ນະໂຍບາຍໃໝ່ຂອງຮ້ານອາຫານ Tago Bell ພາຍ​ໃນ​ປີ​ 2017

ປະ​ກາດ​ການ​ປ່ຽນ​ແປງ​ເທື່ອ​ໃຫຍ່​ຈາກ​ Tago Bell ຮ້ານ​ອາຫານ​ຊື່​ດັ່ງ​ ວ່າ​ຮ້ານ​ອາຫານ​ໃນ​ເຄືອ​ Tago Bell ກວ່າ​ 6000 ສາ​ຂາ​ທົ່ວ​ອ​າເມ​ຣິ​ກາ​ ຈະ​ງົດ​ໃຊ້​ໄຂ່​ທີ່​ໄດ້​ຈາກ​ການ​ລ້ຽງ​ໄກ່​ແບບ​ຂັງ​ກົງ​ເປັນ​ສ່ວນ​ປະກອບ​ໃນ​ເມ​ນູ​ພາຍ​ໃນ​ວັນທີ​ 31 ທັນວາ​ 2516

ຊຶ່ງ​ບໍລິສັດ​ Tago Bell ວາງ​ແຜນ​ການ​ປ່ຽນ​ແປງ​ເທື່ອ​ໃຫຍ່​ນີ້​ມາ​ເປັນ​ເວລາ​ຫຼາຍ​ປີ​ແລ້ວ​ເພື່ອ​ສ້າງ​ຄວາມ​ໂດດ​ເດັ່ນ​ແລະ​ຈຸດ​ຢືນ​ທີ່​ແຕກ​ຕ່າງ​ເປັນ​ເອກ​ະລັກ​ໃຫ້​ກັບ​ຮ້ານ​ທີ່​ຢູ່ໃນ​ທຸລະກິດ​ອາຫານ​ fast food ມີ​ການ​ແຂ່ງ​ຂັນ​ຢ່າງ​ດຸ​ເດືອດ.​
Taco Bell ຮ່ວມ​ກັບ​ McDonald ແລະ​ Panera ໃນ​ການ​ໃຊ້​ນະໂຍບາຍ​ຕັດ​ໄຂ່​ທີ່​ໄດ້​ຈາກ​ການ​ລ້ຽງ​ໄກ່​ແບບ​ຂັງ​ກົງ​ອອກຈາກ​ເມ​ນູ​ເມື່ອ​ປີ​ທີ່​ແລ້ວ​ ໃນ​ຂະນະ​ທີ່​ເບີ​ເກີ​​ຄິງ​ຊຶ່ງ​ປະ​ກາດ​ໃຊ້​ນະໂຍບາຍ​ນີ້​ໃນ​ປີ​ 2012 ໂດຍ​ສັນຍາ​ວ່າ​ທັງ​ໝົດ​ຈະ​ສຳ​ເລັດ​ລົງ​ພາຍ​ໃນ​ຫ້າ​ປີ​

ໃນ​ມຸມ​ມອງ​ຂອງ​ Taco Bell ພວກ​ທ່ານ​ວາງ​ແຜນ​ທີ່​ຈະ​ກ້າວ​ນຳ​ໜ້າບໍລິສັດ​ອື່ນ​ໆ​ ນະໂຍບາຍ​ທີ່​ຈະ​ມຸ້ງ​ສູ່​ໄຊ​ຊະນະ​ຂອງ​ Tago Bell ຄື​ກຳນົດ​ໃຫ້​ການ​ປ່ຽນ​ເເປງ​ຂະ​ບວນ​ການ​ທັງ​ໝົດ​ສຳເລັດ​ພາຍ​ໃນ​ປະ​ມານ​ 13 ເດືອນ​ ໃນ​ຂະນະ​ທີ່​ Panera ວາງ​ແຜນ​ວ່າ​ພາລະ​ກິດ​ຂອງ​ຮ້ານ​ທັງ​ໝົດ​ໃນ​ອ​າເມ​ຮິ​ກາ​ຈະ​ແລ້ວ​ສຳເລັດ​ໃນ​ປີ​ 2020 ແລະ​ ທົ່ວ​ແຄນ​ນາ​ດາ​ໃນ​ປີ​ 2025.

Brian Niccol CEO ຂອງ​ Taco Bell ກ່າວ​ວ່າ​ "ການ​ດຳ​ເນີນ​ການ​ປ່ຽນ​ແປງ​ນີ້​ເປັນ​ກ້າວ​ສຳຄັນ​ທີ່​ເກີດ​ຈາກ​ການ​ຮັບ​ຟັງ​ແລະ​ຕອບສະຫນອງ​ ຄວາມ​ຕ້ອງ​ການ​ໃຫ້​ກັບ​ລູກ​ຄ້າ​ຂອງ​ເຮົາ​ແລະ​ເພື່ອ​ທີ່​ຈະ​ເຮັດ​ສິ່ງ​ທີ່​ຖືກ​ຕ້ອງ​ໃຫ້​ກັບ​ທຸລະກິດ​ຂອງ​ເຮົາ​" ສິ່ງ​ທີ່​ Taco Bell ປະ​ກາດ​ນັ້ນ​ພວກ​ທ່ານ​ຫວັງ​ວ່າ​ມັນ​ຈະ​ຖືກ​ສ້າງ​ໃຫ້ເປັນ​ມາດຕະຖານ​ດ້ານ​ມະ​ນຸດ​ຍະທຳ​ ໃຫ້​ການ​ກັບ​ຂະ​ບວນ​ການ​ຜະລິດ​ໄຂ່​ໃນ​ອາ​ເມ​ຮິ​ກັນ.​
ມີ​ຂ່າວ​ວ່າ​ Taco Bell ຈະ​ໃຊ້​ມາດຕະຖານ​ນີ້​ກັບ​ຜູ້​ຜະລິດ​ແລະ​ສົ່ງ​ໄຂ່​ໄກ່​ໃຫ້​ກັບ​ພວກ​ທ່ານ​(ນັ້ນ​ໝາຍ​ເຖິງ​ ການສ້າງ​ສິ່ງ​ອຳ​ນວຍ​ຄວາມສະດວກ​ໃໝ່​ທັງ​ໝົດ​ ຈັດການ​ຮຽນ​ການ​ສອນ​ໃຫ້​ກະເສດ​ກອນ​ກ່ຽວກັບ​ເທັກ​ນິກ​ການ​ລ້ຽງ​ໄກ່​ແບບບໍ່ມີກົງ​ແລະ​ງານ​ອື່ນ​ໆ​ທີ່​ຫລວງ​ຫລາຍ​ທີ່​ກ່ຽວ​ຂ້ອງ​ກັບ​ຂະ​ບວນ​ການ​ການ​ຜະລິດ​ໄຂ່​ໃຫ້ເປັນ​ໄປ​ຕາມ​ມາດຕະຖານ​ ) ຫລື​ເລືອກ​ໃຊ້​ຜູ້​ແທນ​ຈຳ​ໜ່າຍ​ທີ່​ໃຊ້​ວິທີ​ການ​ລ້ຽງ​ໄກ່​ແບບບໍ່ມີກົງ​ທັງ​ໝົດ​ເທົ່າ​ນັ້ນ.​

ມັນ​ເປັນ​ສິ່ງ​ທຸກ​ຄົນ​ຮູ້​ຢູ່​ແລ້ວ​ວ່າ​ການ​ລ້ຽງ​ໄກ່​ໃນ​ກົງ​ນັ້ນ​ເປັນ​ການ​ທາ​ລຸນສັດ​ ແຕ່​ການ​ລ້ຽງ​ແບບ​ຂາດ​ກົງ​ນັ້ນ​ກໍ​ສ້າງ​ຄວາມ​ຫຍຸ້ງ​ຍາກ​ໃຫ້​ກັບ​ກະເສດ​ຕະກອນ​ຫລາຍ​ຂຶ້ນ​ເຊັ່ນ​ກັນ​ ການ​ລ້ຽງ​ແບບບໍ່ມີກົງ​ນັ້ນ​ຕ້ອງ​ປ່ອຍ​ໃຫ້​ໄກ່​ໄດ້​ມີ​ອິດສະຫລະ​ນອກ​ກົງ​ຂັງ​ແຄບ​ໆ​ ມັນ​ອາດຈະ​ໝາຍ​ເຖິງ​ຕ້ອງ​ປ່ອຍ​ໃຫ້​ພວກ​ມັນ​ໄດ້​ຍ່າງ​ໄປ​ມາ​ໃນ​ໃນ​ພື້ນ​ດິນ​ກາງ​ແຈ້ງ​ ທີ່​ຈະ​ເຮັດໃຫ້​ໄກ່​ມີ​ອິດສະຫລະ​ແລະ​ເກີດ​ຄວາມ​ຄຽດ​ນ້ອຍ​ລົງ​ກວ່າ​ໄກ່​ທີ່​ຖືກ​ຂັງ​ໃນ​ກົງ​ທີ່​ຊ້ອນ​ກັນ​ແບບ​ຄອນ​ໂດ​ ທີ່​ມີ​ພຽງ​ 180 ຕາ​ລາງ​ນິ້ວ​ ໃນ​ອາ​ເມ​ຮີິກັນ​ມີ​ຄວາມ​ກັງ​ວົນ​ແລະ​ເຄັງ​ຂັດ​ກັບ​ວິທີ​ການ​ຜະລິດ​ອາຫານ​ຫລາຍ​ຂຶ້ນ​ເຮັດໃຫ້​ຜົນ​ກະທົບ​ຕໍ່​ອຸດສາຫະກຳ​ອາຫານ​ຢ່າງ​ວ່ອງໄວ​ ການ​ປ່ຽນ​ແປງ​ເທື່ອ​ນີ້​ພຽງ​ຢ່າງ​ດຽວ​ຈະ​ສົ່ງ​ຜົນ​ກະທົບ​ຕໍ່​ໄກ່​ໄຂ່​ກວ່າ​ 500,000 ໂຕ​ ໄກ່​ໄຂ່​ທີ່​ຜູ້​ລ້ຽງ​ຍັງ​ບໍ່​ສາມາດ​ຫາ​ທີ່​ລ້ຽງ​ແບບ​ເປີດ​ໄດ້​.

====================================================================================================