ນ້ຳຕົກວັງພອງ ບ້ານໂພນຢາງ

   ນ້ຳ​ຕົ​ກວັງ​ພອງ ບ້ານ​ໂພນ​ຢາງ ຫ່າງ​ຈາກ​ປາກ​ກະ​ດິ່ງ​ປະ​ມານ 17 ກິ​ໂລ​ແມັດ ຫາກ​ເຈົ້າ​ຕ້ອງ​ການ​ນັ່ງ​ເຮືອ​ຊົມ​ຄວາມ​ສວຍ-ງາມ​ຂອງ​ແມ່ນ້ຳ​ກະ​ດິ່ງ ເຈົ້າ​ຕ້ອງ​ເດີນທາງ​ມາ​ທີ່ບ້ານ​ໂພນ​ຢາງ ເປັນ​ຫມູ່ບ້ານ​ແຄມ​ແມ່ນ້ຳ​ກະ​ດິ່ງ ຕັ້ງ​ຢູ່​ບໍລິເວນ​ສ່ວນ​ກາງ​ຂອງ​ແມ່ນ້ຳ ນັກ​ທ່ອງ​ທ່ຽວ​ຕ້ອງ​ອາໄສ​ການ​ເໝົາ​ເຮືອ​ຫາງ​ຍາວ​ໄປ​ເທົ່າ​ນັ້ນ ສາມາດ​ຕິດ​ຕໍ່​ເຮືອ​ໄດ້​ພາຍ​ໃນ​ຫມູ່ບ້ານ​ໂພນ​ຢາງ ລາ​ຄາ​ປະ​ມານ 50,000 – 85,000 ກີບ / ລຳ ໂດຍ​ສານ​ໄດ້ 3 – 4 ຄົນ ໃຊ້​ເວລາ​ທ່ຽວ​ປະ​ມານ 1 ຊົ່ວ​ໂມງ ແມ່ນ້ຳ​ກະ​ດິ່ງ​ເໝາະ​ສຳລັບ​ນັ່ງ​ເຮືອ​ຊົມ​ໃນ​ຊ່ວງ​ລະດູ​ຮ້ອນ​ແລະ​ລະດູ​ໜາວ​ ເທົ່າ​ນັ້ນ ເພາະ​ໃນ​ຊ່ວງ​ລະດູ​ຝົນ​ນ້ຳ​ຈະ​ຫລາຍ​ອັນຕະລາຍ ສາຍ​ນ້ຳ​ກະ​ດິ່ງ​ເປັນ​ສາຍ​ນ້ຳ​ຂະໜາດ​ໃຫຍ່​ທີ່​ໄຫລ​ມາ​ຈາກ​ປະເທດ​ວຽດ​ນາມ​ອອກ ​ສູ່​ແມ່ນ້ຳ​ຂອງ ລະ​ດັບ​ນ້ຳ​ບໍ່​ເລິກ​ສາມາດ​ລົງ​ຫລິ້ນ​ໄດ້ ນ້ຳ​ໃສ​ສະ​ອາດ​ສາມາດ​ເບິ່ງ-ເຫັນ​ພື້ນ​ຊາຍ​ຈາກ​ເທິງ​ເຮືອ ສອງ​ຂ້າງ​ທາງ​ຈະ​ເປັນ​ວິ​ຖີ​ຊີວິດ​ຂອງ​ຊາວ-ບ້ານ ດອນ​ສັນ​ຊາຍ​ກາງ​ນ້ຳ ໜ້າ​ຜາ​ຫິນ​ປູນ​ຂອງ​ພູເຂົາ​ຮອບ​ດ້ານ ປາຍ​ທາງ​ຈະ​ພົບ​ແກ່ງ​ນ້ອຍ​ ໆ ຂວາງ​ທາງ​ບໍ່​ສາມາດ​ແລ່ນ​ເຮືອ​ຕໍ່ໄປ​ໄດ້ ແກ່ງ​ນ້ຳ​ຄື ນ້ຳ​ຕົກວັງ​ພອງ ບໍລິເວນ​ນ້ຳ​ຕົກ​ເໝາະ​ແກ່​ການ​ຫລິ້ນ​ນ້ຳ. ລ່ອງ​ເຮືອ​ຊົມ ສາຍ​ນ້ຳ​ກະ​ດິ່ງ ແລະ ນ້ຳ​ຕົກວັງ​ພອງ

   ຕາດ​ວັງ​ຟອງ ເປັນ​ຕາດ​ທີ່​ກັ້ນ​ເຂດ​ລະຫວ່າງ​ແມ່ນ້ຳ​ກະ​ດິ່ງ​ແລະ​ແມ່ນ້ຳ​ເທີນ ຊຶ່ງ ​ແມ່ນ້ຳ​ສາຍ​ນີ້​ເປັນ​ແມ່ນ້ຳ​ສາຍ​ດຽວ​ກັນ​ແຕ່​ປະຊາຊົນ​ໄດ້​ຮຽກ​ເປັນ​ສາມ​ສີ ຕອນ​ຕົ້ນ​ຮຽກວ່າ ນ້ຳ​ເທີນ1 ຕອນ​ກາງ​ຮຽກວ່າ ນ້ຳ​ເທີນ 2 ແລະ​ຕອນ​ທີ່ 3 ຮຽກວ່າ​ນ້ຳ​ກະ​ດິ່ງ ຕາດ​ວັງ​ຟອງ​ຢູ່​ຫ່າງ​ຈາກ​ເມືອງ​ປາກ​ຊັນ​ປະ​ມານ 60 ກມ. ແລ້ວ​ຂື້ນ​ ​ລວດ​ປະ​ມານ​ໜຶ່ງ​ຊົ່ວ​ໂມງ ເທິງ​ເສັ້ນ​ທາງ​ຕາມ​ລຳ​ແມ່ນ້ຳ​ກະ​ດິ່ງ ທ່ານ​ຈະ​ໄດ້​ສຳ​ຜັດ​ກັບ​ທຳມະຊາດ​ທີ່​ຫາ​ເບິ່ງ​ໄດ້​ຢາກ​ຢູ່​ທັງ​ສອງ​ຟາກ​ຝັ່ງ ​ແມ່ນ້ຳ​ເຕັມ​ໄປ​ດ້ວຍ​ພູເຂົາ​ທີ່​ຍັງ​ຄົງຮັກສາ​ປ່າ​ໄມ້​ໄວ້​ໄດ້​ຢ່າງ​ ຫນາແຫນ້ນ ແລະ​ກ້ອນຫີນ​ທີ່​ທຳມະຊາດ​ໄດ້​ສ້າງ​ຂຶ້ນ​ຢ່າງ​ຈົບ-ງາມ

------------------------------------------------------------

ທີ່ມາ : https://ssookknya55234.wordpress.com/