ນ້ຳເຜິ້ງຄວນກິນໃນປະລິມານເທົ່າໃດຕໍ່ມື້

 

 ຄວາມ​ຈິງ​ແລ້ວ​ຍັງ​ບໍ່​ມີ​ຈຳນວນ​ທີ່​ລະ­ບຸ​ເອົາ​ໄວ້​ແນ່­ນອນ​ວ່າ ເທົ່າ­ໃດ​ເຖິງ​ຈະ​ເໝາະ​ສົມ​ສຳ­ລັບທຸກ​ຄົນ​ເພາະ​ຂຶ້ນ​ຢູ່​ກັບ​ຄວາມ​ມັກ, ອາ­ຫານແລະ​ພຶດ­ຕິ​ກຳ​ໃນ​ຊິ​ວີດ​ປະຈຳ​ວັນ​ຂອງ​ແຕ່­ລະ­ຄົນ​ດ້ວຍ​ແຕ່​ຫາກ​ຈະ​ໃຫ້​ແນະ­ນຳ​ວ່າ​ກິນ​ເທົ່າໃດ​ເ ຖິງ​ຈະ​ປອດ​ໄພກໍ​ປະ­ມານ 6 ບ່ວງ​ກາ­ເຟ ຫຼື 2 ບ່ວງ​ແກງ ຫຼື ຖ້າ​ຫຼາຍ​ກວ່າ​ນີ້​ກໍ​ບໍ່​ຄວນ​ເກີນ 10 ບ່ວງ​ກາ­ເຟ ເນື່ອງ​ຈາ​ກວ່າ​ໃນ​ແຕ່​ລະ​ມື້​ເຮົາ​ຈະ​ຕ້ອງ​ໄດ້​ຮັບ​ນ້ຳ­ຕານ ຈາກ​ອາ­ຫານ, ໝາກ​ໄມ້, ເຄື່ອງ ດື່ມ ແລະ​ເຂົ້າ­ໜົມ​ຕ່າງໆ​ເຊັ່ນ​ກັນ ຊຶ່ງ​ວິ­ທີ​ກິນ​ນ້ຳ­ເຜິ້ງ​ໃຫ້​ແຊບ ແລະ ໄດ້​ປະ­ໂຫຍດ​ນັ້ນ​ແມ່ນ​ຄວນ​ປະ­ສົມ ກັບ​ນ້ຳ​ອຸ່ນ​ແລ້ວ​ດື່ມ 3 ເວ­ລາ​ກ່ອນ ອາ­ຫານ 1 ຊົ່ວ­ໂມງ ແລະ​ກ່ອນ ເຂົ້າ​ນອນ​ທຸກ​ມື້​ກິນ​ແທນ​ນ້ຳ­ຕານ ເຊັ່ນ​ໃສ່​ລົງ​ໄປ​ໃນ​ເຄື່ອງ​ດື່ມ​ເຊັ່ນ: ຊາ, ນ້ຳ­ໝາກ​ໄມ້ ຫຼື ທາ​ລົງ​ໃນ​ເຂົ້າ ໜົມ​ປັງ​ເປັນ­ຕົ້ນ.

   ນ້ຳ­ເຜິ້ງ​ນອກ­ຈາກ​ຈະ​ມີ​ປະ ໂຫຍດ​ແລ້ວ​ຖ້າ​ກິນ​ຫຼາຍ​ເກີນ​ໄປ​ກໍ ເຮັດ​ໃຫ້​ມີ​ໂທດ​ໄດ້​ເພາະ​ອາດ​ເຮັດ ໃຫ້​ເກີດ​ທ້ອງ​ອືດ, ຖອກ­ທ້ອງ​ເນື່ອງ ຈາກ​ມີ​ນ້ຳ­ຕານ​ຟຣຸກ​ໂຕ​ສ​ຢູ່​ຫຼາຍ ຊຶ່ງ​ອາດ​ເຮັດ​ໃຫ້​ເກີດ​ບັນ­ຫາ​ໃນ ການ​ດູດ​ຊຶມ​ໃນ​ລຳ​ໄສ້ ອີກ​ໜຶ່ງ​ນ້ຳ ເຜິ້ງ​ກໍ​ບໍ່​ເໝາະ​ກັບ​ຄົນ​ເຈັບ​ເບົາ ຫວານ​ບໍ່​ຄວນ​ໃຫ້​ເດັກ­ນ້ອຍ​ອາ­ຍຸ ຕ່ຳ​ກວ່າ 1 ປີ ແລະ​ແມ່­ຍິງ​ທີ່​ກຳ­ລັງ ຖື­ພາ ຫຼື ກຳ­ລັງ​ໃຫ້​ນົມ​ລູກ​ດື່ມ­ນ້ຳ ເຜິ້ງ ເພາະ​ນ້ຳ­ເຜິ້ງ​ມີ​ສະ​ປໍ​ຂອງ​ເຊື້ອ ພະ­ຍາດ​ທີ່​ອາດ​ເຮັດ​ໃຫ້​ເປັນ​ໂລກ ໂບ​ທູ​ລິ​ຊຶມ​ໄດ້ (ໂລກ​ຜິດ​ປົກ​ກະຕິທາງ​ລະ­ບົບ​ປະ­ສາດ​ທີ່​ເກີດ​ຂຶ້ນ​ຢ່າງວ່ອງ­ໄວ​ຈາກ​ການ​ຮັບ​ພິດ Botulinum toxin).