ນັກລົງທຶນຫວຽດນາມ ມອບຄອມພິວເຕີໂນດບຸກ 30 ເຄື່ອງໃຫ້ແຂວງຈຳປາສັກ


 ອາທິດຜ່ານນີ້, ນັກລົງທຶນຂອງ ສສ ຫວຽດນາມ ໄດ້ມອບຄອມພິວເຕີໂນດບຸກ ຈຳນວນ 30 ເຄື່ອງ ມູນຄ່າ 100 ລ້ານກີບ ໃຫ້ຄະນະນໍາ ເມືອງປາກຊ່ອງ ແຂວງຈຳປາສັກ ເພື່ອນຳ ໃຊ້ເຂົ້າໃນ ວຽກງານ ພັດທະນາ ການສຶກສາ. ໂດຍໃຫ້ກຽດມອບ ໂດຍທ່ານ ເຈີ່ນ ຊຸຍ ຕຸງ ປະທານສະພາ ບໍລິຫານບໍລິສັດ ສຸກຮຸງເຮືອງ ແລະ ບໍລິສັດລາວ ເອເຊຍບວກ ແລະ ຕາງໜ້າຮັບ ໂດຍທ່ານ ວິຈິດ ແກ້ວບົວພາ ເຈົ້າເມືອງໆປາກຊ່ອງ,ໃຫ້ກຽດເຂົ້າຮ່ວມ ເປັນສັກຂີພິຍານມີ ທ່ານ ປອ ບຸນຖອງ ດີວິ ເຈົ້າແຂວງຈຳປາສັກ.

ໃນໂອກາດດຽວກັນນີ້ ນັກລົງທຶນຫວຽດນາມ ໄດ້ສະແດງເຈດຈຳນົງ ແລະ ໃຫ້ຄວາມສົນໃຈສູງ ຢາກເຂົ້າມາລົງທຶນເຂົ້າ ໃນຂົງເຂດກະສິກຳ ເພື່ອປູກໝາກຂີ້ກາ ( ໝາກນ໋ອດ ) ແລະ ລ້ຽງງົວພັນ ຈຳນວນ 20 ພັນໂຕ ຢູ່ເມືອງປາກຊ່ອງ ໃນເນື້ອທີ່ 2.000 – 3.000 ເຮັກຕາ.

================

ພາບແລະຂ່າວ: Pathedlao Lao