ນັກ​ວິ​ໄຈ​ ເຜີຍ​ ນ້ຳ​ມັນ​ໝາກ​ພ້າວ​ສະ​ກັດ​..ດີກວ່າ​ຢາຖູ​ແຂ້ວ​ທຸກ​ຊະນິດ​ໃນ​ໂລກ​

ນັກ​ວິ​ໄຈ​ ເຜີຍ​ ນ້ຳ​ມັນ​ໝາກ​ພ້າວ​ສະ​ກັດ​..ດີກວ່າ​ຢາຖູ​ແຂ້ວ​ທຸກ​ຊະນິດ​ໃນ​ໂລກ​

ສະ​ຖາ​ບັນ​ເທັກ​ໂນ​ໂລ​ຢີ​ Athlone ໄດ້​ດຳ​ເນີນ​ການສຶກສາ​ແລະ​ໃຫ້​ຄວາມ​ສົນ​ໃຈ​ໄປ​ກັບ​ຄຸນສົມບັດ​ຕ່າງ​ໆ​ຂອງ​ນ້ຳ​ມັນ​ທຳມະຊາດ​ທີ່​ຈັດການ​ກັບ​ແບັກ​ທີ​ເຣຍ​ໃນ​ຊ່ອງ​ປາກ​ ໜຶ່ງ​ໃນ​ນັ້ນ​ຄື​ນ້ຳ​ມັນ​ໝາກ​ພ້າວ​ມັນ​ຊ່ວຍ​ຈັດການ​ບັນຫາ​ຂອງ​ຊ່ອງ​ປາກ​ທີ່​ເກີດ​ຈາກ​ແບັກ​ທີ​ເຣຍ​

ການສຶກສາ​ເທື່ອ​ນີ້​ເລີ່ມ​ຕິດ​ຕາມ​ຜົນ​ຕັ້ງ​ແຕ່​ເລີ່ມ​ຊຶ່ງ​ເຮັດໃຫ້​ຄົ້ນ​ພົບ​ວ່າ​ ຂອງ​ແຫຼວ​ຊະນິດ​ນີ້​ເຮັດວຽກ​ຢ່າງ​ເຕັມ​ກຳ​ລັງ​ກັບ​ສະ​ເຕັບ​ໂຕຄອກ​ຄັສ​ ມິວ​ແທນ​ ທີ່​ເຄືອບ​ຕິດ​ຢູ່​ແຂ້ວ​

ຢາ​ຖູ​ແຂ້ວ​ໃນ​ອະນາຄົດ​ ເກີດ​ຈາກ​ການ​ປັບ​ປ່ຽນ​ເອນ​ໄຊ​​ໃນ​ນ້ຳ​ມັນ​ໝາກ​ພ້າວ​ 
ຕາມ​ທີ່​ນັກ​ວິ​ໄຈ​ໄດ້​ລະ​ບຸ​ໄວ້​ ການ​ບໍລິ​ໂພກ​ນ້ຳ​ມັນ​ໝາກ​ພ້າວ​ຊ່ວຍ​ຢັບ​ຢັ້ງ​ການ​ຈະເລີນ​ເຕີບໃຫຍ່​ຂອງ​ແບັກ​ທີ​ເຣຍ​ໃນ​ຊ່ອງ​ປາກ​ໄດ້​ຢ່າງ​ມີປະ​ສິດ​ທິ​ພາບ​ ນອກ​ຈາກ​ນີ້​ຍັງ​ສາມາດ​ຢັບ​ຢັ້ງ​ການ​ຈະເລີນ​ເຕີບໃຫຍ່ຂອງ​ສ​ະເຕັບໂຕຄອກຄັສ ມິວ​ແທນ​​ 

ຫາກ​ເຈົ້າ​ບໍ່​ໄດ້​ຮູ້​ວ່າ​ ສ​ະເຕັບໂຕຄອກຄັສ ມິວ​ແທນ​ຄື​ຫຍັງ​ ມັນ​ຄື​ແບັກ​ທີ​ເຣຍ​ທີ່​ຜະລິດ​ກົດ​ຊຶ່ງ​ເປັນ​ສາ​ເຫດ​ທີ່​ເຮັດໃຫ້​ແຂ້ວແມງ​ ຕາມ​ສ​ະຖິ​ຕິ​ຈະ​ມີ​ຜົນ​ຕໍ່​ເດັກ​ 60-90% ແລະ ​ປະຊາກອນ​ສ່ວນ​ໃຫຍ່​ໃນ​ປະ ເທດ​ອຸດສາຫະກຳ​

ເຮົາ​ຮູ້​ວ່າ​ນ້ຳ​ມັນ​ໝາກ​ພ້າວ​ມີ​ຄຸນສົມບັດ​ຫຼວງຫຼາຍ​ ແຕ່​ໃນ​ການສຶກສາ​ວິ​ໄຈ​ເທື່ອ​ນີ້​ໄດ້​ສ້າງ​ຄວາມ​ບໍ່​ທຳມະດາ​ຂຶ້ນ​ຫຼວງ​ຫຼາຍ​ແລະ​ໄດ້​ຖືກ​ນຳ​ສະເໜີ​ໃນ​ບ່ອນປະ​ຊຸມ​ຂອງ​ມະຫາ​ວິທະຍາໄລ​ວໍ​ວິກ​ໃນ​ຊ່ວງ​ລະດູ​ໃບ​ໄມ້ຫຼົ່ນ​ວ່າ​ ເອນ​ໄຊ​ໃນ​ນ້ຳ​ມັນ​ໝາກ​ພ້າວ​ສາມາດ​ໃຊ້​ຂ້າ​ຢີດ​ຊະນິດ​ໜຶ່ງ​ທີ່​ຊື່​ວ່າ​ແຄນ​ດິ​ດາ​ ອັນ​ບິ​ແຄນ​ ທີ່​ເຮັດໃຫ້​ເກີດ​ເຊື້ອ​ລາ​ທີ່​ປາກ​ແລະ​ລຳ​ຄໍ​

Dr Damien Brady ຈາກ​ສະ​ຖາ​ບັນ​ເທັກ​ໂນ​ໂລ​ຢີ​ Athlone ໃນ​ສາທາລະນະ​ຣັດ​ໄອ​ແລນ​ ແລະ ​ນັກ​ວິ​ໄຈ​ທ່ານ​ອື່ນ​ໄດ້​ກ່າວ​ວ່າ​ "ການ​ນຳ​ເອນ​ໄຊ​ໃນ​ນ້ຳ​ມັນ​ໝາກ​ພ້າວ​ທີ່​ຖືກ​ປັບ​ປ່ຽນ​ມາ​ລວມຢູ່​ຜະລິດ ຕະພັນ​ທີ່​ໃຊ້​ເບິ່ງ​ແຍງ​ສຸຂະພາບ​ແຂ້ວ​ເປັນ​ຕົວ​ເລືອກ​ທີ່​ໜ້າສົນ​ໃຈ​ ໂດຍ​ສະເພາະ​​ເມື່ອ​ປຽບທຽບ​ການ​ເຮັດ​ວຽກ​ກັນ​ແລ້ວ​ ມັນ​ຊ່ວຍ​ເພີ່ມ​ການ​ຢັບ​ຢັ້ງ​ແລະ​ຢຸດ​ການ​ຈະເລີນ​ເຕີບໃຫຍ່ຂອງ​ແບັກ​ທີ​ເຣຍ​ໄດ້​ຫຼາຍກວ່າ​ ມັນ​ຈຶ່ງ​ເປັນ​ສາ​ເຫດ​ຫຼັກ​ທີ່​ເຮົາ​ຫັນ​ມາ​ໃຫ້​ຄວາມ​ສົນ​ໃຈ​ກັບ​ວິທີ​ການ​ໃໝ່​ເພື່ອ​ຕໍ່ສູ້​ກັບ​ເຊື້ອ​ຈຸລິນຊີ​ "

ພຽງ​ແຕ່ຕອນ​ນີ້​ຢູ່ໃນ​ຊ່ວງ​ທີ່​ນັກ​ວິທະຍາ​ສາດ​ຍັງ​ພະຍາຍາມ​​ຫາ​ຜົນ​ກະ ທົບ​ປີກ​ຍ່ອຍ​ຂອງ​ຜະລິດ ຕະພັນ​ ວ່າ​ຈະ​ມີ​ຜົນ​ກະທົບ​ຕໍ່​ສຸຂະພາບ​ໂດຍ​ລວມ

"ຂໍ້​ມູນ​ຂອງ​ເຮົາ​ສະແດງ​ໃຫ້​ເຫັນ​ວ່າ​ຜະລິດຕະພັນ​ນີ້​ມີ​ລິດ​ຕ້ານ​ຈຸລະ​ຊີບ​ ຊຶ່ງ​ອາດ​ມີ​ຜົນ​ກະທົບ​ຕໍ່​ການ​ຈະເລີນ​ເຕີບໃຫຍ່ຂອງ​ເຊື້ອ​ແບັກ​ທີ​ເຣຍ​ໃນ​ເຢື່ອ​ທາງເດີນ​ອາຫານ​ແລະ​ສຸຂະພາບ​ລຳ​ໄສ້​ທັງ​ໝົດ​ " ດຮ.​ເບນ​ດີ້​ ກ່າວວ່າ​
ວິທີ​ໃຊ້​ນ້ຳ​ມັນ​ໝາກ​ພ້າວ​ເພື່ອ​ໃຫ້​ສຸຂະພາບ​ໃນ​ຊ່ອງ​ປາກ​ດີ​ຂຶ້ນ​
ເຖິງ​ເວລາ​ທີ່​ເຈົ້າ​ຕ້ອງ​ພິຈາລະນາ​ການເຮັດ​ຄວາມ​ສະ​ອາດ​ແຂ້ວ​ຂອງ​ເຈົ້າ​ໃໝ່​ ໂດຍ​ການ​ໃຊ້​ນ້ຳ​ມັນ​ໝາກ​ພ້າວ​ທີ່​ມີປະ​ສິດ​ທິ​ພາບ​ຫຼາຍ​ຂຶ້ນ​ກວ່າ​ເກົ່າ​ອີກ​ທັງ​ຍັງ​ບໍ່​ມີ​ຟູ​ອໍ​ໄຣ​ທີ່​ອາດ​ເຮັດໃຫ້​ເກີດ​ອັນຕະລາຍ​ຕໍ່​ຮ່າງກາຍ​

ອົມ​ນ້ຳ​ມັນ​
ທັງ​ໝົດ​ທີ່​ເຈົ້າ​ຕ້ອງ​ເຮັດ​ຄື​ການ​ປ່ຽນ​ມາ​ໃຊ້​ນ້ຳ​ມັນ​ໝາກ​ພ້າວ​ໜຶ່ງ​ບ່ວງ​ເຕັມ​ໆ​ ອົມ​ໄວ້​ໃນ​ປາກ​ຂອງ​ເຈົ້າ​ເປັນ​ເວລາ​ 15 ເຖິງ​ 20 ນາ​ທີ​ ຫ້າມ​ກືນ​ ເພາະ​ມັນ​ເຕັມ​ໄປ​ດ້ວຍ​ເຊື້ອ​ພະຍາດ​ໃນ​ຊ່ອງ​ປາກ​ຂອງ​ເຈົ້າ​ ຈາກ​ນັ້ນ​ໃຫ້​ຄາຍ​ຖິ້ມ​ແລະ​ລ້າງ​ດ້ວຍ​ນ້ຳ​ສະ​ອາດ​

ສູດ​ຢາຖູ​ແຂ້ວ​ນ້ຳ​ມັນ​ໝາກ​ພ້າວ​
ນີ້​ຄື​ຢາ​ຖູແຂ້ວ​ທຳມະຊາດ​ທີ່​ເຈົ້າ​ສາມາດ​ເຮັດ​ເອງ​ໄດ້​ຢູ່ບ້ານ​

 

ເບກ​ກິ້ງ​ໂຊ​ດາ​ 2-3 ບ່ວງ​ໂຕະ​ເບກ​ກິ້ງ​
ນ້ຳ​ມັນ​ໝາກ​ພ້າວ​ ½ ຖ້ວຍ​
ນ້ຳ​ມັນ​ຫອມ​ລະ​ເຫີຍໃບຫອມລາບ 15-30 ຢົດ​

ວິທີ​ເຮັດ​
ນຳ​ສ່ວນ​ປະສົມ​ທັງ​ໝົດ​ລົງ​ໄປ​ຕົ້ມ​ໃນ​ນ້ຳ​ມັນ​ໝາກ​ພ້າວ​ຈາກ​ນັ້ນ​ລະ​ລາຍ​ໃຫ້​ເຂົ້າ​ກັນ​ ແລະ ​ເທ​ໃສ່​ໃນ​ກວດ​ແກ້ວ​ຖ້າໃຫ້​ເຢັນ​ຈາກ​ນັ້ນ​ກໍ່ສາມາດ​ນຳ​ມາ​ໃຊ້​ເປັນ​ຢາ​ຖູ​ແຂ້ວ​ໄດ້​​