ທ່ານ ບຸນຍະວັດ ນີລະໄຊ ຜູ້ປະສານງານເສັ້ນທາງສາຍໃຫມ່

ທາງດ່ວນ ວຽງຈັນ-ວັງວຽງ ຈະເປັນໂສມໜ້າໃຫມ່ຂອງລະບົບຂົນສົ່ງໃນລາວ

ທ່ານ ບຸນຍະວັດ ນີລະໄຊ ຜູ້ປະສານງານເສັ້ນທາງສາຍໃຫມ່ ນະຄອນຫຼວງວຽງຈັນ-ວັງວຽງ ໄດ້ສະເໜີໃຫ້ຮູ້ວ່າ: ໂຄງການກໍ່ສ້າງທາງ ນະຄອນຫຼວງວຽງຈັນ-ວັງວຽງ ແມ່ນນອນໃນໂຄງການທາງດ່ວນລາວ-ຈີນ ທີ່ມີຈຸດເລີ່ມແຕ່ ນະຄອນຫຼວງວຽງຈັນ ຫາ ບໍ່ເຕັນ ແຂວງ ຫຼວງນຳ້ທາ ຊາຍແດນ ສປ ຈີນ ໂດຍຜ່ານ 4 ແຂວງຄື: ນະຄອນຫຼວງວຽງຈັນ ແຂວງວຽງຈັນ ແຂວງຫຼວງພະບາງ ອຸດົມໄຊ ແລະ ຫຼວງນຳ້ທາ ສະເພາະການກໍ່ສ້າງໄລຍະທຳອິດແມ່ນຈະສ້າງແຕ່ ນະຄອນຫຼວງວຽງຈັນ ຫາ ວັງວຽງ ແຂວງວຽງຈັນ ທີ່ມີຄວາມຍາວທັງໝົດ 113.5 ກິໂລແມັດ, ກວ້າງ 23 ແມັດ, ມີ 4 ຊ່ອງຈາລະຈອນ ແລະ ມີ2 ແລວໄປ-ກັບ,  ມູນຄ່າໃນການກໍ່ສ້າງທັງໝົດປະມານ 1.3 ຕື້ໂດລາສະຫະລັດ

ໂດຍມີຈຸດເລີ່ມຕົ້ນແຕ່ບ້ານສີເກີດ ເມືອງ ນາຊາຍທອງ ແຂວງ ນະຄອນຫຼວງວຽງຈັນ ມີແລວທາງຄູ່ຂະໜານກັນກັບທາງເລກທີ 13 ເໜືອ ແລະ ໂຄງການທາງລົດໄຟ ລາວ ຫາ ຈີນ ຕັດຜ່ານເຂດແມ່ນຳ້ ທົ່ງພຽງ ທົ່ງນາ ແລະ ເຂດພູສູງຊັນ ຜ່ານບ້ານນາຊອນ ບ້າວບົວ ບ້ານສະກ້າ ໂພນໂຮງ ໜອງໄຄ້ ລອດພູພະ ຫີນເຫີບ ວັງຄີ ທ່າເຮືອ

ທ່ານໃຫ້ຮູ້ຕື່ມວ່າ: ສະພາບການອອກແບບທາງໃຫ້ລົດເມແລ່ນ ແຕ່ນະຄອນຫຼວງວຽງຈັນ ຫາ ໂພນໂຮງແມ່ນມີຄວາມໄປ 80 ກິໂລແມັດຕໍ່ຊົ່ວໂມງ ຕະຫຼອດເສັ້ນທາງຈະມີການກໍ່ສ້າງວົງວຽນເຊື່ອມຕໍ່ຂື້ນລົງທາງ ທັງໝົດ 7 ຈຸດຄື: ຈຸດທີ1 ບ້ານນາຊອນ, 2 ບ້ານບົວ, 3 ບ້ານສະກ້າ, 4 ໂພງໂຮງ, 5 ຫີນເຫີບ, 6 ທ່າເຮືອ ແລະ ຈຸດທີ່7 ແມ່ນວັງວຽງ ເຊິ່ງເປັນການລົງທຶນຂອງກຸ່ມບໍລິສັດກໍ່ສ້າງແຂວງຢຸນໜານໃບຮູບແບບ (BOT) ຕາມແຜນການແມ່ນຈະລົງມືກໍ່ສ້າງໃນເດືອນ ພະຈິກ 2017 ຮອດປີ 2020 ໃຊ້ເວລາໃນການກໍ່ສ້າງ 3ປີ ໃຫ້ສຳເລັດ

ຕະຫຼອດເສັ້ນທາງໄດ້ມີການອອກແບບກໍ່ສ້າງເຂດໃຫ້ບໍລິການ 2 ແຫ່ງ ແລະ ຈຸດພັກລົດ 2 ແຫ່ງພາຍໃນຈຸດບບໍລິການແຕ່ລະຈຸດປະກອບມີ ປຳ້ນຳ້ມັນ ໂຮງແຮມ ຮ້ານຄ້າ ຮ້ານອາຫານ ຮ້ານແປງລົດ ແລະ ຍັງມີສຸນກາງການຄວບຄຸມຕິດຕາມ ແລະ ເຂດບຳລຸງຮັກສາ