ນາໂປລີກຽມປະກາດດຶງ ມາໂກ ຣັອກ ແລ້ວ

 

ມາໂກ ຣັອກ ກອງກາງອະນາຄົດໄກຂອງ ດິນາໂມ ຊາເກຣັບ ກຽມຍ້າຍມາຢູ່ກັບ ນາໂປລີ ໃນໄວໆນີ້ໃນລາຄາ 15 ລ້ານເອີໂຣບວກກັບໂບນັດເພີ່ມອີກ 3 ລ້ານເອີໂຣ ຫຼັງຈາກທີ່ ນາໂປລີ ກຽມຂາຍ ເດບິດ ໂລເປດ ໄປໃຫ້ກັບ ເອສປານຢອນ.

 

“ສະກາຍ ສະປອດ ອີຕາເລຍ” ສື່ຊື່ດັງຂອງອີຕາລີຕີຂ່າວເມື່ອວັນທີ 12 ທີ່ຜ່ານມາວ່າ ນາໂປລີ ສະໂມສອນດັງຂອງ ກັນໂຊ ຊີຣີ ອາ ກຽມປະກາດດຶງໂຕ ມາໂກ ຣັອກ ກອງກາງດາວລຸ້ງ ດິນາໂມ ຊາເກຣັບ ທີມດັງໃນລີກໂຄເອເຊຍດ້ວຍລາຄາ 15 ລ້ານເອີໂຣ.

 

ນັກເຕະຕົກເປັນທີ່ໝາຍປອງຂອງ ເມົາຣິຊິໂອ ຊາຣີ ນາຍໃຫຍ່ຂອງ ນາໂປລີ ມາດົນແລ້ວຂະນະທີ່ ຊາເກຣັບ ຕ້ອງການດຶງໂຕໄວ້ຈົນກວ່າຈະຈົບເກມ ຢູຟາ ແຊມປຽນລີກ ຮອບເພລອອບ ແຕ່ວ່າ ນາໂປລີ ຢາກໄດ້ມາແທນ ດາບິດ ໂລເປດ ທີ່ຂາຍໄປໃຫ້ກັບ ເອສປານຢອນ.

 

ຫຼ້າສຸດ “ສະປອດອີຕາເລຍ” ຕີຂ່າວວ່າ ນາໂປລີ ຈະປິດການເຈລະຈາ ຣັອກ ໃນລາຄາ 15 ລ້ານເອີໂຣບວກກັບໂບນັດເພີ່ມອີກ 3 ລ້ານເອີໂຣໃນໄວໆນີ້.