ນາໂນເທັກໂນໂລຢີແມ່ນຫຍັງມາຮູ້ຄໍາຕອບກັນເລິຍ

ນາໂນເທັກໂນໂລຢີເປັນການປະຍຸກທາງດ້ານວິທະຍາສາດທີ່ປັດຈຸບັນມີການເວົ້າເຖິງກັນຫຼາຍ ແລະ ຖືໄດ້ວ່າເປັນເທັກໂນໂລຢີທີ່ມີຄວາມສໍາຄັນໃນການປ່ຽນແປງໂລກໃນອາດີດ ແລະ ປັດຈຸບັນຢ່າງຫຼວງຫຼາຍ ຫາກເຮົາຈະເຫັນສິ່ງຕ່າງຢູ່ອອ້ມຕົວເຮົານັ້ນເກີດຈາກສິ່ງທີ່ນ້ອຍລວມຕົວກັນເຮັດໃຫ້ເກີດສິ່ງໃຫມ່ ແລະ ມີຈຂະໜາດໃຫຍ່ຂື້ນມາ ຊຶ່ງທາງວິທະຍາສາດເອີ້ນວ່າ ອະຕອມ ໂດຍອະຕອມຈະມີການຮຽງຕົວກັນໃນຮູບແບຕ່າງໆ ຊຶ່ງເຮັດໃຫ້ເກີດມີສິ່ງຂອງຂື້ນມາເປັນຮູບຮ່າງ ແລະ ມີຄຸນສົມບັັດທີ່ແຕກຕ່າງກັນບໍ່ວ່າຈະເປັນໜັງສື,ໂຕະ,ບິກ,ສໍ,ນໍ້າ ຫລືສິ່ງອື່ນທີ່ເປັນສະສານ ການທີ່ເຮົາພົບວ່າສະສານເຫຼົ່ານັ້ນເກີດຈາກການຮຽງຕົວກັນຂອງອາຕອມເຮັດໃຫ້ເຮົາຄິດຄົ້ນອະຕອມມາປະກອບເປັນສະສານທີ່ມີຄຸນສົມບັດໃໝ່ ໂດຍອາຕອມມີຂະໜາດທີ່ນ້ອຍຫຼາຍບໍ່ສາມາດເບິ່ງເຫັນດ້ວຍຕາເປົ່າໄດ້ຈໍາເປັນຕ້ອງໄດ້ໃຊ້ເຄື່ອງມີທີ່ເໝາະສົມໃນການນໍາອາຕອມມາຮຽງຕົວກັນໃຫມ່

ເຖິງແມ່ນວ່າໃນອາດີດ ເຮົາຈະຮູ້ຈັກອາຕອມຫລືເອີ້ນວ່າໂມເລກຸນມາດົນແລ້ວກໍ່ຕາມ ແຕ່ຍັງບໍ່ສາມາດເອົາໄປໃຊ້ຫຼືວ່າປ່ຽນແປງໂຄງສ້່າງໃນລະດັບໂມເລກຸນໃຫ້ໄດ້ຄຸນສົມບັດ ແລະ ສະສານຕົວໃຫມ່ ພຽງແຕ່ນໍາແຮ່ທາດມາປະສົມກັນ ຫລື ວ່າຍໍ້ສ່ວນທີ່ມີຂະໜາດທີ່ນ້ອຍລົງເທົ່ານັ້ນ ເຊັ່ນ ໄມໂຄຣຊິບ ຊຶ່ງມີຂໍ້ຈໍາກັດຫຼາຍ ສົ່ງຜົນໃຫ້ຄິດຄົ້ນນໍາໂມເລກຸນມາຈັດຮຽງໃຫ້ເກີດວັດສະດຸໃຫມ່ທີ່ມີຂະໜາດນ້ອຍລົງ ແລະ ມີຄຸນສົມບັດໃໝ່ທີ່ດີຂື້ນກ່ວາເກົ່າ

ນາໂນຄື ອັດຕາສ່ວນ 1ໃນພັນລ້ານ ຫຼື ເທົ່າກັບແມັດ ເຮົາຈຶ່ງເວົ້າກັນທົ່ວໄປວ່ານາໂນແມັດ ເປັນການຮຽງຕົວກັນໃນລະດັບໂມເລກຸນມາຈັດຮຽງ 10ຕົວ ເພື່ອໃຫ້ສະສານມີຄຸນສົມບັດໃໝ່ທີ່ດີ ແລະ ເຮັດໃຫ້ມີຂະໜາດນ້ອຍຫຼາຍເໝາະສົມກັບການນໍາໄປໃຊ້ປະໂຫຍດຕາມຄວາມຕ້ອງການ ເຊັ່ນ ອຸປະກອນເອເລັກໂທຣນິກ ຜ້ານາໂນ ຮຸ່ນຍົນນາໂນ ໂດຍການນໍາເອົາໂມເລກຸນມາຈັດຮຽງທາງເຄມີ ແລະ ກົນລະສາດປະສົມປະສານກັນ

ຕົວຢ່າງ ນາໂນເທັກໂນໂລຢີ ນາໂນເທັກໂນໂລຢີໄດ້ນໍາມາປະຍຸກ ເພື່ອນໍາໄປໃຊ້ງານໃນດ້ານຕ່າງໆ ໄດ້ຫຼາກຫຼາຍ ແລະ ຍັງມີການຄິດຄົ້ນຈົນສາມາດໄດ້ອຸປະກອນທີ່ເກີດຈາກນາໂນເທັກໂນໂລຢີໄວ້ຫຼາຍຢ່າງ ມີສ່ວນຊ່ວຍໃຫ້ຊີວິດປະຈໍາວັນຂອງມະນຸດສະດວກສະບາຍຂື້ນ ຕົວຢ່າງເຊັ່ນ:

-ວັດສະດຸນາໂນ ເປັນການສ້າງວັດສະດຸຂື້ນມາໃຫມ່ຫລື ວ່າປ່ຽນແປງວັດສະດຸເກົ່າໂດຍການສ້າງ ແລະ ຄວບຄຸມທີ່ນ້ອຍກ່ວາ 100ນາໂນແມັດ ເຮັດໃຫ້ມີວັດສະດຸທີ່ດີ ແຂງແຮງ ທົນທານ ມີຂະໜາດນ້ອຍລົງຫຼາຍ ເໝາພສໍາລັບການໃຊ້ງານທີ່ມີຮູບແບບຕ່າງກັນ ເຊັ່ນ ສີ້ນສ່ວນລົດຍົນ ເຊລາມິກ

-ທໍ່ນາໂນຄາບອນ ເປັນວັດສະດຸທີ່ນໍາໄຟຟ້າ ມີຂະໜາດນ້ອຍ ທີ່ສາມາດນໍາໄປປະກອບກັບອຸປະກອຮໂທນິກໄດ້

-ຫຸ່ນຍົນນາໂນ ຫຸ່ນຍົນສາມາດເຮັດວຽກ ແລະ ຮັບພະລັງງານຈາກໂປຣຕີນທີ່ຮ່າງກາຍຂອງຄົນເຮົາໃຊ້ເພື່ອໃຊ້ໃນການຮັກສາໂຣກຕ່າງໆ ໃນລະດັບ

ປະໂຫຍດຂອງນາໂນເທັກໂນໂລຢີ ປະໂຫຍດຂອງນາໂນນັ້ນສາມາດທີ່ຈະນໍາໄປໃຊ້ໃນດ້ານຕ່າງໆຢ່າງກ້ວາງຂວາງ ເຮັດໃຫ້ມະນຸດມີຄວາມຈະເລີນກ້າວໜ້າ ໃນດ້ານຕ່າງໆ ແລະ ຊ່ວຍນໍາໄປພັດທະນາຊີວິດ ວິທະຍາສາດ ການແພດ ການຂົນສົ່ງ

-ຄອມພິວເຕີ້ ມີຂະໜາດນ້ອຍລົງ ແລະ ເຮັດວຽກຢ່າງໄວວາ ປະຢັດພະລັງງານ ການໃຊ້ນາໂນເທັກໂນໂລຢີມາຜະລິດອຸປະກອນຄອມພິວເຕີ້ເຮັດວຽກໄດ້ຢ່າງມີປະສິດທີພາບຫຼາຍຂື້ນ ເຮັດໃຫ້ມີຂະໜາດນ້ອຍລົງ ໃຊ້ພະລັງງານນ້ອຍລົງ ເຮັດໃຫ້ມີຂະໜາດ ແລະ ລາຄາຫຼຸດລົງ

-ຮັກສາໂຣກ ແລະ ອາການຕ່າງໆ ມີການນໍາເອົານາໂນເທັກໂນໂລຢີມາສ້າງຫຸ່ນຍົນຂະໜາດນ້ອຍຫຼາຍ ໂດຍສາມາດເຂົ້າໄປໃນຮ່າງກາຍຜ່ານກະແສເລືອດ ຫຸ່ນຍົນຈະເຮັດໜ້າທີ່ຫາຈຸດບົກພ່ອງໃນລະດັບເຊລ ຈະເຂົ້າໄປກວດສອບ ແລະ ທໍາລາຍເຊລທີ່ຜິດປົກກະຕິໃນຮ່າງກາຍ

-ຍານຍົນ ແລະ ອາວະກາດ ໃນດ້ານວັດສະດຸທີີ່ຊ່ວຍຫຼຸດພະລັງງານໃນການຂັບເຄື່ອນຂອງເຄື່ອງຍົນຫຼຸດແຮງສຽດທານ ມີຄວາມແຂງແຮງ ແລະ ທົນທານຫຼາຍຂື້ນ ແລະ ຊ່ວຍໃຫ້ງານວິໄຈໄດ້ດີ ແລະ ມີຄວາມແມ່ນຍໍາ ຈຶ່ງເຮັດໃຫ້ວິທະຍາສາດມີຄວາມກ້າວໜ້າໄປທັງ ເຄມີ ຊີວະວິທະຍາ ແລະ ອື່ນໆ

-ສິ່ງແວດລ້ອມ ຊ່ວຍໃຫ້ຄິດຄົ້ນ ອຸປກອນທີ່ປະຢັດພະລັງງານຫຼຸດໃຊ້ຊັບພະຍາກອນ ແລະ ມີການປັບປຸງໃນອຸປະກອນ ແລະ ເຄື່ອງມືທີ່ໃຊ້ໃນການກໍາຈັດມົນລະພິດ

-ວັດສະດຸອຸປະກອນ ເຮັດໃຫ້ເກີດວັດສະດຸອຸປະກອນທີ່ເກີດຂື້ນມາໃໝ່ເພື່ອໃຊ້ໃນຊີວິດປະຈໍາວັນໄດ້ຫຼາກຫຼາຍ ເພື່ອໃຫ້ມີຄຸນນະພາບທີ່ດີຂື້ນ ມີຂະໜາດນ້ອຍລົງ ມີຄວາມແຂງແຮງຫຼາຍຂື້ນ ແລະ ມີຄຸນສົມບັັດທີ່ເໝາະສົມກັບການນໍາໄປໃຊ້ງານເຊັ່ນ: ຜ້ານາໂນ ເປັນຜ້າທີ່ລະບາຍອາກາດໄດ້ ແລະ ບໍ່ມີກິ່ນອັບບໍ່ສະສົມແບັກທີເຣຍ ພາລາສະຕິກທີ່ມີຄວາມແຂງແຮງ ແລະ ມີຂະໜາດເບົາ ເປັນຕົ້ນ