ທ່ານຈາກເຮົາໄປເຫຼືອໄວ້ແຕ່ຜົນງານ ແລະ ຄວາມດີ RIP ລຸງສະໝານ ທີ່ແສນເຄົາລົບຮັກ

ພິ­ທີ​ຊາ​ປະ​ນະ​ກິດ​ສົບ ສະ­ຫາຍ ພົນ​ໂທ ສະ­ໝານ ວິ​ຍະ​ເກດ ອະ­ດີດ​ກຳ ມະ​ການ​ສູນ​ກາງ​ພັກ​ສະ­ໄໝ​ທີ II, III, IV, V, VI, VII, VIII, ອະ­ດີດ​ປະ­ທານ​ສະພາ​ແຫ່ງ​ຊາດ​ຊຸດ​ທີ III, IV, V, ອະ­ດີດ
ຫົວ­ໜ້າ​ຄະ­ນະ​ຈັດ​ຕັ້ງ​ສູນ​ກາງ​ພັກ, ອະດີດ​ຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ ກາງ​ພັກ, ອະ­ດີດ​ລັດ­ຖະ­ມົນ­ຕີ​ກະ­ຊວງ​ສຶກ ສາ​ທິ​ການ, ອະ­ດີດ​ຮອງ​ລັດ­ຖະ­ມົນ­ຕີ​ກະ ຊວງ​ປ້ອງ​ກັນ​ປະ­ເທດ ໄດ້​ຈັດ​ຂຶ້ນ​ໃນ​ຕອນ ບ່າຍ​ວັນ​ທີ 25 ກໍ­ລະ­ກົດ 2016 ທີ່​ເດີ່ນສະ­ໜາມ​ຫຼວງ, ນະ­ຄອນ­ຫຼວງ​ວຽງ​ຈັນ, ໂດຍ​ມີ​ພະ​ເຖລະ ນຸ​ເຖລະ, ການ​ນຳ​ພັກ-ລັດ ຊຶ່ງ​ນຳ​ໂດຍ​ທ່ານ ບຸນ​ຍັງ ວໍ­ລະ​ຈິດ ເລ­ຂາ ທິ​ການ​ໃຫຍ່, ປະ­ທານ​ປະ­ເທດ, ທ່ານ ທອງ​ລຸນ ສີ​ສຸ​ລິດ ນາ­ຍົກ​ລັດ​ຖະ ມົນ­ຕີ, ບັນ­ດາ​ອະ­ດີດ ການ​ນຳ​ພັກ-ລັດ, ບັນ­ດາ​ອົງ​ການ­ຈັດ­ຕັ້ງ​ສາ­ກົນ, ພ້ອມ​ດ້ວຍ ມວນ​ຊົນ​ນະ­ຄອນ­ຫຼວງ​ເຂົ້າ​ຮ່ວມ​ຢ່າງ ໜາ​ແໜ້ນ.

    ສະ­ຫາຍ ພົນ​ໂທ ສະ­ໝານ ວິ​ຍະ​ເກດ ເກີດ​ເມື່ອ  ວັນ​ທີ 3 ມີ­ນາ 1927   ທີ່​ບ້ານ​ດົງ ຕຳ​ບົນ​ປ່າ​ມະ ຄາບ ເມືອງ​ພິ­ຈິດ ແຂວງ ພິ­ຈິດ (ປະ­ເທດ​ໄທ), ປະ ຈຸ​ບັນ​ຢູ່​ບ້ານ​ໜອງ​ສ້າງ​ທໍ່ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ, ການ­ເຄື່ອນ­ໄຫວ​ປະ­ຕິ­ວັດ​ແຕ່ ລະ​ໄລ­ຍະ​ໂດຍ​ຫຍໍ້​ດັ່ງ­ນີ້: ສະ­ຫາຍ​ໄດ້​ເຂົ້າ​ຮ່ວມ​ຂະ ບວນ​ການ​ຕໍ່­ສູ້​ກູ້​ຊາດ​ເລີ່ມ ຕັ້ງ­ແຕ່​ປີ 1945 ເປັນ­ຕົ້ນ ມາ, ປີ 1945-1948 ເປັນ​ທະ­ຫານ​ລາວ​ອິດ​ສະ ຫຼະ (ກູ້​ຊາດ) ເຄື່ອນ​ໄຫວ​ຢູ່​ຕາມ​ເຂດ​ຊາຍ​ແດນ ລາວ-ຫວຽດ­ນາມ, ປີ 1948 ເປັນ ຫົວ­ໜ້າ​ການ­ເມືອງ​ຂອງ​ໝວດ​ທະ­ຫານ ລາວ​ອິດ­ສະ­ຫຼະ, ກອງ­ຮ້ອຍ​ໄຊ​ຈັກ­ກະ­ພັດ ແຂວງ​ຈຳ­ປາ​ສັກ, ປີ 1949 ໄດ້​ເຂົ້າ​ເປັນ ພັກ​ຄອມ​ມູນ​ນິດ​ອິນ­ດູ­ຈີນ.

   ປີ 1950-1954 ເປັນ​ຮອງ​ຫົວ­ໜ້າ​ການ ເມືອງ​ຂອງ​ທະ­ຫານ​ເຂດ​ໃຕ້​ລາວ​ທີ່​ແຂວງ ອັດ​ຕະ​ປື, ປີ 1954-1960 ເປັນ​ນາຍ ພັນ​ຮັບ­ຜິດ­ຊອບ​ພະ​ແນກ​ຈັດ​ຕັ້ງ​ຫ້ອງ ການ­ເມືອງ​ກອງ​ບັນ­ຊາ​ການ​ສູງ​ສຸດ​ຂອງ ກອງ­ທັບ​ປົດ​ປ່ອຍ​ປະ­ຊາ­ຊົນ​ລາວ, ປີ 1960-1969 ເປັນ​ເລ­ຂາ​ຄະ­ນະ​ພັກ​ຮັບ­ຜິດ­ຊອບ​ການ­ເມືອງ​ກອງ​ບັນ­ຊາ​ການ​ທະ­ຫານ ແຂວງ​ຊຽງ​ຂວາງ, ປີ 1970-               1973 ເປັນ​ເລ­ຂາ​ຄະ­ນະ​ພັກ​ທັງ​ເປັນ​ຫົວ ໜ້າ​ກອງ​ບັນ­ຊາ​ການ​ທະ­ຫານ​ເຂດ​ໃຕ້ ລາວ​ໃນ​ເດືອນ 2 ປີ 1972 ກອງ​ປະ­ຊຸມ  ໃຫຍ່​ຄັ້ງ​ທີ II ຂອງ​ພັກ​ປະ­ຊາ­ຊົນ​ປະ­ຕິ ວັດ​ລາວ​ສະ­ຫາຍ​ຖືກ​ເລືອກ​ຕັ້ງ​ເປັນ​ກຳ ມະ​ການ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ,ປີ 1973-1975 ເປັນ​ຫົວ­ໜ້າ​ຫ້ອງ​ການ­ເມືອງ​ກອງ​ບັນ­ຊາ​ການ​ທະ­ຫານ​ສູງ​ສຸດ ກອງ­ທັບ​ປົດ​ປ່ອຍ​ປະ­ຊາ­ຊົນ​ລາວ, ປີ 1975-1981 ເປັນ​ຮອງ​ລັດ­ຖະ­ມົນ­ຕີ​ກະ ຊວງ​ປ້ອງ​ກັນ​ປະ­ເທດ ທັງ​ຖືກ​ແຕ່ງ­ຕັ້ງ ເປັນ​ຫົວ­ໜ້າ​ກົມ​ໃຫຍ່​ການ­ເມືອງ​ກອງ­ທັບ ປະ­ຊາ­ຊົນ ປະ­ຕິ­ວັດ​ລາວ, ປີ 1982-1986 ໃນ​ກອງ​ປະ­ຊຸມ​ໃຫຍ່​ຄັ້ງ​ທີ III ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ​ສະ­ຫາຍ ໄດ້​ຖືກ​ເລືອກ​ຕັ້ງ​ເປັນ​ກຳ­ມະ­ການ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ, ຖືກ​ເລືອກ​ຕັ້ງ ເປັນ​ເລ­ຂາ­ທິ­ການ​ສູນ​ກາງ​ພັກ ທັງ​ເປັນ ຫົວ­ໜ້າ​ຄະ­ນະ​ຈັດ​ຕັ້ງ​ສູນ​ກາງ​ພັກ, ປີ 1986-1988  ກອງ​ປະ­ຊຸມ​ຄັ້ງ​ທີ IV ຂອງ​ພັກ​ປະ­ຊາ­ຊົນ​ລາວ ສະ­ຫາຍ​ໄດ້​ຖືກ​ເລືອກ​ຕັ້ງ​ເປັນ​ກຳ­ມະ­ການ​ກົມ​ການ­ເມືອງ ສູນ​ກາງ​ພັກ​ເປັນ​ເລ­ຂາ­ທິ­ການ​ສູນ​ກາງ​ພັກ, ຫົວ­ໜ້າ​ຄະ­ນະ​ຈັດ​ຕັ້ງ​ສູນ​ກາງ​ພັກ.

    ມາ​ຮອດ​ປີ 1988-1991 ເປັນ​ລັດ ຖະ​ມົນ­ຕີ​ກະ­ຊວງ​ສຶກ​ສາ​ທິ​ການ, ປີ 1992 ໄດ້​ຖືກ​ເລືອກ​ຕັ້ງ​ເປັນ​ປະ­ທານ​ສະ­ພາ ແຫ່ງ​ຊາດ​ຊຸດ​ທີ III,  ປີ 1997 ໄດ້​ຖືກ ເລືອກ​ຕັ້ງ​ເປັນ​ປະ­ທານ​ສະ­ພາ​ແຫ່ງ​ຊາດ ຊຸດ​ທີ IV, ປີ 2002 ໄດ້​ຖືກ​ເລືອກ​ຕັ້ງ ເປັນ​ປະ­ທານ​ສະ­ພາ​ແຫ່ງ​ຊາດ​ຊຸດ​ທີ V, ປີ 2006 ໃນ​ກອງ​ປະ­ຊຸມ​ໃຫຍ່​ຄັ້ງ​ທີ VII ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ສະ­ຫາຍ ໄດ້​ຖືກ​ເລືອກ​ຕັ້ງ​ເປັນ​ກົມ​ການ­ເມືອງ​ສູນ​ກາງ​ພັກ ຮັບ­ຜິດ­ຊອບ​ເປັນ​ຫົວ­ໜ້າ​ຄະ­ນະ​ຊີ້​ນຳ​ວຽກ​ງານ​ແນວ​ຄິດ, ທິດ​ສະ​ດີ​ວັດ­ທະ­ນະ­ທຳ​ສູນ​ກາງ​ພັກ, ຮັບ­ຜິດ­ຊອບ​ເປັນ​ຫົວ ໜ້າ​ຊີ້​ນຳ​ວຽກ​ງານ​ຮຽບ​ຮຽງ​ປະ­ຫວັດ­ສາດ​ສາຍ​ພົວ­ພັນ​ພິ­ເສດ​ລາວ-ຫວຽດ­ນາມ ຮ່ວມ​ສຳ­ພັນ​ສູ້​ຮົບ​ແຕ່​ປີ 1930-2007, ປີ 2006-2011 ຖືກ​ແຕ່ງ­ຕັ້ງ​ເປັນ​ຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ ກາງ​ພັກ, ປີ 2011 ຍ້ອນ​ສຸ­ຂະ­ພາບ ແລະ​ອາ­ຍຸ​ກະ­ສຽນ​ສູງ ສະ­ຫາຍ​ຈິ່ງ​ສະ ໝັກ ຂໍ​ລາ​ອອກ​ພັກ­ຜ່ອນ ແລະ​ບໍ່​ຂໍ​ສືບ­ຕໍ່ ສະ­ໝັກ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ​ໃນ​ກອງ​ປະ­ຊຸມ​ໃຫຍ່​ຄັ້ງ​ທີ IX ຂອງ​ພັກ.

    ເຖິງ​ຢ່າງ­ໃດ​ກໍ​ຕາມ ດ້ວຍ​ຜົນ­ງານ ແລະ​ຄຸນ­ງາມ­ຄວາມ­ດີ​ທີ່​ໄດ້​ປະ­ກອບ­ສ່ວນ ເຂົ້າ​ໃນ​ພາ­ລະ­ກິດ​ຕໍ່­ສູ້​ປົດ​ປ່ອຍ­ປະ​ເທດ ຊາດ ກໍ​ຄື​ພາ­ລະ­ກິດ​ປົກ​ປັກ​ຮັກ­ສາ ແລະ ສ້າງ­ສາ​ປະ­ເທດ​ຊາດ ສະ­ຫາຍ ພົນ​ໂທ ສະ­ໝານ ວິ​ຍະ​ເກດ ຈິ່ງ​ໄດ້​ຮັບ​ການ ຍ້ອງ­ຍໍ​ຈາກ​ພັກ-ລັດ​ດ້ວຍ​ຮູບ​ການ​ຍ້ອງ­ຍໍ​ປະ­ເພດ​ຕ່າງໆ​ຄື: ຫຼຽນ​ຄຳ​ແຫ່ງ​ຊາດ 1 ໜ່ວຍ, ຫຼຽນ​ໄຊ​ອິດ­ສະ­ຫຼະ ຊັ້ນ​ໜຶ່ງ 4 ໜ່ວຍ, ຫຼຽນ​ໄຊ​ພິ­ລະ​ອາດ​ຫານ​ຊັ້ນ​ໜຶ່ງ, ຫຼຽນ​ໄຊ­ຊະ­ນະ​ເລີດ, ຫຼຽນ​ຄຳ​ແຫ່ງ​ຊາດ ຫວຽດ­ນາມ, ຫຼຽນ​ຄຳ​ແຫ່ງ​ຊາດ​ກຳ​ປູ ເຈຍ, ຫຼຽນ​ລະ­ນຶກ​ສ້າງ­ຕັ້ງ​ພັກ​ຄົບ­ຮອບ 50 ປີ, ຫຼຽນ​ລະ­ນຶກ​ສ້າງ­ຕັ້ງ​ກອງ­ທັບ​ຄົບ ຮອບ 50 ປີ, ຫຼຽນ​ລະ­ນຶກ​ວັນ​ສ້າງ­ຕັ້ງ​ສູນ ກາງ​ແນວ​ລາວ​ສ້າງ​ຊາດ​ຄົບ­ຮອບ 60 ປີ, ຫຼຽນ​ກາ​ຕໍ່­ຕ້ານ​ຝຣັ່ງ, ຫຼຽນ​ກາ​ຕໍ່­ຕ້ານ ອາ­ເມ­ລິ­ກາ ຢ່າງ​ລະ 1 ໜ່ວຍ, ນອກ­ຈາກ ນັ້ນ ສະ­ຫາຍ​ຍັງ​ໄດ້​ຮັບ​ໃບ​ຍ້ອງ­ຍໍ​ຫຼາຍ ປະ­ເພດ​ຈາກ​ພາຍ​ໃນ​ປະ­ເທດ ແລະ​ຕ່າງ ປະ­ເທດ​ອີກ.

ເນື້ອໃນຂ່າວ: ໜັງສືພິມເສດຖະກິດສັງຄົມ

ຮູບພາບ: Keth Saliankham