ທ່ານ ສອນໄຊ ສີພັນດອນ ຕ້ອນຮັບປະທານສະພາການຄ້າອົສຕຣາລີ ປະຈຳ ສປປ ລາວ

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບ ທ່ານ ນາງ ແອນນາກຼີ ປະທານສະພາການຄ້າ ປະເທດອົສຕຣາລີ ປະຈຳ ສປປ ລາວ ພ້ອມດ້ວຍ ຄະນະເຂົ້າຢ້ຽມຂ່ຳນັບໃນວັນ ທີ 24 ພຶດສະພານີ້ ທີ່ສຳນັກ ງານນາຍົກລັດຖະມົນຕີ. ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ສະ ແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ທ່ານ ນາງ ແອນນາກຼີ ພ້ອມດ້ວຍຄະນະ ທີ່ໄດ້ມາເຮັດວຽກຢູ່ ສປປ ລາວ ຊຶ່ງຈະເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ອົສຕຣາລີ ທີ່ມີມາ ແຕ່ດົນນານແລ້ວໃຫ້ຂະຫຍາຍ ຕົວຍິ່ງຂຶ້ນ ໂດຍສະເພາະແມ່ນ ການຮ່ວມມືລະຫວ່າງສະພາ ການຄ້າອຸດສາຫະກຳແຫ່ງ ຊາດລາວ ແລະ ສະພາການ ຄ້າ ປະເທດອົສຕຣາລີ ໃຫ້ເຕີບ ໃຫຍ່ຂະຫຍາຍຕົວຍິ່ງໆຂຶ້ນ ແລະ ໃນໂອກາດດຽວກັນ ທ່ານ ນາງ ແອນນາກຼີ ກໍໄດ້ສະແດງ ຄວາມຂອບອົກຂອບໃຈຕໍ່ ທ່ານ ສອນໄຊ ສີພັນດອນ ທີ່ໄດ້ໃຫ້ກຽດຕ້ອນຮັບຢ່າງອົບ ອຸ່ນ ໃນຄັ້ງນີ້ ພ້ອມທັງລາຍ ງານກ່ຽວກັບການມາເຮັດວຽກ ໃນຄັ້ງນີ້ແມ່ນໄດ້ຮັບຜົນສຳ ເລັດຢ່າງຈົບງາມ.

Cr: http://www.abclaosnews.com

ບົດຄວາມໃຫມ່ໆ