ທ່ານ ຫງວຽນ ຖິ້ວກິວ ເຂົ້າພົບປະຢ້ຽມຢາມ ລັດຖະມົນຕີ 2 ກະຊວງ

ໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 23-26 ຂອງທ່ານ ຫງວຽນ ຖິ້ວກິວ ຫົວໜ້າບັນນາທິການໜັງສືພິມ ອຸດສາຫະກໍາ ການຄ້າຫວຽດນາມ ພ້ອມດ້ວຍຄະນະ ຮ່ວມກັບ ໜັງສືພິມ ເສດຖະກິດການຄ້າລາວ.
ມື້ທີ2 ຂອງການເຄື່ອນໄຫວໃນວັນທີ 24 ກໍລະກົດ ຜ່ານມາ, ຄະນະດັ່ງກ່າວໄດ້ເຂົ້າພົບປະ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ເຊິ່ງທັງສອງຝ່າຍໄດ້ຕີລາຄາສູງຕໍ່ການມາພົບປະຢ້ຽມຢາມ ແລະ ມາເຮັດວຽກໃນຄັ້ງນີ້; ເນື່ອງຈາກປັດຈຸບັນ ທັງພັກ, ສອງລັດ ແລະ ປະຊາຊົນທັງສອງຊາດ ພວມສະເຫຼີມສະຫຼອງ 2 ວັນປະຫວັດສາດ ລະຫວ່າງ ລາວ-ຫວຽດນາມ ອັນເປັນການເສີມຂະຫຍາຍສາຍພົວພັນໃຫ້ແໜ້ນແຟ້ນຂຶ້ນກວ່າເກົ່າ.


ໃນວັນດຽວກັນ, ຄະນະບັນນາທິການ ໜັງສືພິມ ອຸດສາຫະກຳ ແລະ ການຄ້າ ຫວຽດນາມກໍ່ໄດ້ເຂົ້າຢ້ຽມຂ່ຳນັບ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຕື່ມອີກ.

Cr https://laoedaily.com