ທາງການ!!ບາຊາເຈັບບຸສເກັດຕໍ່ທາງຮອດ 2021

 

ບາເຊໂລນາ ຈັບ ເຊຄິໂອ ບຸສເກັດ ກອງກາງໂຕເກົ໋າຂອງທີມຕໍ່ສັນຍາໃໝ່ໄປຈົນຮອດປີ 2021 ພ້ອມຕົວເລືອກຂະຫຍາຍໄດ້ອີກ 2 ປີ ຫຼັງຢູ່ກັບສະໂມສອນມາທັງຊີວິດ ແລະ ເປັນກຳລັງຫຼັກທີ່ຊ່ວຍໃຫ້ທີມໄດ້ແຊ້ມມາແລ້ວມາກມາຍຖ້ວມທົ້ນ.

 

ເຊຄິໂອ ບຸສເກັດ ກອງກາງໂຕຮັບຂອງ ບາເຊໂລນາ ມະຫາອຳນາດລູກໜັງຂອງ ລາ ລີກາ ສະເປນຈົບບິກເຊັນສັນຍາກັບ ບາຊາ ຕໍ່ອອກໄປຈົນຮອດປີ 2021 ຢ່າງເປັນທາງການແລ້ວເມື່ອວັນພະຫັດທີ່ຜ່ານມາ ພ້ອມກັບເງື່ອນໄຂຂະຫຍາຍສັນຍາເພີ່ມໄດ້ອີກຈົນຮອດປີ 2023.

 

ດາວເຕະທີມຊາດສະເປນຢູ່ກັບ ບາເຊໂລນາ ມາຕະຫຼອດຊີວິດ ແລະ ນັບຕັ້ງແຕ່ກ້າວຂຶ້ນມາຈາກທີມຊາດ ເບ ເມື່ອປີ 2008 ເຂົາກໍລົງຫຼິ້ນໃຫ້ທີມໄປແລ້ວທັງໝົດ 390 ນັດຍິງໄດ້ 13 ປະຕູ ແລະ ໄດ້ແຊ້ມມາຄອງໄດ້ຢ່າງຫຼວງຫຼາຍເຊັ່ນ ລາ ລີກາ 6 ສະໄໝ ແລະ ຢູຟາ ແຊມປຽນ ລີກ ອີກ 3 ສະໄໝ.

 

ຂະນະດຽວກັນມີລາຍງານວ່າສັນຍາສະບັບໃໝ່ນີ້ຈະເຮັດໃຫ້ ບຸສເກັດ ມີຄ່າຈີກສັນຍາສູງເຖິງ 200 ລ້ານເອີໂຣ.

 

 

ບົດຄວາມໃຫມ່ໆ