ນັກມວຍລາວ ເຂົ້າຊີງຫຼຽນເງິນມື້ນີ້ ແຕ່ຈະເຈິກະດູກໃຫຍ່ ເຈົ້າພາບມາເລເຊຍ!!

ທ້າວ ບຸນປອນ ລາຊະວົງສີ ແລະ ຈັນສະໝອນ ວິໄລສັກ ສອງນັກກິລາມວຍສາກົນທີມຊາດລາວ ກອດຄໍກັນມີໄຊ ຊະນະນັກກິລາ ມຽນມາ ແລະ ຕີມໍ ເລດສະເຕ ໄດ້ຜ່ານເຂົ້າໄປຊີງຫຼຽນເງິນ ເຈີກະດູກຕ່ອນໃຫຍ່ ບຸນປອນ ພົບກັບ ເຈົ້າພາບ ມາເລເຊຍ ແລະ ຈັນສະໝອນ ພົບກັບ ໄທ ໃນການແຂ່ງຂັນກິລາຊີເກມ
ຄັ້ງທີ 29 ຫຼື ກົວລາລຳປີ ເກມ 2017 ທີ່ປະເທດມາເລເຊຍ ເຊິ່ງ ບຸນປອນ ຜ່ານເຂົ້າໄປພົບກັບນັກກິລາເຈົ້າພາບ ມາເລເຊຍ ແລະ ຈັນສະໝອນ ພົບກັບ ໄທ ການແຂ່ງຂັນຈະເລີ່ມໃນເວລາ 15:00 ໂມງ ເປັນຕົ້ນໄປ ໃນວັນທີ 22 ສິງຫານີ້ ທີ່ສູນວາງສະແດງສິນຄ້າມາທາດີ ເອັກຊິບິເຊິນ ແອນຄອນເວັນເຊິນ ເຊັນເຕີ ນະຄອນຫຼວງ ກົວລາລຳເປີ. ຂະນະທີ່ ທ່ານ ອຸດົມສັກ ອຸດົມທອງກະເສມ ປະທານສະຫະພັນມວຍວູຊູແຫ່ງຊາດ ທັງເປັນປະທານບໍລິສັດ ສົມບູນການຄ້າ ແຈກໃຫ້ຕາມຄຳສັນຍາ ຄົນລະ 2,5 ລ້ານກີບ ພ້ອມທັງຢືນຢັນຈະໃຫ້ເພີ່ມອີກ ຕາມທີ່ເວົ້າ ມີໂບນັດໃຫ້ຜູ້ລະ 600ໂດລາ ແລະ ຫຼຽນຄຳ 1.200 ໂດລາ