ທີມ Miss drink ດາວເດັ່ນໃນງານເຕັ້ນຊຸມຊົນໄວໜຸ່ມທີ່ຮັກໃນການເຕັ້ນປີ 2015

ຕອນຄໍ່າວັນທີ 12 ກັນຍານີ້, ທີ່ຫໍວັດທະນະທໍາແຫ່ງຊາດລາວ, ບໍລິສັດຟັງລາວຮ່ວມກັບ, ບໍລິສັດ Hoppin ຮ່ວມກັບອົງການ SDC ໄດ້ຈັດການແຂ່ງຂັນເຕັ້ນຊຸມຊົນໄວໜຸ່ມທີ່ຮັກໃນການເຕັ້ນ ຄັ້ງທີ 3, ໂດຍການເປັນປະທານທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວລາວ, ບັນດາຄະນະກໍາມະການຈາກ 5 ປະເທດ, ລາວ, ໄທ, ມາເລເຊຍ, ສສ. ຫວຽດນາມ ແລະ ຍີ່ປຸ່ນ, ຕາງໜ້າຕົວແທນຈາກປະເທດສະວິດເຊີແລນ, ແຂກທີ່ເຊີນ, ທີມນັກເຕັ້ນ 12 ທີມຕົວແທນຈາກທົ່ວປະເທດ ແລະ ມວນຊົນຊາວນະຄອນຫຼວງວຽງຈັນເຂົ້າຮ່ວມຢ່າງຄຶກຄື້ນ.


ການແຂ່ງຂັນເຕັ້ນຊຸມຊົນໄວໜຸ່ມທີ່ຮັກໃນການເຕັ້ງຄັ້ງທີ 3 ຊື່ງເປັນການເຕັ້ນທີ່ມີສີມືຈາກທົ່ວປະເທດມາຮ່ວມແຂ່ງຂັນກັນ ການແຂ່ງຂັນຄັ້ງນີ້, ມີນັກເຕັ້ນ 12 ທີມຕົວແທນຈາກທົ່ວປະເທດລາວເຂົ້າແຂ່່ງຂັນ ຜົນການແຂ່ງຂັນຊະນະເລີດແມ່ນທີມ team Miss drink ຕົວແທນຈາກນະຄອນຫຼວງວຽງຈັນຮັບເງິນລາງວັນມູນຄ່າ 15 ລ້ານກີບ ແລະ ລາງວັນອື່ນໆອີກ.


ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວລາວໃຫ້ຮູ້ວ່າ: ຈຸດປະສົງຂອງການຈັດງານຄັ້ງນີ້, ເພື່ອດຶງດູດເອົາຊາວໜຸ່ມຢູ່ທົ່ວປະເທດໃຫ້ຫັນມາຮັກສິລະປະການຟ້ອນ ແລະ ເຕັ້ນມາຮອດປະຈຸບັນ ແລະ ທັງເປັນການຊ່ວຍເຫຼືອສັງຄົມ ເພາະໃນງານຍັງໄດ້ລະດົມເຄື່ອງຊ່ວຍເຫຼືອອຸປະກອນການຮຽນ, ເຄື່ອງນຸ່ງຫົ່ມ, ເຄື່ອງກິລາ ແລະ ອື່ນໆ ເພື່ອໄປຊ່ວຍເຫຼືອເດັກນ້ອຍຢູ່ແຂວງຕ່າງໆ ທີ່ດ້ອຍໂອກາດຢູ່ແຂວງໄຊສົມບູນປີນີ້.

ທີ່ມາ CRI-FM93