ທ້າວ ນ້ອຍ ເກີດມາບໍ່ມີຮູທະວານ

ວັນທີ 12/01/2016 ທ. ນ້ອຍ ເປັນລູກຂອງ ທ.ເຈື້ອຍ ແລະ ນ.ໄລ ຢູ່ບ້ານ ໂຮມໄຊ ເມືອງ ນາໝໍ້ ແຂວງ ອຸດົມໄຊ ເກີດມາບໍ່ມີຮູທະວານ ທ່ານຫມໍໄດ້ແນະນຳໃຫ້ໄປຜ່າຕັດຢູ່ບ່ອນທີ່ມີເງື່ອນໄຂໃຫ້ໃວທີ່ສຸດ. ແຕ່ທາງຄອບຄົວຜູ້ກ່ຽວມີຄວາມຫຍຸ້ງຍາກທາງດ້ານເງິນຄຳ ພໍ່-ແມ່ຂອງເດັກເປັນປະຊາຊົນຫາເຊົ້າກິນຄໍ່າ ບໍ່ມີກຳລັງແຮງໃນດ້ານປັດໃຈເງິນປິ່ນປົວຈຶ່ງສົ່ງເລື່ອງຂໍຄວາມຊ່ວຍເຫລືອມາຫາຫນ່ວຍງານ ALO (ອະໂຫຼ) ໃຫ້ເປັນສື່ກາງໃນການຂໍຄວາມຊ່ວຍເຫຼືອຜູ້ທີ່ໃຈບຸນມີນຳ້ໃຈຊ່ວຍຄ່າປິ່ນປົວນ້ອງຈາກສັງຄົມຜ່ານສື່ສັງຄົມອອນໄລນ໌ນະທີ່ນີ້.

 

ມາຮອດວັນທີ 13/01/2016 ເວລາ 14:00 ໂມງ ມື້ນີ້ແອນ້ອຍໄດ້ກຳລັງເດີນທາງມາທີ່ນະຄອນຫລວງວຽງຈັນ ເພື່ອຮັບການປິ່ນປົວ. ເຊິ່ງທາງພໍ່ແມ່ໄດ້ຝາກມາຂອບໃຈເປັນຢ່າງສູງມາຍັງທຸກທ່ານໃນສັງຄົມທີ່ໂອນເງິນຊ່ວຍເຫລືອຄ່າປິ່ນປົວນ້ອງຄັ້ງນີ້.

 

ວັນທີ 13/01/2016 ເວລາ 16:00 ໂມງ ລາຍງານລ່າສຸດແອນ້ອຍໄດ້ຮອດໂຮງໝໍມະໂຫສົດ ທີ່ ນວຈ ແລ້ວ

ແອ ນ້ອຍ ໄດ້ມາຮອດໂຮງໝໍມະໂຫສົດ. ເຊິ່ງທ່ານໝໍກຳລັງກວດເຊັກເບິ່ງ ຖ້າວ່ານ້ອງມີຄວາມພ້ອມທາງຫ່າງກາຍອາດຈະໄດ້ທຳການຜ່າຕັດມື້ນີ້ຕອນເວລາຄໍ່າ 20:00 ໂມງ ຈົນມາຮອດ ເວລາ 19:50 ໂມງ ຂອງວັນທີ່ 13/01/2016 ທີ່ຜ່ານມາແພດກໍ່ໄດ້ຜ່າຕັດແອນ້ອຍສຳເລັດ.

 

ຈົນມາຮອດ 19/01/2016 ແອນ້ອຍທີ່ເກີດມາແລ້ວບໍ່ມີຮູທະວານ ພໍ່ແອນ້ອຍ ສຸກໃຈທີ່ແອນ້ອຍປອດໄພ ແລະ ທ່ານໝໍໃຫ້ກັບບ້ານແລ້ວໃນມື້ນີ້


ຕ້ອງຂອບໃຈທີມທ່ານໝໍທຸກທ່ານທີ່ເອົາໃຈສຸມໃສ່ການຜ່າຕັດຈົນສຳເລັດຜ່ານໄປດ້ວຍດີ ແລະ ຝາກຂອບໃຈໄປເຖິງທຸກທ່ານທີ່ໃຫ້ການຊ່ວຍເຫຼືອປັດໃຈເງິນປິ່ນປົວ

ສັງຄົມຈະໜ້າຢູ່ເມື່ອທຸກຄົນຮູ້ຄຳວ່າມີນໍ້າໃຈແບ່ງປັນຊ່ວຍເຫຼືອເຊິ່ງກັນແລະກັນ

ການ '' ໃຫ້ '' ບໍ່ມີຄຳວ່າສິ້ນສຸດ ຂໍຊົມເຊີຍທຸກຄົນທີ່ມີນໍ້າໃຈຊ່ວຍເຫຼືອແບ່ງປັນທຸກທ່ານນີ້ເປັນການເຮັດບຸນຊ່ວຍຊີວິດມະນຸດທີ່ເຫັນທັນຕາບໍ່ຕ້ອງຖ້າຊາດໜ້າຂໍຂອບໃຈແທນຄອບຄົວແອນ້ອຍຈາກໃຈ Kou Laostar ຂໍໃຫ້ທ່ານມີຄວາມສຸກສຳເລັດຫນ້າທີ່ວຽກງານທຸກຢ່າງຕະຫຼອດໄປ!

 

Photo: Kou Laostar

 

ວີດີໂອຂອບໃຈຈາກພໍ່-ແມ່ຂອງແອນ້ອງຕາມລີ້ງດ້ານລຸ່ມ

https://www.facebook.com/KouLaostartv/videos/935169829907674/

ບົດຄວາມໃຫມ່ໆ