ນີ້ແມ່ນ 20 ຄົນສຸດທ້າຍ ນາງສາວນະຄອນຫລວງວຽງຈັນ 2018

ໃນ​ວັນ​ທີ 17 ກຸມພາ​ 2018, ທີ່​ສູນ​ການ​ຄ້າ​ ວຽງ​ຈັນ​ເຊັນ​ເຕີ ບໍລິສັດກຣິດຕະພົງກຣຸບ ຈຳກັດ ຮ່ວມ​ກັບ​ພະ​ແນ​ກ ຖະ​ແຫລ​ງຂ່າວ ວັດທະນະທຳ ​ແລະ ທ່ອງ​ທ່ຽວ ນະຄອນ ຫລວງ​ວຽງຈັນ, ​ຜູ້​ຈັດ​ໂຄງການ​ປະ​ກວດ ນາງ​ສາວງາມ ນະຄອນຫລວງ​ວຽງ​ຈັນ ປະຈຳປີ 2018 ​ໄດ້​ມີ​ການ​ຄັດ​ເລືອກ​ຈາກ 50 ນາງ​ສາວ ​ໃຫ້​ເຫລືອ 20 ນາງ​ສາວ ​ເພື່ອ ເຂົ້າ​ເກັບ​ຕົວ​ ​ແລະ ຮ່ວມ​ກິດຈະກຳ​ ທີ່​ໂຮງ​ແຮມ​ແລນ​ມາກ ​ແມ່​ຂອງ​ລີ​ເວີ​ໄຊ​ ນະຄອນຫລວງ​ວຽງຈັນ
 ​ໂຄງການນີ້, ​ໄດ້​ຈັດ​ຂຶ້ນ ​​ເປັນ​ປີ​ທີ 10 ​ໂດຍໄດ້​ເລີ່​ມ​ເປີດ​ຮັບ​ສະໝັກ ​ນາງ​ສາວ​ ນະຄອນຫລວງ​ວຽງ​ຈັນ ແຕ່​ວັນ​ທີ 5 ທັນວາ 2017 ມາ​ເຖິງ​ ວັນ​ທີ 5 ກຸມພາ 2018​​​ ໄດ້​ລວມ​ເອົາ 120 ນາງ​ສາວ ທີ່​ສົນ​ໃຈ​ເຂົ້າ​ຮ່ວມ, ​​ເຊິ່ງ​ ໃນ​ວັນ​ທີ 4 ກຸມພາ 2018 ໄດ້​ມີ​ການ​ຄັດ​ເລືອກ​ ຈາກ​ຮູ​ບພາບ ທັງ​ໝົດ​ເຫລືອ​ພຽງ 50 ນາງ​ສາວ ​ແລະ ​ໄດ້​ມີ​ການ​ເລືອກ​ຮອບ​ສຸດ​ທ້າຍ ​ໃນ​ຄັ້ງ​ນີ້ ໃຫ້​ເຫລືອ 20 ນາງ​ສາວ ​ເພື່ອ​ເກັບຕົວ ຈົນ​ເຖິງ​ວັນ​ທີ 7 ​ເມສາ 2018,​ ເຊິ່ງ​ເປັນ​ມື້ ​ຊີງ​ຊະນະ​ເລີດ. 

ນີ້ແມ່ນ 20 ຄົນສຸດທ້າຍ ນາງສາວນະຄອນຫລວງວຽງຈັນ 2018


ຕະຫລອດ​ໄລຍະ​ການ ເກັບ​ຕົວຂອງທັງ 20 ນາງ​ສາວ ​ແມ່ນ​ຈະ​ໄດ້​ມີ​ການ ​ເຄື່ອນ​ໄຫວ​ຫລາຍ​ກິດຈະກຳ ​ໂດຍ​ສະ​ເພາະ ​ການ​​ໂຄສະນາເຜີຍ​ແຜ່ ສະຖານ​ທີ່​ທ່ອງ​ທ່ຽວ ​ແຫ່ງ​ຕ່າງໆ ຢູ່​ນະຄອນຫລວງ​ວຽງຈັນ. ຜູ້​ທີ່​ໄດ້​ຮັບ​ຄັດ​ເລືອກ ​ເປັນ​ນາງ​ສາວ​ງາມ ປະຈຳ​ປີ 2018, ນອກຈາກ​ ຈະ​ໄດ້​ຮັບ​ກຽດ ​ເປັນນາງ​ສັງຂານ ​ແລ້ວ ຍັງ​ເປັນ​ສ່ວນ​ສຳຄັນ ​ໃນ​ການ​ເຄື່ອນ​ໄຫວ​ກິດຈະກຳ​ ເພື່ອ​ສັງ​ຄົມລາວ ລວມທັງການ ​ຕ້ອນຮັບ​ປີ​ທ່ອງ​ທ່ຽວ ລາວ 2018, ເພື່ອ​ສົ່ງ​ເສີມ​ ວັດທະນະທຳ​ຮີດຄອງ​ປະ​ເພນີ​ລາວ, ນຳ​ຄຸນຄ່າ​ສູ່​ແມ່ຍິງ​ລາວ​ ໃຫ້​ມີ​ບົດບາດ​ໃນ ສັງຄົມ​​​ໄດ້ຮັບ​ຮູ້​ຢ່າງ​ກວ້າງຂວາງ.