ທາງການ!!ແຕນອາລະວາດເຊັນສັນຍາເຊົ່າດຶງ ນຽງ ຮ່ວມທັບ

 

ວັດຝອດ ເດີນໜ້າເສີມທັບຢ່າງຕໍ່ເນື່ອງເມື່ອຫຼ້າສຸດເຊັນສັນຍາຢືມຕົວ ເອັມບາຍ ນຽງ ຫົວຫອກຂອງ ເອຊີ ມິລານ ມາໃຊ້ງານຮຽບຮ້ອຍພ້ອມຕົວເລືອກຊື້ຂາດຫຼັງຈົບລະດູການນີ້ພ້ອມ.

 

ວັດຝອດ ສະໂມສອນດັງຂອງ ພຣີເມຍລີກ ປະກາດຢືນຢັນເມື່ອວັນພະຫັດທີ່ຜ່ານມາວ່າໄດ້ເຊັນສັນຍາຢືມຕົວ ເອັມບາຍ ນຽງ ກອງໜ້າເລືອດນຳ້ຫອມຂອງ ເອຊີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ມາໃຊ້ງານຈົນໝົດລະດູການນີ້ເປັນທີ່ຮຽບຮ້ອຍ.
 

ເຖິງວ່າກ່ອນໜ້ານີ້ ອາເຊນອນ ແລະ ປາຣີ ແຊງ-ແຊັກແມງ ຕາງມີຂ່າວວ່າຢາກໄດ້ ນຽງ ໄປຮ່ວມທີມແຕ່ວ່າສຸດທ້າຍກາຍເປັນ ວັດຝອດ ທີ່ໄດ້ຕົວນັກເຕະມາໃຊ້ງານແບບສັນຍາເຊົ່າພ້ອມກັບມີຕົວເລືອກຊື້ຂາດໃນຊ່ວງຊຳເມີນີ້ອີກດ້ວຍ ໂດຍທີ່ ນຽງ ຈະໄດ້ໃສ່ເສື້ອ “ແຕນອາລະວາດ” ເບີ 21.

 

ສຳລັບລະດູການນີ້ ນຽງ ລົງຫຼິ້ນໃຫ້ກັບ ມິລານ ໄປແລ້ວລວມທຸກລາຍການທັງໝົດ 19 ນັດຍິງໄດ້ 3 ປະຕູ.