ທາງການ ສປຈີນ ຊ່ວຍເຫລືອລາວ 40 ຕື້ກີບແກ້ໄຂຄວາມທຸກຍາກ

ພິທີເຊັນສັນຍາປະຕິບັດໂຄງການທົດລອງການຮ່ວມມືແກ້ໄຂຄວາມທຸກຍາກລາວ-ຈີນ ໄດ້ຈັດຂຶ້ນຢູ່ກະຊວງກະສິກຳແລະປ່າໄມ້ ສປປ ລາວໃນວັນທີ 14 ມິຖຸນານີ້ລະຫວ່າງ ຈິດ ທະວີໃສ ຫົວໜ້າຫ້ອງການແຜນການແລະພົວພັນຕ່າງປະເທດ ຄພທສ ກະຊວງກະສິກຳແລະປ່າໄມ້ລາວ ແລະທ່ານ ຫວາງຊິ່ຮຸຍ ທີ່ປຶກສາເສດຖະກິດການຄ້າສະຖານທູດ ສປ ຈີນປະຈຳ ສປປ ລາວ ໂດຍການເປັນສັກຂີພິຍານຂອງທ່ານ ພວງປາຣີສັກ ປຮະວົງວຽງຄຳ ຮອງລັດຖະມົນຕີກະຊວງກະສະກຳແລະປ່າໄມ້ ລາວ.

ໂຄງການດັ່ງກ່າວໄດ້ຮັບການຊ່ວຍເຫລືອໃນວົງເງິນ 33,333 ລ້ານຢວນຫຼືປະມານ 40 ຕື້ກີບຈາກກະຊວງການຄ້າ ສປ ຈີນ ເຊິ່ງເປັນການຊ່ວຍເຫຼືອໃນຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງນັ້ນຈະເລັ່ງໃສ່ການກໍ່ສ້າງພື້ນຖານໂຄງລ່າງ, ພັດທະນາຂະແໜງການກະສິກຳ, ປັບປຸງຊີວິດການເປັນຢູ່ຂອງກະສິກອນ, ການປັບປຸງສິ່ງແວດລ້ອມແລະການຊ່ວຍເຫລືອດ້ານເຕັກນິກໃຫ້ແກ່ບ້ານຊໍ້ ເມືອງສັງທອງ ນະຄອນຫລວງວຽງຈັນ ແລະ ບ້ານຊຽງລ້ອມ ເມືອງແລະແຂວງຫລວງພະບາງ. ທັງນີ້ອົງການປົກຄອງບ້ານເປົ້າໝາຍໄດ້ສຳເລັດການກະກຽມການຈັດຕັ້ງ-ພະນັກ ງານ, ພື້ນທີ່ແລະອື່ນໆແລ້ວ.

ໂຄງການດັ່ງກ່າວຈະນຳໃຊ້ທຶນແລະເຕັກນິກຂອງລັດຖະບານ ສປ ຈີນທີ່ເປັນປະສົບການໃນການຫລຸດຜ່ອນຄວາມທຸກຍາກຢູ່ເຂດຊົນນະບົດ ເພື່ອສ້າງເປັນໂຄງການສາທິດການຮ່ວມມືແກ້ໄຂຄວາມທຸກຍາກຢູ່ ສປປ ລາວກໍຄືອາຊີຕາເວັນອອກແລະທີ່ສຳຄັນເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນກ້າວໆ.

Cr: http://www.abclaosnews.com

 

ບົດຄວາມໃຫມ່ໆ