ນ້ຳເຕົ້າຮູ້ກັບໝາກນາວສູດຢາອາຍຸວັດທະນະຊ່ວຍເພີ່ມພູມຄຸ້ມກັນ

 

ນ້ຳເຕົ້າຮູ້ ກັບ ໝາກນາວອາຫານເສີມ ແລະ ຢາອາຍຸວັດທະນະທີ່ມີປະສິດທິພາບສູງ. ນ້ຳເຕົ້າຮູ້ກັບໝາກນາວເມື່ອປະສົມກັນຈະມີລັກສະນະຂຸ້ນຄືກັນກັບໂຢເກຣິດມີລົດຊາດສົ້ມໆຫວານໆເຊີ່ງສ່ວນປະສົມມີດັ່ງນີ້:

  • ນ້ຳເຕົ້າຮູ້ 150-200cc ປະສົມກັບນ້ຳໝາກນາວທີ່ແຊ່ເຢັນແລ້ວ1ໜ່ວຍປະສົມໃຫ້ເຂົ້າກັນດື່ມເປັນປະຈຳທຸກມື້ຕອນເຊົ້າກ່ອນອາຫານມື້ລະ1ຈອກ ຈະຮູ້ສຶກໄດ້ເຖີງຄວາມປ່ຽນແປງໃນທາງທີ່ດີຂື້ນກັບສຸຂະພາບ
  • ສັບພະຄຸນ
  1. ເສັ້ນເລືອດຝອຍ ແລະ ເສັ້ນເລືອດທົ່ວຮ່າງກາຍມີຄວາມຢຶດຢຸນດີຂື້ນບໍ່ແຕກງ່າຍໂດຍສະເພາະປ້ອງກັນເສັ້ນເລືອດຕີບຕັນ ແລະ ແຕກໃນສະໝອງໄດ້ ແລະ ຍັງຊ່ວຍໃຫ້ອາການຊ້ຳຂຽງຈາກການກະທົບກະແທກດີຂື້ນ ວິຕາມິນຊີຈາກໝາກນາວມີປະສິດທິພາບຊ່ວຍໃນການຢຶດຢຸນຂອງເສັ້ນເລືອດໄດ້ດີເຊີ່ງເລື່ອງນີ້ເຮົາຮູ້ກກັນດີໃນວົງການແພດມາດົນແລ້ວ
  2. ຊ່ວຍພູມຄຸ້ມກັນຮ່າງກາຍປ້ອງກັນໂລກຈາກການຕິດເຊື້ອໄວຣັດເຊັ່ນ: ເປັນຫວັດ, ໄອເຈັບຄໍ, ເຊີ່ງໂລກເຫຼົ່ານີ້ມັກຈະເປັນກັບຜູ້ທີ່ມີພູມຕ້ານທານຕ່ຳ ສູດນີ້ຊ່ວຍໃຫ້ໂລກບໍ່ໃຫ້ເປັນຮຸນແຮງຂື້ນຕື່ມ
  3. ຊ່ວຍລະບົບໄຫຼວຽນເລືອດດີຂື້ນອະໄວຍະວະຕ່າງໆກໍ່ເຮັດວຽກດີຂື້ນ, ສະໝອງແຈ່ມໃສຮ່າງກາຍສົດຊື່ນໃນຜູ້ສູງອາຍຸທີ່ມີອາການມັກວິນຫົວຈະເຫັນຜົນຢ່າງຊັດເຈນ ແລະ ຍັງບຳລຸງຮ່າງກາຍໃນຍາມທີ່ຕ້ອງອົດຫຼັບອົດນອນຂັບລົດທທາງໄກ
  4. ຊ່ວຍຊ້ອມແຊມ ແລະ ບຳລຸງເນື້ອເຢື້ອຕ່າງໆເນື່ອງຈາກມີໂປຣຕີນຈາກຖົ່ວເຫຼືອງ ແລະ ໝາກນາວເມື່ອລວມເຂົ້າກັນເຮັດໃຫ້ເກີດສົມດຸນຂອງກົດດ່າງຮ່າງກາຍຍ່ອຍ ແລະ ດູດຊຶມໄດ້ງ່າຍເຮັດໃຫ້ເວລາເປັນບາດແຜກໍ່ຈະເຊົາໄວຂື້ນ, ຮາກຜົມແຂງແຮງ, ຜົມງອກກັບມາດຳຂື້ນໄດ້, ຫຼຸດອາການຜົມຫຼົ່ນຂອງເສັ້ນຜົມໃໃນໄວທອງ
  5. ສຸຂະພາບໂດຍລວມດີຂື້ນສະມັດຖະພາບທາງເພດຈື່ງດີຂື້ນ
  6. ຊ່ວຍຕ້ານອະນຸມູນອິດສະລະເພາະມີວິຕາມິນຊີໃນໝາກນາວ ແລະ ສານໄອໂຊຟາເວີນອຍໃນນ້ຳນົມຖົ່ວເຫຼືອງເຊີ່ງແນ່ນອນວ່າການດື່ມເປັນປະຈຳຈະເຮັດໃຫ້ຮ່າງກາຍແຂງແຮງປ້ອງກັນການເກີດໂລກມະເລັງໃນຄົນທີ່ມີອາການຕ່ອມນ້ຳເຫຼືອງໃຫຍ່ຈາກໂລກມະເຮັງຕ່ອມນ້ຳເຫຼືອງເມື່ອກິນໄປໄດ້ໄລຍະໜື່ງຕ່ອມນ້ຳເຫຼືອງຈະມີຂະໜາດນ໊ອຍລົງຢ່າງເຫັນໄດ້ຊັດເຈນ

 ນອກຈາກນີ້ຍັງມີການແນະນຳໃຫ້ຜູ້ຍິງທີ່ປ່ວຍເປັນໂລກເອດທີ່ມີສຸຂະພາບບໍ່ຄ່ອຍດີດື່ມນ້ຳເຕົ້າຮູ້ປະສົມໝາກນາວດັ່ງກ່າວທຸກມື້ເປັນເວລາ 4 ເດືອນ ຈະເຫັນວ່າສຸຂະພາບຂອງຜູ້ປ່ວຍດີຂື້ນໃບໜ້າຜ່ອງໃສ, ຝ້າຂາວໆຢູ່ລິ້ນຈະຫາຍໄປໝົດນ້ຳໜັກເພີ່ມຂື້ນ,ຜິວໜັງເປັນປົກກະຕິບໍ່ເປັນບາດຕິດເຊື້ອສຸຂະພາບໄດຍລວມຄືກັນກັບຄົນປົກກະຕິ

ການກິນອາຫານພຽງພໍຢ່າງໃດຢ່າງໜື່ງອາດບໍ່ພຽງພໍກັບຮ່າງກາຍຄວນຮັບປະທານອາຫານນໃຫ້ຄົບ5ໝູ່ອອກກໍາລັງກາຍໃຫ້ສະໝໍ່າສະເໝີພັກຜ່ອນໃຫ້ພຽງພໍ ແລະ ເຮັດຈິດໃຈໃຫ້ສະຫງົບເບີກບານບໍ່ສະສົມຄວາມຄຽດຮ່າງກາຍກໍ່ຈະຫ່າງໄກໂລກ