ທ່ານສີຈິ້ນຜິງຕ້ອນຮັບການເຂົ້າພົບຂອງທ່ານຫງວຽນທັນດຸງ ນາຍົກລັດຖະມົນຕີຫວຽດນາມ

ວັນທີ 5 ພະຈິກນີ້, ຢູ່ນະຄອນຫຼວງຮ່າໂນຍຂອງຫວຽດນາມ, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ຕ້ອນຮັບການເຂົ້າພົບຂອງທ່ານຫງວຽນທັນດຸງ ນາຍົກລັດຖະມົນຕີຫວຽດນາມ.

ທ່ານສີຈິ້ນຜິງຊີ້ອອກວ່າ: ຈີນຫວຽດນາມເປັນເພື່ອນບ້ານໃກ້ເຮືອນຄຽງແລະຄູ່ຮ່ວມມືທີ່ສຳຄັນ, ລ້ວນແຕ່ເປັນປະເທດສັງຄົມນິຍົມທີ່ນຳພາໂດຍພັກກອມມູນິດ, ສອງປະເທດແມ່ນປະຊາຄົມຊາຕາກຳທີ່ມີຄວາມໝາຍດ້ານຍຸດທະສາດ.

ທ່ານສີຈິ້ນຜິງຍັງກ່າວເນັ້ນວ່າ: ອວ່າຍໜ້າໄປສູ່ອະນາຄົດ, ບໍ່ວ່າສະຖານະການສາກົນຈະປ່ຽນແປງແນວໃດ, ສອງຝ່າຍກໍ່ຄວນຍຶດໝັ້ນປະຕິບັດຕໍ່ແລະແກ້ໄຂການພົວພັນຈີນຫວຽດນາມຈາກລະດັບຍຸດທະສາດແລະດ້ວຍສາຍຕາທີ່ຍາວໄກ, ຮ່ວມກັນສ້າງປະຊາຄົມຊາຕາກຳ, ສ້າງຄວາມສຸກໃຫ້ແກ່ປະຊາຊົນສອງຊາດ, ປະກອບສ່ວນເຂົ້າໃນສະເຖຍລະພາບແລະການພັດທະນາຂອງພາກພື້ນກໍ່ຄືຂອງໂລກ.

ທ່ານຫງວຽນທັນດຸງກ່າວວ່າ: ການຢ້ຽມຢາມຫວຽດນາມທາງລັດຖະກິດຂອງທ່ານສີຈິ້ນຜິງໃນຄັ້ງນີ້ ຈະເສີມຂະຫຍາຍບົດບາດທີ່ຕັ້ງໜ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມກັບຈີນໃຫ້ຂະຫຍາຍໄປໜ້າ. ຫວຽດນາມຍິນດີພະຍາຍາມຮ່ວມກັບຈີນ, ຄວບຄຸມແລະແກ້ໄຂຄວາມຂັດແຍ່ງກັນລະຫວ່າງສອງຝ່າຍຢ່າງເໝາະສົມ.