕ່ງ

ຖ້າມື້ນັ້ນ ຂ້ອຍຕັດສິນໃຈ ຖິ້ມລູກ ກັບເມຍ ຂ້ອຍຄົງຈະບໍ່ມີວັນນີ້

ຕື່ນຂື້ນມາແລ້ວເຫັນເມຍກັບລູກນອນກອດກັນເປັນຕາຮັກ

ເມຍກະບໍ່ຕ້ອງຂາຍເຄື່ອງແລ້ວ

ມາຊວ່ຍວຽກຜົວ ບໍ່ຕ້ອງເມື່ອຍ ລູກກະຢາກກິນຍັງກະຊື້ໃຫ້ໄດ້ກິນ ຊີວິດດີຂຶ້ນ

ຄອບຄົວມີຄວາມສຸກ ເຂົ້າໃຈກັນ ແລະ ຂ້ອຍຈະຮັກລູກກັບເມຍຕະຫລອດໄປ"

 

ທີ່ຢິບຍົກເລື່ອງນີ້ມາເປັນຕົວຢ່າງ ບໍ່ແມ່ນເປັນການສົ່ງເສີມການຖືພາກ່ອນໄວອັນຄວນ ຫລື ຕອນບໍ່ພ້ອມແຕ່ປະການໃດ. ແຕ່ຢາກໃຫ້ສັງຄົມໄດ້ຮູ້ວ່າ ຄົນເຮົາຄວນຮຽນຮູ້ທີ່ຈະແກ້ໄຂບັນຫາຂອງຕົນຢ່າງມີຄວາມຮັບຜິດຊອບ ແລະ ມີຄວາມອົດທົນບາກບັ່ນໃນການໃຊ້ຊີວິດ ແລ້ວຈັກມື້ຫນຶ່ງເຈົ້າຈະໄດ້ພົບຄວາມຮັກ ແລະ ຄວາມສຸກຢ່າງແທ້ຈິງເຊັ່ນດຽວກັບຜູ້ຊາຍຄົນນີ້ ຂອບໃຈເລື່ອງລາວດີໆຈາກ: parn wind walk