ນ້ຳມັນໝາກພ້າວ ຂົ້ວໝາກຮະເພື່ອສຸຂະພາບ

 

ສິ່ງ​ທີ່​ຕ້ອງ​ກຽມ: ນ້ຳ­ມັນໝາກ­ພ້າວຫຼືຫົວ​ກະ­ທິ​ສົດ, ກະທຽມ​ຊອຍ​ລະ­ອຽດຫຼືຕຳ, ຫົວ​ຜັກບົ່ວ​ໃຫຍ່ ຫຼື ກາ​ຣົດ​ຊອຍ​ຕາມ​ລວງຍາວ, ໝາກ­ເຜັດ​ໃຫຍ່ 3 ສີ​ຄື: ເຫຼືອງ, ແດງ, ຂຽວຫຼື ສີ​ໃດ​ໜຶ່ງ​ກໍໄດ້​ຊອຍ​ແຊ່​ນ້ຳ, ໝາກ​ຮະເອົາ​ເມັດອອກ​ໂດຍ​ຜ່າ​ຍາວໆ​ແລ້ວ​ຊອຍ​ທາງຂວາງ​ແບບ​ບາງໆ​ແຊ່​ນ້ຳ​ເກືອເອົາ​ໄວ້, ໄຂ່​ຂາວ, ເຄື່ອງ­ປຸງ​ລົດ, ນ້ຳ​ຊຸບຫຼືນ້ຳ​ສະ­ອາດ.

    ວິ­ທີ​ປຸງ: ຄ້າງ​ໝໍ້​ໃຫ້​ຮ້ອນ​ໃສ່​ນ້ຳ­ມັນ​ໝາກ­ພ້າວ ຫຼື ຫົວ​ກະ­ທິ​ສົດ​ຄົນ​ໄປ-ຄົ້ນ​ມາ​ໃຫ້​ເປັນ​ນ້ຳ­ມັນ​ໜ້ອຍ​ໜຶ່ງ​ໃສ່​ກະ ທຽມ​ລົງ​ໄປ​ຂົ້ວ​ພໍ​ຫອມ​ນຳ​ໝາກ​ຮະ, ໝາກ­ເຜັດ​ໃຫຍ່ ແລະ​ຫົວ­ຜັກ­ບົ່ວ­ໃຫຍ່​ລົງ​ໄປ​ຂົ້ວ​ໃຫ້​ສຸກ ປຸງ​ລົດ​ຊາດ​ຕາມ ໃຈ​ມັກ​ນຳ​ດ້ວຍ​ການ​ຕື່ມ​ນ້ຳ​ຊຸບ ຫຼື ນ້ຳ​ສະ­ອາດ​ລົງ​ໄປ​ພໍ­ປະ­ມານ​ພໍ​ຟົດ​ກໍ່​ໃສ່​ໄຂ່​ຂາວ​ເປັນ​ອັນ​ສຳ­ເລັດ​ພ້ອມ​ຕັກ​ເສີບ ກັບ​ກັບ​ຈ້າວ​ຮ້ອນໆ, ເມ​ນູ​ນີ້​ເໝາະ​ຫຼາຍ​ທີ່​ສຸດ​ກັບ​ຄົນ​ທີ່​ເປັນ​ໂລກ​ເບົາ­ຫວານ​ເພາະ​ມີ​ພືດ 4 ຊະ­ນິດ​ທີ່​ສາ­ມາດ​ຊ່ວຍຕ້ານ​ໂລກ​ພະ­ຍາດ, ຫຼຸດ​ນ້ຳ­ຕານ​ໃນ​ເລືອດ ທີ່​ໄດ້​ຮັບ​ການ​ວິ­ໄຈ ແລະ​ທົດ​ລອງ​ແລ້ວ​ວ່າ​ໄດ້­ຜົນ​ແທ້​ເພາະ​ກະ­ທຽມ, ໝາກ­ເຜັດ, ຫົວ­ຜັກ­ບົ່ວ­ໃຫຍ່ ແລະ​ໝາກ​ຮະ ລວມ​ທັງ​ນ້ຳ­ມັນ​ໝາກ­ພ້າວ​ທີ່​ໃຫ້​ພະ­ລັງ­ງານ​ທີ່​ດີ​ຕໍ່​ຜູ້​ປ່ວຍ​ເບົາ­ຫວານ ທັງ​ບໍ່​ກໍ​ໃຫ້​ເກີດ​ອາ­ການ​ອ່ອນ­ເພຍ​ດ້ວຍ.

 

-----------------------------------------------------------------------------------------------------