ນຳສະເໜີຜະລິດຕະພັນເບຍຍີ່ຫໍ້ໃໝ່

 

ໃນວັນທີ 10 ກຸມພານີ້, ຢູ່ສະມະຄົມນັກຂ່າວແຫ່ງ ສປປ ລາວ ນະຄອນຫຼວງວຽງຈັນ ບໍລິສັດອຳນວຍກິດ ເທຣດດິງຈຳກັດຜູ້ດຽວໄດ້ຈັດພິທີນຳສະເໜີຜະລິດຕະພັນເບຍເຊຍ( CHEERS) ໂດຍການເຂົ້າຮ່ວມຂອງປະທານ, ພາກສ່ວນກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມ.
ຮອງປະທານບໍລິສັດດັ່ງກ່າວວ່າ: ບໍລິສັດຂອງຕົນໄດ້ນຳເຂົ້າເບຍດັ່ງກ່າວມາຈຳໜ່າຍໃນ ສປປ ລາວເປັນເວລາ 3 ເດືອນກ່ວາແລ້ວ, ຊຶ່ງເປັນຜະລິດຕະພັນນຳເຂົ້າຈາກຕ່າງປະເທດ ແລະ ມີສອງສີໃຫ້ເລືອກດື່ມຄື: ສີຟ້າມີທາດເຫຼົ້າປະສົມ 5 % ແລະ ສີແດງມີທາດເຫຼົ້າປະສົມ 6,5% . ຈຸດເດັ່ນຂອງເບຍດັ່ງກ່າວແມ່ນໄດ້ຮັບຫຼຽນຄຳຊະນະເລີດເບຍຄຸນນະພາບດີເດັ່ນລະດັບສາກົນມາແລ້ວຫຼາຍຄັ້ງເຊັ່ນປີ 2007, ປີ 2010 ແລະ ປີ 2013 ປັດຈຸບັນມີຈຳໜ່າຍຢູ່ 5 ປະເທດໃນອາຊຽນລວມທັງ ສປປ ລາວ ເຊິ່ງແມ່ນບໍລິສັດອຳນວຍກິດ ເທຣດດິງຈຳກັດ ເປັນ ຜູ້ນຳເຂົ້າ ແລະ ຈຳໜ່າຍຜະລິດພັນເບຍເຊຍພຽງຜູ້ດຽວໃນລາວມີສຳນັກງານຕັ້ງຢູ່ຖະໜົນທ່າເດື່ອ, ບ້ານຈອມເພັດໃຕ້, ເມືອງສີສັດຕະນາກ, ນະຄອນຫຼວງວຽງຈັນ

CRI