ນຸ້ຍ ສຸພາພອນ ສົມວິຈິດ Miss Universe ຄົນທຳອິດຂອງລາວ!!

ກ່ອນອື່ນກໍ່ຂໍສະແດງຄວາມຍິນດຳນຳນ້ອງນຸ້ຍ ສຸພາພອນ ທີ່ສາມາດຄວ້າລາງວັນຊະນະເລີຍ ມິດຢູນີເວີຣສລາວ (Miss Universe Laos 2017) ເຊິ່ງໄດ້ຮັບລາງວັນ 100,000,000 ກີບ ພ້ອມມົງກຸນ ແລະ ໜຶ່ງໃນບັນດາສາວງາມທີ່ກຳລັງເປັນກະແສ ຫຼື ຈະເອີ້ນວ່າເປັນດາວເດັ່ນກໍວ່າໄດ້ນັ້ນກໍຄື ນຸ້ຍ ສຸພາພອນ ສົມວິຈິດ ອາຍຸ 20 ປີ  ເຊື່ອວ່າແຟນໆຫຼາຍໆຄົນຄົງຈະຄຸ້ນໜ້າຄຸ້ນຕາກັນສາວຄົນນີ້ເປັນຢ່າງດີ ເພາະນາງກໍເປັນໜື່ງໃນຜູ້ທີ່ເສີດສາຍໃນວົງການບັນເທິງເຊິ່ງ ນຸ້ຍ ສຸພາພອນ ກໍເປັນອີກໜຶ່ງສາວທີ່ມີຄວາມສາມາດຫຼາກຫຼາຍຢ່າງ ແລະ ຜ່ານງານໃນວົງການບັນເທິງບ້ານເຮົາມາຢ່າງຫຼວງຫຼາຍ ບໍ່ວ່າຈະເປັນດ້ານການປະກວດ, ການເດີນແບບ, ຖ່າຍແບບ ແລະ ສະແດງເອັມວີໃຫ້ແກ່ວົງຣ໋ອກຊື່ດັງມາແລ້ວ, ດັ່ງນັ້ນ ລອງມາຮູ້ຈັກກັນສາວງາມຄົນນີ້ກັນເລີຍ!!! 

ນຸ້ຍ ສຸພາພອນ ສົມວິຈິດ ອາຍຸ 20 ປີ ລວງສູງ 1,78 ຊັງຕີແມັດ  ປັດຈຸບັນກຳລັງສຶກສາຢູ່ທີ່ ວິທະຍາໄລ ຄອມເຊັນເຕີ້   ສາຂາບໍລິການທຸລະກິດ, ຜົນງານໃນໄລຍະທີ່ຜ່ານມາແມ່ນມາຈາກການປະກວດ ນາງສາວນະຄອນຫຼວງປີ 2016 ໄດ້ຕຳແໜ່ງ ຮອງນາງສາວນະຄອນຫຼວງ ຫຼື ເອີ້ນວ່າ ຮອງອັນດັບໜຶ່ງ, ຕໍ່ມາມີວຽກດ້ານການຖ່າຍແບບ-ເດີນແບບຕາມວາລະສານ  ແລະ ຕາມງານເດີນແບບຕ່າງໆ, ນອກຈາກນັ້ນ ນຸ້ຍ ສຸພາພອນ ຍັງມີຜົນງານຖ່າຍແບບທີ່ໂດດເດັ່ນໃນປະເທດໄທ ແລະ ຜົນງານເດີນແບບຫຼາຍງານທີ່ເດັ່ນໃນປະເທດລາວ ຈຶ່ງເຮັດໃຫ້ນ້ອງ ນຸ້ຍ ສຸພາພອນ ໄດ້ມີລາຍຊື່ຮັບລາງວັນ  ບຸກຄົນສຳຄັນແຫ່ງປີ 2017 (World Top Award 2017)  ທີ່ປະເທດໄທຈົນເຮັດໃຫ້ມີກະແສດັງໄປທົ່ວໂລກອອນລາຍໃນຊ່ວງຕົ້ນປີ 2017ທີ່ຜ່ານມາ, ຫຼ້າສຸດມີສະແດງເອັມວີເພງ “ກັບໄປສາ” ຂອງວົງ ແບັກອາຍ ເຊິ່ງເປັນເພງທີ່ກຳລັງເປັນກະແສ. ສຸດທ້າຍນີ້ ທາງເພຈຄິດອອກກໍ່ຂໍໃຫ້ສາວນຸ້ຍ ຈົງປະສົບຜົນສຳເລັດໃນຫນ້າທີ່ວຽກງານ ແລະ ໃນດ້ານບັນເທິງເດີ້.