ທັນຄວັນ!!ໂດ້ປະຕິເສດບ້ຽວພາສີ

 

ຄຣິສຕຽນໂນ ໂຣເນົາໂດ ຊູເປີສະຕາຂອງ ເຣອັນ ມາດຣິດ ປະຕິເສດຂໍ້ກ່າວຫາທີ່ບອກວ່າໂກງພາສີແລ້ວ ພາຍຫຼັງທີ່ຖືກຟ້ອງວ່າໜີພາສີເຖິງ 14.7 ລ້ານເອີໂຣ.

 

ຄຣິສຕຽນໂນ ໂຣເນົາໂດ ກັບຕັນທີມຊາດປັອກຕຸຍການຂອງ “ລາຊາຊຸດຂາວ” ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນປະຕິເສດຂໍ້ກ່າວຫາວ່າຕົນປິດບັງລາຍໄດ້ຈາກກົມພາສີ ແລະ ການລ່ຽງພາສີເປັນທີ່ຮຽບຮ້ອຍແລ້ວ.

 

ໂຣເນົາໂດ ຖືກຍື່ນເລື່ອງຟ້ອງຮ້ອງວ່າໜີພາສີເມື່ອວັນອັງຄານທີ 13 ມິຖຸນາທີ່ຜ່ານມາ ໂດຍທາງເຈົ້າໜ້າທີ່ລະບຸວ່າເຂົາລ່ຽງພາສີເປັນເງິນຈຳນວນເຖິງ 14.7 ລ້ານເອີໂຣລະຫວ່າງປີ 2011-2014.

 

ຢ່າງໃດກໍຕາມ ໂຣເນົາໂດ ກໍຟ້າວອອກມາປະຕິເສດເລື່ອງດັ່ງກ່າວຢ່າງທັນຄວັນໂດຍທີ່ເຂົາໃຫ້ ເກສຕິຟຸດ ບໍລິສັດເອເຢນຂອງເຂົາອອກມາຖະແຫຼງການວ່າ “ມັນບໍ່ມີການລ່ຽງພາສີໃດໆທັງນັ້ນ ມັນບໍ່ເຄີຍມີການປິດບັງຫຍັງ ຫຼື ມີຄວາມຕັ້ງໃຈຈະປິດຫຍັງ”.