ທ. ພູນ ຖືກລົດຕຳເມື່ອ5ປີກ່ອນ ເຮັດໃຫ້ໄສ້ຂາດ ແຕ່ບໍ່ມີເງິນປີ່ນປົວ

ທ. ພູນ ອາຍຸ 22ປີ ເປັນຄົນໄຂ້ ຜູ້ກ່ຽວມີຖານະອານາຖາຄອບຄົວທຸກຍາກ ຖືກລົດຕຳເມື່ອ5ປີກ່ອນ ເຮັດໃຫ້ໄສ້ຂາດ ແຕ່ຄູ່ກໍລະນີລົບຫນີໄປບໍ່ຮັບຜິດຊອບ, ຜູ້ກ່ຽວບໍ່ມີເງິນປິ່ນປົວ ແລະ ໄດ້ທົນເຈັບທໍລະມານມາຮອດປະຈຸບັນ ດັ່ງນັ້ນ, ຈຶ່ງຢາກຂໍຝາກຄວາມຊ່ວຍເຫລືອຈາກຜູ້ໃຈບຸນໃນສັງຄົມ ເພື່ອຊຸກຍູ້ໃນການປິ່ນປົວຈ່າຍຄ່າຜ່າຕັດເອົາລຳໄສ້ກັບເຂົ້າສູ່ທ້ອງຄືນ ເພື່ອໃຫ້ຜູ້ກ່ຽວສາມາດຂັບຖ່າຍໄດ້ເປັນປົກກະຕິຄືຄົນທຳມະດາ ເນື່ອງຈາກຜ່ານມາລຳໄສ້ຂອງຜູ້ກ່ຽວແມ່ນໄດ້ນຳມາໄວ້ຂ້າງທອງ ໂດຍໃຊ້ຖົງຢາງຫໍ່ໄວ້.


ຄົນເຈັບເປັນຄົນກະຕັນຍູ ເມື່ອກ່ອນແມ່ນເປັນກຳລັງແຮງຫລັກຂອງຄອບຄົວ ໃນການຫາເງິນລ້ຽງແມ່ ແລະ ຫລານນ້ອຍ1ຄົນ ແຕ່ດຽວນີ້ບໍ່ສາມາດເຮັດວຽກຫນັກໄດ້ ເລີຍກາຍເປັນພາລະຂອງຄອບຄົວ. ເຊິ່ງຄອບຄົວກໍ່ແມ່ນທຸກຍາກອົດມື້ກິນມື້ ດັ່ງນັ້ນ, ເນື່ອງຂ້າພະເຈົ້າພ້ອມໜ່ວຍງານ ALO (ອະໂຫຼ) ໄດ້ໄປຢ້ຽມເບິ່ງອາການຂອງນ້ອງ ແລະ ໄດ້ຂ່າວວ່າຜ່າຕັດແລ້ວເລືອດຂອງນ້ອງບໍ່ຢຸດໄຫຼ ຈິ່ງໄດ້ກັບໄປຢູ່ຫ້ອງມໍລະສຸມຢູ່ເວລານີ້ ແລະ ມື້ນັ້ນໄດ້ນຳເງິນໄປຊ່ວຍບາງສ່ວນແຕ່ກະຍັງບໍ່ພຽງພໍກັບຄ່າປິ່ນປົວຕົວຈິງຈິ່ງໃຫ້ແມ່ນ້ອງ ພູນໄປເປີດບັນຊີເພື່ອຂໍໃຫ້ຜູ້ທີ່ມີນໍ້າໃຈໃນສັງຄົມໃຫ້ການຊ່ວຍເຫຼືອທ່ານໃດທີ່ຢາກຊ່ວຍເຫຼືອ!