ນັກລົງທຶນຈີນ ສຳປະນາເດີ່ນບິນເກົ່າວັງວຽງ 50ປີ ສ້າງສູນກາງທ່ອງທ່ຽວ

ໃນວັນທີ 13 ກຸມພາ 2018 ທີ່ຜ່ານມາ ທີ່ແຂວງວຽງຈັນ ໄດ້ມີພິທີເຊນສັນຍາເພື່ອພັດທະນາເດີ່ນບິນເກົ່າ ເມືອງ ວັງວຽງ ໃຫ້ກາຍເປັນແຫຼ່ງທ່ອງທ່ຽວລະຫວ່າງບໍລິສັດ ອີຈິນ ວິສະວະກຳກໍ່ສ້າງລາວ ຈຳກັດ ນຳໂດຍ ທ່ານ ຫຼິວ ຟຸ ກວາງ ປະທານບໍລິສັດ ຮ່ວມລົງນາມ ກັບ ທ່ານ ສະກັນ ວິໄລລັດ ຫົວຫນ້າພະແນກແຜນການ ແລະ ການລົງທືນ ແຂວງວຽງຈັນ ໂດຍການເປັນສັກຂີພະຍານຂອງທ່ານ ວິດົງ ໄຊຍະສອນ ເຈົ້າແຂວງວຽງຈັນ
 ໂດຍໂຄງການດັ່ງກ່າວຈະເປັນການກໍ່ສ້າງໂຮງແຮມ 5 ດາວ, ໂຮງຫມໍ, ໂຮງຮຽນທ່ອງທ່ຽວ, ຫໍສະແດງວັດທະນາທຳປະເພນີຊົນເຜົ່າລາວ ເພື່ອເກັບປີ້ເຂົ້າຊົມຂອງນັກທ່ອງທ່ຽວ ພາຍໃນເນື້ອທີ່ 16.24ເຮັດຕ້າ ຂອງເດີ່ນບິນເກົ່າ ເມືອງວັງວຽງ ມີໄລຍະກໍ່ສ້າງ 5ປີ ສຳປະທານ 50ປີ ແລະ ມີມູນຄ່າການກໍ່ສ້າງລວມທັງຫມົດ 200 ລ້ານໂດລາສະຫະລັດ