ທ່ານໄພຈິດ ກ້ອນປະທຸມ ໃຫ້ການສໍາພາດກັບທີມງານນັກຂ່າວຄິດອອກກ່ຽວກັບການສົ່ງຕົວແທນລາວຊ່ວຍເຫຼືອນ້ອງໆທີມໝູປ່າ !

  ເມື່ອວັນທີ 12\7\2018 ທີມງານນັກຂ່າວຈາກຄິດອອກໄດ້ຮັບກຽດຈາກທ່ານ ໄພຈິດ ກ້ອນປະທຸມ ຄະນະຮັບຜິດຊອບໜ່ວຍກູ້ໄພຊ່ວຍເຫຼືອຄົນທຸກຍາກ 1623 ໃນການສໍາພາດກ່ຽວກັບຄວາມເປັນມາຂອງການສົ່ງທີມໜ່ວຍກູ້ໄພຂອງລາວເຮົາໄປຮ່ວມຊ່ວຍເຫຼືອທີມນ້ອງໆໝູ່ປ່າອາເຄເດມີ້ ຈັງຫວັດຊຽງຣາຍຖໍ້ານາງນອນປະເທດໄທວ່າການສົ່ງຕົວແທນໜ່ວຍກູ້ໄພໃນຄັ້ງນີ້ສືບເນື່ອງຈາກວ່າທາງໜ່ວຍກູ້ໄພຈາກຈັງຫວັດນະຄອນລາດຊະສີມາໄດ້ສົ່ງມາຂໍໃຫ້ສົມທົບກັບໜ່ວຍງານທີ່ປະເທດໄທເນື່ອງຈາກໜ່ວຍກູ້ໄພທາງນະຄອນລາດສະສີມາແມ່ນມີໄມຕີສໍາພັນກັບໜ່ວຍກູ້ໄພ 1623 ມາດົນນານພໍສົມຄວນນັບຕັ້ງແຕ່ທີ່ມີຂ່າວເຄື່ອງບິນຕົກຄັ້ງຍິ່ງໃຫຍ່ປະເທດລາວເຮົາ ເພາະການໄປຊ່ວຍເຫຼືອໃນຄັ້ງນີ້ແມ່ນຕ້ອງໄດ້ມີການຜ່ານໜ່ວຍງານທີ່ກ່ຽວຂ້ອງຈຶ່ງສາມາດໄປຮ່ວມປະຕິບັດນ້າທີໄດ້ບໍ່ແມ່ນໃຜຈະໄປຊ່ວຍກໍ່ໄດ້ຕ້ອງມີໃບອະນຸຍາດກ່ອນເພື່ອບໍ່ເປັນການວຸ້ນວາຍ ທ່ານ ໄພຈິດ ກ້ອນປະທຸມ ຍັງບອກທີມງານອີກວ່າຫຼັງຈາກທີ່ຂ່າວດັງໄປທົ່ວປະເທດລາວທີ່ໄດ້ຮູ້ວ່າໜ່ວຍກູ້ໄພ 1623 ໄປຊ່ວຍທາງປະຊາຊົນແລະຜູ້ປະກອບການຕ່າງໆກໍ່ໄດ້ນໍາເງິນມາຊ່ວຍເຫຼືອອົງກອນເພີ່ມຂຶ້ນຮູ້ສຶກເປັນກຽດແລະຂອບໃຈທີ່ໃຫ້ການສະໜັບສະໜູນ ທາງຄິດອອກເຮົາໄດ້ເຮັດເປັນວີດີໂອໃນການສໍາພາດສະນັ້ນຢາກໃຫ້ທ່ານຕິດຕາມໄດ້ທີ່ Fanpage ເຮົາໄວໆນີ້.