ທາງການ!! ບັອງແຍກທາງກັບເປເອັດເຊແລ້ວ

 

ເລກິບ ສື່ຊື່ດັງຂອງນ້ຳຫອມຕີຂ່າວ ໂລຣອງ ບັອງ ອຳລາການເປັນນາຍໃຫຍ່ຂອງ ເປເອັດເຊ ແລ້ວໂດຍທີ່ເຂົາໄດ້ຮັບເງິນຊົດເຊີຍຈາກການຖືກຍົກເລີກສັນຍາຄັ້ງນີ້ 22 ລ້ານເອີໂຣ.

 

ໂລຣອງ ບັອງ ຜູ້ຈັດການທີມຂອງ ເປເອັດເຊ ສະໂມສອນມະຫາເສດຖີຂອງ ລີກແອັງ ແຍກທາງກັບທີມເປັນທີ່ຮຽບຮ້ອຍແລ້ວຕາມການລາຍງານຂອງ ເລກິບ ສື່ຊື່ດັງຂອງປະເທດຝຣັ່ງເມື່ອວັນພະຫັດທີ່ຜ່ານມາ.

ເຖິງວ່າຈະພາທີມໄດ້ແຊມລີກ, ກຸບ ເດີ ຟຣັອງ ແລະ ກຸບ ເດີ ລາ ລີກ ມາຄອງເມື່ອລະດູການກ່ອນແຕ່ເປັນບ່ອນເຊື່ອກັນວ່າບອດບໍລິຫານຂອງທີມຍັງບໍ່ພໍໃຈຜົນງານຂອງ ບັອງ ຈາກການທີ່ເຂົາພາທີມຕົກຮອບກ່ອນຮອງຊະນະເລີດຂອງ ຢູຟາ ແຊມປຽນລີກ 3 ລະດູການຕິດຕໍ່ກັນທັງທີ່ໃຊ້ງົບປະມານໃນການເສີມທັບໄປຫຼາຍ.

 

ເລື່ອງດັ່ງກ່າວເຮັດໃຫ້ມີກະແສຂ່າວລືອອກມາວ່າ ບັອງ ຈະຕ້ອງອຳລາທີມໃນໄວໆນີ້ ແລະ ຫຼ້າສຸດ ເລກິບ ກໍລະບຸວ່າຂ່າວນີ້ເປັນຄວາມຈິງ ໂດຍທີ່ອະດີດກອງຫຼັງທີມຊາດຝຣັ່ງຈະໄດ້ຮັບເງິນຊົດເຊີຍ 22 ລ້ານເອີໂຣເປັນຄ່າຍົກເລີກສັນຍາທີ່ຍັງເຫຼືອ.

 

 

ບົດຄວາມໃຫມ່ໆ