ທີມຂ້ອຍຫຼິ້ນດີ!!! ອັດ ມາດຣິດ ໄດ້ 4 ເມັດ

ຫຼຸຍ ເອັນຣິເກ້ ນາຍໃຫຍ່ຂອງ ບາເຊໂລນາ ອອກມາສັນລະເສີນຍ້ອງຍໍລູກທີມ ຫຼັງຈາກທີ່ບຸກໄປຢຽບສັກສີຂອງ ເຣອັນ ມາດຣິດ ເຖິງ 4 ເມັດ ພ້ອມກັບບອກວ່າ ມາດຣິດ ຫຼິ້ນພາດເອງຫຼາຍຈຶ່ງເຮັດໃຫ້ເສຍເລະເທະ.

ຫຼຸຍ ເອັນຣິເກ້ ນາຍໃຫຍ່ຂອງ ບາເຊໂລນາ ກ່າວຊົມເຊີຍລູກທີມທີ່ຫຼິ້ນໄດ້ຢ່າງສຸດຍອດ ຈົນເຮັດໃຫ້ທີມບຸກໄປຖະລົ່ມ ເຣອັນ ມາດຣິດ 4-0 ເຖິງຖິ່ນ ຊານດິເອໂກ້ ເບີນາເບວ ໃນເກມລີກ ເອວ ກລາຊິໂກ້ ເມື່ຶຶອວັນເສົາທີ່ຜ່ານມາ.

ທີມຢາມຂຶ້ນນຳຕັ້ງແຕ່ນາທີ 11 ຈາກ ຫຼຸຍ ຊົວເຣດ ກ່ອນທີ່ ເນມາ ຈະມາຍິງລູກສອງໃນນາທີ 39 ແລ້ວເຂົ້າເຄິ່ງເວລາສອງ ບາຊາ ມາໄດ້ອີກ 2 ລູກຈາກ ອັນເດຣສ ອິເນສຕ້າ ນາທີ 53 ແລະ ຊົວເຣດ ໃນນາທີ 74 ແລະ ໃນຊ່ວງ 6 ນາທີສຸດທ້າຍເຈົ້າບ້ານຍັງມາເຫຼືອຜູ້ຫຼິ້ນພຽງ 10 ຄົນຈາກການທີ່ ອິສໂກ້ ຖືກໃບແດງໄລ່ອອກຈາກສະໜາມອີກ.

“ຂ້ອຍຄາດບໍ່ເຖິງຄືກັນວ່າມັນຈະອອກມາແບບນີ້ ເຮົາຫຼິ້ນໄດ້ເໜືອກວ່າ ແລະ ເຮັດໄດ້ດີກວ່າໃນຫຼາຍໆຕຳແໜ່ງ ແຜງຫຼັງຂອງເຮົາຍັງຫຼິ້ນໄດ້ຢ່າງແຂງແກ່ນ ແລະ ມັນເປັນຍ້ອນຄວາມຂັ້ນເທບຂອງ ບາຊາ ຫຼາຍກວ່າຄວາມຜິດພາດຂອງ ມາດຣິດ” ເອັນຣິເກ້ ກ່າວ.

.....................................................................................................................................................