ທ່ານນາຍົກລັດຖະມົນຕີ ຕ້ອນຮັບ ຄະນະຜູ້ແທນລາຊະອານາຈັກໄທ

ຂປລ.ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ທ່ານ ພົນຕຳຫຼວດເອກ ວັດຊະລາພົນ ປະສານລາດສະກິດ ປະທານສຳນັກງານປ້ອງກັນ ແລະ ປາບປາມ ການສໍ້ລາດບັງ ຫຼວງແຫ່ງຊາດ ແຫ່ງລາຊະອາ ນາຈັກໄທ ພ້ອມດ້ວຍຄະນະ ໃນວັນທີ 28 ມີນານີ້ ທີ່ຫ້ອງວ່າການລັດຖະບານ.
ໂອກາດນີ້ ທ່ານ ທອງສິງ ທຳມະວົງ ໄດ້ສະແດງຄວາມ ຕ້ອນຮັບ ແລະ ຊົມເຊີຍຕໍ່ທ່ານ ພົນຕຳຫຼວດເອກ ວັດຊະລາ ພົນ ປະສານລາດສະກິດ ພ້ອມ ດ້ວຍຄະນະທີ່ໄດ້ເດີນທາງ ມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງເປັນການປະ ກອບສ່ວນເສີມສ້າງສາຍພົວ ພັນລະຫວ່າງສອງປະເທດ ລາວ - ໄທ ກໍຄືປະຊາຊົນທັງ ສອງຊາດທີ່ເຄີຍມີມາແລ້ວນັ້ນ ໃຫ້ນັບມື້ດີຂຶ້ນ, ຈາກນັ້ນ ທ່ານ ພົນຕຳຫຼວດເອກ ວັດຊະລາ ພົນ ປະສານລາດສະກິດ ກໍ ໄດ້ຕາງໜ້າໃຫ້ຄະນະສະແດງ ຄວາມຂອບອົກຂອບໃຈຕໍ່ ທ່ານ ທອງສິງ ທຳມະວົງ ທີ່ໄດ້ ໃຫ້ການຕ້ອນຮັບຢ່າງອົບອຸ່ນ.
ໃນວັນດຽວກັນ ທີ່ຫ້ອງວ່າ ການລັດຖະບານ ທ່ານ ທອງສິງ ທຳມະວົງ ນາຍົກລັດຖະມົນຕີ ກໍໄດ້ຕ້ອນຮັບການເຂ້ົາຢ້ຽມ ຂ່ຳນັບຂອງທ່ານ ນົບພະດົນ ເທບພິທັກ ເອກອັກຄະລາຊະ ທູດວິສາມັນ ຜູ້ມີອຳນາດເຕັມ ແຫ່ງລາຊະອານາຈັກໄທ ປະ ຈຳລາວ ເນື່ອງໃນໂອກາດໄດ້ ມາເປັນທູດໄທຄົນໃໝ່ ປະຈຳ ສປປ ລາວ.

ແຫຼ່ງຂ່າວ: Pathedlao Lao.

ບົດຄວາມໃຫມ່ໆ