ທ່າ​ບໍລິຫານ​ບັນ​ເທົາ​ປວດ​…ອາການ​ຮອງ​ຊ້ຳ​ ຍືນ​ດົນ​ ຍ່າງ​ດົນ​

ທ່າ​ບໍລິຫານ​ບັນ​ເທົາ​ປວດ​…ອາການ​ຮອງ​ຊ້ຳ​ ຍືນ​ດົນ​ ຍ່າງ​ດົນ​

1. ນອນ​ຄວ່ຳ​ ນອນ​ແລະ​ຂາ​ຢຽດ​ກົງ​ ຍົກ​ຕີນ​ສູງ​ປະ​ມານ​ 8 ນິ້ວ​ ຄ້າງ​ 5 ວິ​ນາ​ທີ​ແລ້ວ​ພັກ​ ກ່ອນ​ເຮັດ​ອີກ​ຂ້າງ​ ເຮັດ​ຊ້ຳ​ 15 ເຊັດ​
2. ນອນ​ສະ​ແຄງ​ແນວ​ຕົວ​ກົງ​ ຍົກ​ຂາ​ຂຶ້ນ​ຈາກ​ພື້ນ​ 8-10 ນິ້ວ​ ຄ້າງ​ໄວ້​ 5 ວິ​ນາ​ທີ​ ແລ້ວ​ພັກ​ ກ່ອນ​ເຮັດ​ອີກ​ຂ້າງ​ ເຮັດ​ຊ້ຳ​ 15 ເຊັດ​
3. ກິ້ງ​ຕີນ​ເທິງ​ອຸປະກອນ​ທີ່​ໝຸນ​ໄດ້​ ລົງ​ນ້ຳ​ໜັກ​ແລະ​ເຮັດ​ປະ​ມານ​ 3-5 ນາ​ທີ​/ຂ້າງ​
4. ໃຊ້​ຜ້າ​ເຊັດ​ຕົວ​ຢືດ​ຢຽດ​ປາຍ​ຕີນ​ ດຶງ​ຜ້າ​ເຂົ້າ​ຫາ​ຕົວ​ ຄ້າງ​ 15-30 ວິ​ນາ​ທີ​ ເຮັດ​ຊ້ຳ​ 3 ເທື່ອ​
5. ຢືນ​ດັນ​ກຳ​ແພງ​ ໃຫ້​ຕີນ​ທີ່​ມີ​ບັນຫາ​ຢູ່​ດ້ານ​ຫຼັງ​ ດັນ​ຄ້າງ​ໄວ້​ຈັກ​ 15-30 ວິ​ນາ​ທີ​ ເຮັດ​ຊ້ຳ​ 3 ຮອບ

ການ​ປະ​ຄົບ​ຮ້ອນ​ໃນ​ກວດ​ຫລື​ຢຽບ​ໜາກບານ​​/ໜ່ວຍ​ກັອບ​/​ໜ່ວຍເທນ​ນິດ​ ເພື່ອ ຄ​າຍ​ກ້າມເນື້ອລະ​ດັບ​ເລິກ​

ການ​ບຳ​ບັດ​ທີ່​ດີ​ຕ້ອງ​ບຳ​ບັດ​ຈາກ​ພາຍ​ໃນ​ ຕ້ອງ​ເຮັດ​ດ້ວຍ​ຕົນເອງ​ ຢາກ​ຫາຍ​ຕ້ອງ​ມີ​ວິໄ​ນ​ ເຮັດ​ເລື້ອຍ​ຍິ່ງ​ດີ​ ໂອ​ກາດ​ຫາຍຖ້າ​ເຈົ້າ​ຢູ່​

ພະຍາດ​ຮອງ​ຊ້ຳ​ ຄື​ຫຍັງ​?

ພະຍາດ​ຮອງ​ຊ້ຳ​ ຫລື​ພະຍາດ​ພັງ​ຜືດ​ສົ້ນ​ຕີນ​ອັກ​ເສບ​ ຄື​ ການ​ມີ​ຈຸດ​ປວດ​ເທິງ​ຕີນ​ ສົ້ນ​ຕີນ​ ໂດຍ​ເກີດ​ຈາກ​ການ​ອັກ​ເສບ​ຫລື​ຈີກ​ຂາດ​ຂອງ​ຜັງ​ຜືດ​ຝ່າ​ຕີນ​ທີ່​ສຳ ພັນ​ກັບ​ການ​ຍ່າງ​ລົງ​ ນ້ຳ​ໜັກ​ທີ່​ຕີນ​
ຢ່າ​ລືມ​ກົດ​ໄລ​ເພສ​…ເພື່ອ​ບໍ່​ພາດ​ຂໍ້​ມູນ​ດີ​ໆ​

ອາການ​ຂອງ​ພະຍາດ​ຮອງ​ຊ້ຳ​

ທີ່ພົ​ບ​ເລື້ອຍ​ຄື​ຈະ​ມີ​ອາການ​ປວດ​ສົ້ນ​ຕີນ​ຫລື​ສ່ວນ​ໂຄ້ງ​ໃກ້​ສົ້ນ​ຕີນ​ ໂດຍ​ເຈັບ​ຄ້າຍ​ໆ​ກັບ​ມີ​ຂອງ​ແຫຼມ​ມາ​ແທງ​ແລະ​ກ້າມເນື້ອນ່ອງ​ຈະ​ມີ​ອາການ​ຈັງ​ ຊຶ່ງ​ອາ ການ​ເຈັບ​ພະຍາດ​ຮອງ​ຊ້ຳ​ນີ້​ຈະ​ເປັນ​ຫລາຍ​ຊ່ວງ​ເຊົ້າ​ ຫຼັງ​ຕື່ນ​ນອນ​
ເມື່ອ​ກ້າວ​ຕີນ​ກ້າວ​ທຳອິດ​ແລະ​ຈະ​ມີ​ອາການ​ດີ​ຂຶ້ນ​ເມື່ອ​ມີ​ການ​ບໍລິຫານ​ຝ່າ​ຕີນ​ ແຕ່​ບາງເທື່ອ​ອາດຈະ​ປວດ​ທັງ​ມື້​ ຫາກ​ຍືນ​ດົນ​ໆ​ຫລື​ຍ່າງ​ດົນ​ໆ​ ຜູ້​ທີ່​ມີ​ປັດໄ​ຈ​ສ່ຽງ​ກັບ​ພະຍາດ​ຮອງ​ຊ້ຳ​ ໄດ້​ແກ່:​
– ຜູ້​ທີ່​ມີ​ນ້ຳ​ໜັກ​ຕົວ​ຫລາຍ​ເກີນ​ ຫລື​ເປັນ​ພະຍາດ​ອ້ວນ​
– ຜູ້​ທີ່​ເປັນ​ພະຍາດ​ເບົາ​ຫວານ​
– ນັກ​ກີລາ​ທີ່​ຕ້ອງ​ໃຊ້​ຕີນ​ຫລາຍ​ໆ​ ເຊັ່ນ​ ນັກແລ່ນ​
– ຜູ້​ທີ່​ມີ​ຝ່າ​ຕີນ​ແປ ຫລື​ມີ​ສ່ວນ​ໂຄ້ງ​ຂອງ​ຕີນ​ຫລາຍ​
– ຜູ້​ທີ່​ໃສ່​ຮອງ​ຕີນ​ບໍ່​ພໍ​ດີ​ກັບ​ຮອງ​ຕີນ​
– ຜູ້​ສູງ​ອາ​ຍຸ ໂດຍ​ສະເພາະ​ເພດ​ຍິງ​
– ຜູ້ຍິງ​ທີ່​ໃສ່​ຮອງ​ຕີນ​ສົ້ນ​ສູງ​ເປັນ​ປະຈຳ​

ວິທີ​ດູແລຮັກສາ​ ພະຍາດ​ຮອງ​ຊ້ຳ​

ເນື່ອງ​ດ້ວຍ​ພະຍາດ​ຮອງ​ຊ້ຳ​ ບໍ່​ໄດ້​ເປັນ​ອັນຕະລາຍ​ເຖິງ​ແກ່​ຊີວິດ​ ແຕ່​ຫາກ​ເປັນ​ແລ້ວ​ກໍ​ສ້າງ​ຄວາມ​ທໍລະມານ​ຈາກ​ອາການ​ປວດ​ຕີນ​ໄດ້​ເຊັ່ນ​ກັນ​ ຊຶ່ງ​ແນ່ ນອນ​ວ່າ​ຄວນ​ກະທົບ​ຕໍ່​ການ​ໃຊ້​ຊີວິດ​ປະຈຳ​ວັນ​

ການ​ດູແລຮັກສາ​ດ້ວຍ​ຕົວ​ເອງ​ ແລະ​ແນວ​ທາງ​ຮັກສາ​ໂດຍ​ແພດ​ ການ​ດູແລຮັກສາ​ດ້ວຍ​ຕົວ​ເອງ​

1. ຢຸດ​ກິດຈະກຳ​ທີ່​ຕ້ອງ​ໃຊ້​ຕີນ​ດົນ​ໆ​ ຫາກ​ເປັນ​ການ​ຫລິ້ນ​ກີລາ​ ອອກ​ກຳ​ລັງ​ກາຍ​ ຄວນ​ເລືອກ​ກີລາ​ທີ່​ບໍ່​ຕ້ອງ​ລົງ​ນ້ຳ​ໜັກ​ທີ່​ຕີນ​ເທົ່າໃດ​ ເຊັ່ນ​ ການ​ລອຍ​, ຖີບລົດ, ຍ່າງ​ໄວ,​ ແລ່ນຫຼາຍໆເປັນ​ຕົ້ນ​ ແລະ​ຄວນ​ຫຼີກ​ລ້ຽງ​ການ​ຫລິ້ນ​ກີລາ​ເທິງ​ພື້ນ​ແຂງ​
2. ສວມ​ຮອງ​ຕີນ​ສົ້ນ​ອ່ອນ​ຂະນະ​ອອກ​ກຳ​ລັງ​ກາຍ​ ໂດຍ​ອາດ​ໃຊ້​ແຜ່ນ​ຮອງ​ເສີມ​​ ເພື່ອລົ​ດ​ແຮງ​ກະ​ແທກ​ທີ່​ຝ່າ​ຕີນ​ທີ່​ກະທຳ​ກັບ​ພື້ນ​ຮອງ​ຕີນ​ແລະ​ຊ່ວຍ​ກະ​ຈາຍ​ນ້ຳ​ໜັກ​ຂະນະ​ຍ່າງ​
3. ອອກ​ກຳ​ລັງ​ກາຍ​ດ້ວຍ​ການ​ຢືດ​ກ້າມເນື້ອ​ນ່ອງ​ ແລະ​ຢືດ​ພັງ​ຜືດ​ໃຕ້​ຝ່າ​ຕີນ​ເລື້ອຍ​ໆ​
4. ບໍ່​ຄວນ​ຍ່າງ​ຕີນລ້າ​ ຄວນ​ໃສ່​ຮອງ​ຕີນ​ທີ່​ມີ​ພື້ນ​ນຸ່ມ​ສົ້ນ​ສູງ​ກວ່າ​ສ່ວນ​ໜ້າ​ນ້ອຍໆ​ ຢ່າ​ເກີນ​ 1-2 ນິ້ວ​ ແລະ​ບໍ່​ຄວນ​ໃສ່​ຮອງ​ຕີນ​ທີ່​ແປ​ສະເໝີ​ກັນ​
5. ຄວບ​ຄຸມ​ນ້ຳ​ໜັກ​ຕົວ​ ບໍ່​ໃຫ້​ຫລາຍ​ເກີນ​ໄປ​ ເພາະ​ຫາກ​ນ້ຳ​ໜັກ​ຫລາຍ​ ເສັ້ນ​ເອັນ​ຝ່າ​ຕີນ​ກໍ​ຕ້ອງ​ຮັບ​ນ້ຳ​ໜັກ​ຫລາຍ​ ເຮັດໃຫ້​ຮັກສາ​ຫາຍ​ຊ້າ​
6. ປະ​ຄົບ​ດ້ວຍ​ຄວາມ​ຮ້ອນ​ ຫລື​ຄວາມ​ເຢັນ​ ເພື່ອ​ຮັກສາ​ການ​ອັກ​ເສບ​ຂອງ​ເອັນ​ ໂດຍ​ອາດ​ໃຊ້​ຢານ​ວດ,​ ນວດ​ຝ່າ​ຕີນ​ ຫລື​ໃຊ້​ຜ້າ​ພັນ​ທີ່​ຝ່າ​ຕີນ​ແລະ​ສົ້ນ​ຕີນ​

ແນວ​ທາງ​ການ​ຮັກສາ​ໂດຍ​ແພດ​

1.ກິນ​ຢາ​ ຫາກ​ວິທີ​ບຳ​ບັດ​ຕີນ​ຂ້າງ​ຕົ້ນ​ບໍ່​ໄດ້​ຜົນ​ ແພດ​ອາດຈະ​ໃຫ້​ກິນ​ຢາ​ ເຊັ່ນ​ ຢາຄາຍ​ກ້າມ​ເນື້ອ ຢາ​ແກ້ປ​ວດ​
2. ສີດ​ຢາສະເຕຍ​ຮອຍ​ສະເພາະ​ທີ່​ ບໍລິເວນ​ສົ້ນ​ຕີນ​ຈຸດ​ທີ່ປວດ​ ແຕ່​ບໍ່​ຄວນ​ສີດ​ເກີນ​ 2 ເທື່ອ​ໃນ​ 1 ເດືອນ​ ເພາະ​ອາດ​ເຮັດໃຫ້​ເສັ້ນ​ເອັນ​ຝ່າ​ຕີນ​ເປື່ອຍ​ແລະ​ຂາດ​ໄດ້​
3.ເຮັດ​ກາຍຍະ​ພາບ​ບຳ​ບັດ​ ໂດຍ​ໃຊ້​ຄວາມ​ຮ້ອນ​ເລິກ ດັດ​ຢືດ​ເສັ້ນ​ເອັນ​ຝ່າ​ຕີນ​ ໃຊ້​ໄມ້ເຖົ້າ​ຊ່ວຍ​ຍ່າງ​
4.ໃສ່​ເຝືອກ​ຊົ່ວ​ຄາວ​ໃຫ້​ຂໍ້​ຕີນ​ກະ​ດົກ​ຂຶ້ນ​ໃນ​ຕອນ​ກາງ​ຄືນ​ ຫລື​ຖ້າ​ເປັນ​ຫລາຍ​ອາດ​ຕ້ອງ​ໃສ່​ເຝືອກ​ຕະຫລອດ​ທັງ​ມື້​
5.ຜ່າ​ຕັດ​ເລາະ​ພັງ​ຜືດ​ ຈະ​ເຮັດ​ຕໍ່​ເມື່ອ​ຮັກສາ​ວິທີ​ອື່ນ​ບໍ່​ໄດ້​ຜົນ​ ແຕ່​ແພດ​ບໍ່​ຄ່ອຍ​ແນະ​ນຳ​ວິທີ​ນີ້​ ເພາະ​ມີ​ໂອ​ກາດ​ເຮັດໃຫ້​ເກີດ​ພາ​ວະ​ແຊກ​ຊ້ອນ​ໄດ້​
6. ໃຊ້​ແຜ່ນ​ຮອງ​ຕີນ​ທີ່​ຮອງ​ຮັບ​ແຮງ​ກົດ​ທັບ​ ແຜ່ນ​ຮອງ​ແກ້​ຮອງ​ຊ້ຳ​ ສ່ວນ​ຜູ້​ທີ່​ມີ​ໂຄງ​ສ້າງ​ຕີນ​ຕີນ​ຜິດ​ຮູບ​ຄວນ​ປືກ​ສາ​ແພດ​ ເພື່ອປຶກ​ສາ​ບັນຫາ​ແລະ​ຕັດ​ແຜ່ນ​ຮອງ​ຕີນ​ທີ່​ມີຂະໜາດເໝາະ​ສົມ​