ນ້ຳຫນັກ 8 ຕັນ ກັນລູກປືນ! ສຸດຍອດລົດປະຈຳຕຳແຫນ່ງ ບາຣັກໂອບາມາ ທີ່ຈະມາແລ່ນຢູ່ລາວ

ເປັນທີ່ຮູ້ກັນດີວ່າ ທ່ານ ບາຣັກ ໂອບາມາ ຈະມາຢ້ຽມຢາມ ສປປ ລາວຢ່າງເປັນທາງການໃນຕົ້ນເດືອນກັນຍານີ້. ຄິດອອກເລີຍໄປສອດສ່ອງລົດຄັນລູຫລາປະຈຳຕຳແຫນ່ງ ຂອງປະທານາທິບໍດີສະຫະລັດອາເມຣິກາ ທີ່ຈະໃສ່ຍົນລົງມາແລ່ນຢູ່ຖະຫນົນບ້ານເຮົາ. ລົດນີ້ມີຊື່ວ່ າthe Beast ມີຄວາມຍາວ 5.4 m ສູງ 1,75 m ແວ່ນກັນລູກປືນສຸດພິເສດຫນາ 5ນິ້ວ ທົນແຮງລະເບີດໄດ້ແລະແກັສພິດບໍ່ສາມາດເຂົ້າໄປດ້ານໃນຂອງລົດ.ບໍລິເວນຫນ້າລົດຕິດຕັ້ງປືນຍິງແກັສນ້ຳຕາ ໂຕລົດທັງຫມົດມີຄວາມຫນາ 8ນິ້ວ ພື້ນລົດເປັນເຫລັກກ້າທີ່ມີຄວາມແຂງແຮງທີ່ສຸດ. ທີ່ສຳຄັນມີລະບົບສັນຍານໂທລະສັບ ແລະອິນເຕີເນັດແຮງເພື່ອສະດວກແກ່ການຕິດຕໍ່ສື່ສານພົວພັນວຽກ ນ້ຳຫນັກທັງຫມົດຂອງລົດ ສູງເຖິງ 8ຕັນ. ໂອ່ໂຫ!!!!! ສຸດຍອດສະມັດທະນະຂອງລົດຍົນອີ່ຫລີເລີຍທ່ານໂອບາມາ.