ທີມໃດ!!! ມູຄອນເຟີມພ້ອມຮັບງານຄຸມທັບ

 

“ບີທີ ສະປອດ” ເຜີຍ ໂຊເຊ ມູຣິນໂຢ ນາຍໃຫຍ່ມາດກວນຢືນຢັນຜ່ານການສຳພາດກັບພວກເຂົາວ່າຈະກັບມາຮັບງານຄຸມທີມໃນຊ່ວງເດືອນກໍລະກົດນີ້ກັບຂ່າວລືທີ່ “ເດິ ສະເປຊຽວ ວັນ” ອາດໄປຄຸມບັງຫຽນ ແມນຢູ ແທນທີ່ ຫຼຸຍ ຟານກາວ.

 

“ບີທີ ສະປອດ” ສື່ດັງຂອງເກາະອັງກິດລາຍງານຂ່າວວ່າ ໂຊເຊ ມູຣິນໂຢ ອະດີດນາຍໃຫຍ່ ເອຟຊີ ປໍໂຕ, ເຊວຊີ ແລະ ອິນເຕີ ມິລານ ຢືນຢັນວ່າເຂົາພ້ອມກັບມາຮັບງານເປັນນາຍໃຫຍ່ໃຫ້ທີມໃໝ່ໃນເດືອນກໍລະກົດນີ້ກັບກະແສຂ່າວລືວ່າຈະເປັນນາຍໃຫຍ່ຄົນໃໝ່ຂອງ ແມນເຊສເຕີ ຢູໄນເຕັດ ແນ່ນອນ.

ອະນາຄົດຂອງ ຫຼຸຍ ຟານກາວ ໃນທີມ ຜີສາດແດງ ກຳລັງຢູ່ພາຍໃຕ້ຄວາມກົດດັນຫຼັງຈາກທີ່ຢູ່ອັນດັບ 6 ໃນຕາຕາລາງຄະແນນລີກຜູ້ດີ ແລະ ສ່ຽງຕໍ່ການພາດໄດ້ໄປລຸຍ ຢູຟາ ແຊມປຽນລີກ ລະດູການໜ້າ ຂະນະທີ່ ມູຣິນໂຢ ທີ່ວ່າງງານຕັ້ງແຕ່ເດືອນທັນວາທີ່ຜ່ານມາຕົກເປັນຂ່າວວ່າອາດຈະມາຄຸມທັບ ຜີສາດແດງ ຖ້າ ເອັດ ວູດເວິດ ຮອງປະທານບໍລິຫານ ແລະ ຕະກຸນ ເກລເຊີ ເຈົ້າຂອງທີມຕັດສິນໃຈແຍກທາງກັບ ຟານກາວ ກ່ອນກຳນົດທີ່ສັນຍາຂອງນາຍໃຫຍ່ຊາວດັດຈະໝົດລົງລະດູການໜ້າ.

 

ກ່ອນໜ້ານີ້ ມູຣິນໂຢ ໃຫ້ສຳພາດແບບເປັນໄນໆຕອນຢູ່ສິງກະໂປເດືອນກ່ອນວ່າ ອາດຫວນຮັບງານກຸນຊືໃນຊ່ວງຊຳເມີນີ້ຫຼາຍກວ່າຊ່ວງກາງລະດູການ ແລະ ລ່າສຸດ “ບີທີ ສະປອດ” ຕີຂ່າວວ່າ “ເດິ ສະເປຊຽວ ວັນ” ໄດ້ຢືນຢັນຜ່ານການສຳພາດກັບພວກເຂົາເຊິ່ງຍັງບໍ່ມີການເຜີຍແຜ່ເນື້ອຫາໃຈຄວາມ ບອກວ່າຈະເລີ່ມຕົ້ນນັບໜຶ່ງກັບສະໂມສອນໃໝ່ໃນເດືອນກໍລະກົດ.