ນັດສົ່ງເຮໂຣອິນຢູ່ຮ້ານອາຫານ ຖືກຈັບພ້ອມຂອງກາງ

ໃນວັນທີ 12 ສິງຫາ 2017, ກົມຕຳຫຼວດສະກັດກັ້ນ ແລະ ຕ້ານຢາ ເສບຕິດ ກົມໃຫຍ່ຕຳຫຼວດ ກະຊວງ ປກສ ໄດ້ເຂົ້າຈັບຕົວເປົ້າໝາຍ 2 ຄົນຊື່ ທ້າວ ວັນທາ ອາຍຸ 29 ປີ ຢູ່ບ້ານຜົ້ງສາລີ ເມືອງຜົ້ງສາລີ ແຂວງ ຜົ້ງສາລີ ແລະ ທ້າວ ໄມແສງ, ອາຍຸ 35 ປີ ຢູ່ບ້ານມອມ ເມືອງຕົ້ນເຜີ້ງ ແຂວງບໍ່ ແກ້ວ ພ້ອມຂອງກາງ ເຮໂຣອິນ 1 ແທ່ງ ໜັກ 380,9 ກຼາມ, ລົດໃຫຍ່ 1 ຄັນ, ລົດຈັກ 1 ຄັນ, ໂທລະສັບມືຖື 1 ໜ່ວຍ ເງິນຈຳນວນ ໜຶ່ງ.
ປັດຈຸບັນ, ພວກກ່ຽວຍັງຢູ່ໃນຂັ້ນຕອນຂອງການສືບສວນ-ສອບ ສວນ ຂະຫຍາຍຜົນຫາເຄືອຄ່າຍ, ກຸ່ມແກ້ງ, ຜູ້ເປັນຫົວໂປໂຕການ ເພື່ອຕິດຕາມຈັບຕົວໄປດຳເນີນຄະດີຕາມຂນຕອນຂອງກົດໝາຍ.

Cr: ໜັງສືພິມຄວາມສະຫງົບ LSecurity News