ນັກວິທະຍາສາດຈີນ ກວດພົບໂຣກມະເຮັງຫຼອດອາຫານໄດ້ຈາກ "ລົມຫາຍໃຈ"

ສຳນັກຂ່າວຊິນຫົວ ລາຍງານວ່າ ນັກວິທະຍາສາດຈີນໄດ້ພັດທະນາອຸປະກອນທີ່ສາມາດກວດພົບໂຣກມະເຮັງຫຼອດອາຫານ ໄດ້ຈາກການກວດລົມຫາຍໃຈ

ໂດຍກຸ່ມນັກວິທະຍາສາດຈາກສະຖາບັນວິທະຍາສາດເຫເຝີຍ (Hefei) ໄດ້ໃຊ້ເຄື່ອງແມສເປກ  ໂທຣມິເຕີກວດວັດໂປຣຕອນໃນການທົດລອງວິນິໄສລົມຫາຍໃຈຂອງຜູ້ທີເປັນໂຣກມະເຮັງຫຼອດອາຫານ 28 ຄົນ ແລະ ອາສາສະໝັກທີ່ມີສຸຂະພາບສົມບູນອີກ 58 ຄົນ

ຜົນການວິໄຈພົບວ່າ ໄອອົນ 7 ຊະນິດ ສາມາດແບ່ງແຍກຜູ້ປ່ວຍໂຣກມະເຮັງຫຼອດອາຫານອອກຈາກຜູ້ທີ່ມີສຸຂະພາບດີໄດ້ ເຊິ່ງໃນລົມຫາຍໃຈຂອງຜູ້ປ່ວຍໂຣກມະເຮັງນັ້ນ ມີຄ່າມາດຕະຖານຂອງຄວາມເຂັ້ມຂຸ້ນຂອງໄອອົນ 5 ຊະນິດ ໃນຂະນະທີ່ອີກ 2 ໄອອົນເພີ່ມຂື້ນ ແລະ ຜົນທົດສອບອື່ນໆອີກທີ່ສາມາດຢືນຢັນຜົນວິໄຈນີ້ໄດ້

ສະນັ້ນການກວດວິນິໄສແບບສະເປກໂທຣມິທຣີໃນປັດຈຸບັນສາມາດທົດສອບໄດ້ພາຍໃນ 3 ນາທີ ແລະ ມີຄ່າຄວາມຖືກຕ້ອງເຖິງ 85-90%

ເຖິງຢ່າງໃດກໍຕາມ ໃນປະເທດຈີນມີຜູ້ເສຍຊີວິດຈາກໂຣກມະເຮັງຫຼອດອາຫານແລ້ວປະມານ 370,000 ຄົນຕໍ່ປີ ເຊິ່ງການເກີດພະຍາດ ແລະ ການເສຍຊີວິດຂອງຄົນຈີນດ້ວຍໂຣກມະເຮັງຫຼອດອາຫານນັ້ນຖືວ່າມີອັດຕາສູງທີ່ສຸດໃນໂລກ