ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ຊຸກຍູ້ການຜະລິດທີ່ແຂວງອຸດົມໄຊ

ໃນວັນທີ 18 ກໍລະກົດ 2015 ນີ້ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດ ຖະກິດການຜະລິດ ແລະ ຈໍລະຈອນ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ຊຸກຍູ້ພື້ນຖານການຜະລິດທີ່ແຂວງອຸດົມໄຊ ໂດຍມີທ່ານ ຄໍາຫຼ້າ ລິ້ງນະສອນ ເຈົ້າແຂວງໆອຸດົມໄຊ ແລະ ບັນດາການນຳແຂວງໃຫ້ ການຕ້ອນຮັບຢ່າງອົບອຸ່ນ.

………………ໃນການເດີນທາງໄປເຄື່ອນໄຫວຢ້ຽມຢາມຄັ້ງນີ້ ທ່ານຮອງນາຍົກລັດຖະມົນຕີ ແລະ ຄະນະ ໄດ້ໄປຢ້ຽມຊົມໂຮງງານຜະລິດຫົວອາຫານສັດອຸດົມໄຊ ເຊິ່ງເປັນອີກໂຄງການນຶ່ງ ທີ່ໄດ້ຮັບການຊ່ອຍເຫຼືອຈາກພັກ ແລະ ລັດຖະບານ ສປ.ຈີນ ແລະ ໄດ້ກໍ່ສ້າງສຳເລັດມາແຕ່ປີ 2013 ໂດຍຈະສາມາດຜະລິດໄດ້ 60 ພັນໂຕນຕໍ່ປີ ເຊິ່ງໃນປັດຈຸບັນໄດ້ສໍາເລັດການສ້າງຕັ້ງລັດວິສາຫະກິດ ກໍຄືບໍລິສັດເຟີງໂຮ-ລາວ ຈຳກັດ ແລະ ໃນປີທຳອິດຂອງການຜະ ລິດນີ້ ແມ່ນຄາດວ່າຈະທົດລອງເລີ່ມຜະລິດໃຫ້ໄດ້ 15 ພັນໂຕນ ເຊິ່ງອີງຕາມຄວາມຕ້ອງການດ້ານການນຳໃຊ້ຫົວອາ ຫານພຽງ 9 ພັນໂຕນ ໃນ 9 ແຂວງພາກເໜືອສຳລັບວັດຖຸດິບ ໂດຍສະເພາະ ໝາກສາລີ ຈະນໍາໃຊ້ປະມານ 15-20 ພັນໂຕນ ທີ່ເກັບຊື້ຈາກພາຍໃນແຂວງອຸດົມໄຊ ແຂວງຫຼວງພະບາງ ໄຊຍະບູລີ ຊຽງຂວາງ ແລະ ແຂວງອ້ອມຂ້າງ ນອກຈາກນີ້ ຍັງມີສ່ວນປະສົມທີ່ຈະຕ້ອງນໍາເຂົ້າອີກ 8 ພັນໂຕນເບື້ອງຕົ້ນ ໄດ້ລົງທຶນໄປແລ້ວກວ່າ 4 ແສນໂດລາສະຫະລັດ ແລະ ຍັງຈະສືບຕໍ່ພັດທະນາໂຮງງານໃຫ້ມີສາຍການຜະລິດທີ່ຄົບຊຸດທັນສະໄໝ ແລະ ມີປະສິດທິພາບ-ປະສິດທິຜົນ ພ້ອມນີ້ ກໍໄດ້ທົດລອງຜະລິດຫົວອາຫານປາ ທີ່ມີຄຸນະພາບ 3 ຊະນິດ ແລະຍັງຈະສືບຕໍ່ຜະລິດຫົວອາ ຫານສັດປະເພດອື່ນໆໃຫ້ຫຼາຍຂຶ້ນ ເພື່ອເປັນການສົ່ງເສີມການລ້ຽງສັດ ເວົ້າສະເພາະ ໃນ 9 ແຂວງພາກເໜືອ ໃຫ້ນັບມື້ນັບຫຼາຍຂຶ້ນ ປະກອບສ່ວນເຂົ້າໃນການຍົກລະດັບຊີວິດການເປັນຢູ່ ແລະ ແກ້ໄຂຄວາມທຸກຍາກຂອງພໍ່ແມ່ປະຊາ ຊົນໃນເຂດພາກເໜືອໃຫ້ດີຂຶ້ນໄປເລື້ອຍໆ.

……………ໂອກາດນີ້ ທ່ານ ສົມສະຫວາດ ເລັ່ງສະຫວັດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄວາຮັບຜິດຊອບຂອງບໍລິສັດທີ່ໄດ້ເອົາໃຈໃສ່ໃນການຈັດຕັ້ງການຜະລິດ ການເກັບກຳຂໍ້ມູນຢູ່ບັນດາແຂວງພາກເໜືອ ການຈັດສຳມະນາ ແລະ ການຄົ້ນຄວ້າອື່ນໆ ພ້ອມນີ້ ອຳນາດການປົກຄອງແຂວງ ກໍໃຫ້ການສະໜັບສະໜູນ ແລະ ໃຫ້ການຮ່ວມມືເປັນຢ່າງດີ ເຊິ່ງເປັນການອຳນວຍຄວາມສະດວກໃຫ້ແກ່ການເຄື່ອນໄຫວຂອງໂຮງງານ ກໍຄືບໍລິສັດດັ່ງກ່າວ ເຊິ່ງເປັນໂຮງງານທີ່ການນໍາສູງສຸດຂອງພັກ-ລັດ ເຮົາໄດ້ປຸກລະດົມການຊ່ອຍເຫຼືອຈາກ ສປ.ຈີນ ໂດຍມີເປົ້າໝາຍໃນການພັດທະນາພາກເໜືອຂອງລາວ ທີ່ມີຈັງຫວະການເຕີບໃຫຍ່ຊ້າກວ່າພາກອື່ນໆ ແລະ ຍັງມີຄອບຄົວທຸກຍາກທີ່ກວມອັດຕາສ່ວນຫຼາຍຂອງປະເທດ ດັ່ງນັ້ນ ໂຮງງານຫົວອາຫານສັດແຫ່ງນີ້ຈະເປັນການຊຸກຍູ້ການຜະລິດຂອງປະຊາຊົນໃນເຂດພາກເໜືອ ບໍ່ວ່າຈະເປັນການປູກສາລີເປັນວັດຖຸດິບ ການສ້າງວຽກເຮັດງານທຳໃນການລ້ຽງສັດ ໂດຍນຳໃຊ້ຫົວອາຫານເຫຼົ່ານີ້ ອັນຈະເປັນການສ້າງລາຍຮັບໃຫ້ປະຊາຊົນສູງຂຶ້ນເລື້ອຍໆ ສາມາດແກ້ໄຂຄວາມທຸກຍາກ ທັງຍັງເຮັດໃຫ້ແຂວງອຸດົມໄຊ ກໍຄືເຂດທີ່ຍັງມີຄວາມທຸກຍາກມີພື້ນຖານກ້າວຂຶ້ນໄປ ພ້ອມນີ້ ທ່ານຍັງໄດ້ເນັ້ນໃຫ້ອຳນາດການປົກຄອງແຂວງ ແລະ ພາກສ່ວນທີ່ກ່ຽວຂ້ອງຕ້ອງມີຈິນຕະນາການໃໝ່ ທີ່ຖືກຕ້ອງ ແລະ ເປັນເອກະພາບກັນ
ເພື່ອເຮັດໃຫ້ໂຮງງານນີ້ສາມາດເຄື່ອນໄຫວໄດ້ດີ ສະເໜີໃຫ້ແຕ່ລະພາກສ່ວນກໍານົດແຈ້ງຄວາມຮັບຜິດຊອບທັງພາກ ສ່ວນສູນກາງ ແລະ ທ້ອງຖິ່ນ ເພື່ອເປັນນິຕິກຳທີ່ລະອຽດໃນການຈັດຕັ້ງປະຕິບັດ ເອົາໃຈໃສ່ກວດກາຄຸນະພາບ ເພື່ອການສົ່ງອອກທີ່ເຫຼືອຈາກການຈຳໜ່າຍພາຍໃນໄປ ສປ.ຈີນ ໃນຂອບຂອງອາຊຽນ-ຈີນ ໃຫ້ຂະແໜງກະສິກຳ ປຶກສາຫາລືກັນຕື່ມທາງດ້ານແນວພັນ ເພື່ອສົ່ງເສີມໃຫ້ປະຊາຊົນປູກເປັນວັດຖຸດິບມາດຕະຖານປ້ອນເຂົ້າໂຮງງານ ພ້ອມນັ້ນ ທ້ອງຖິ່ນ ກໍຕ້ອງໄດ້ຈັດຕັ້ງກຸ່ມການຜະລິດວັດຖຸດິບ ທັງສາລີ ແລະ ວັດຖຸດິບອື່ນໆ ທີ່ທ້ອງຖິ່ນສາມາດຜະລິດໄດ້ ເພື່ອຫຼຸດຜ່ອນການນຳເຂົ້າ ແລະ ສົ່ງເສີມທ້ອງຖິ່ນ ພ້ອມທັງເຮັດສັນຍາຜູກພັນເພື່ອເປັນການກຳນົດລາຄາມາດຕະ ຖານຈຳນວນທີ່ຕ້ອງການດ້ານຫນຶ່ງກໍໃຫ້ສົມທົບ.
ກັບຂະແໜງລ້ຽງສັດ ເພື່ອສົ່ງເສີມໃຫ້ປະຊາຊົນສາມາດລ້ຽງສັດ ໂດຍໝູນໃຊ້ຫົວອາຫານສັດຈາກໂຮງງານແຫ່ງນີ້ ສ້າງລາຍຮັບ
ຕື່ມອີກທາງນຶ່ງ.

.........................................................................................................................................................................................

ທີ່ມາ: wwww.Vientiane today.com