ທະຫານຍີ່ປຸ່ນລີ້ໄພໃນແດນສັດຕູດົນ 28 ປີເພາະບໍ່ຮູ້ວ່າສົງຄາມຈົບລົງແລ້ວ

ເປັນເລື່ອງລາວທີ່ດຣາມາສຸດໆຂອງ ໂຢໂຄອິ ໂຊອິຈິ (Yokoi Shoichi) ທະຫານຍີ່ປຸ່ນທີ່ເອົາຊີວິດລອດຢູ່ເກາະກວມເປັນໄລຍະເວລາດົນເຖິງ 28 ປີລະຫວ່າງສົງຄາມໂລກຄັ້ງທີ 2 ໂດຍທີ່ບໍ່ຮູ້ວ່າສົງຄາມຈົບລົງແລ້ວ ປະຕິບັດການຂອງຍີ່ປຸ່ນໃນສົງຄາມໂລກຄັ້ງທີ່ 2.

 

ໂຢໂຄອິ ໂຊອິຈິ (Yokoi Shoichi) ເປັນຊ່າງຕັດເຄື່ອງທີ່ຖືກເກນໄປຮົບໃນກອງທັບຍີ່ປຸ່ນປີ 1941 ໂດຍຮັບຍົດນາຍສິບ ເຂົາໄດ້ຮັບມອບໝາຍໃຫ້ໄປໂຈມຕີເກາະກວມຂອງທະຫານອາເມລິກາໃນຊ່ວງປີ 1944 ແຕ່ກອງທັບຂອງອາເມລິກາສາມາດຈັບທະຫານຍີ່ປຸ່ນໄດ້ຢ່າງໄວວາ ແລະ ຫຼາຍຄົນກໍຖືກຈັບ ແລະ ຂ້າຖິ້ມ

 

ເຊິ່ງເຮັດໃຫ້ກຸ່ມຂອງ ໂຢໂຄອິ ໂຊອິຈິ (Yokoi Shoichi) ແລະ ໝູ່ທະຫານອີກ 10 ສະຫາຍຖອຍເຂົ້າໄປໃນປ່າເລິກເພື່ອລີ້ຊ້ອນຕົວ ແຕ່ບໍ່ດົນທະຫານອາເມລິກາກໍພໍ້ຕົວຢ່າງໄວວາເຮັດໃຫ້ຕ້ອງກະຈາຍຕົວກັນໄປພື້ນທີ່ອື່ນໆເພື່ອລີ້ໄພ

 

ໂຢໂຄອິ ໂຊອິຈິ (Yokoi Shoichi) ແລະ ໝູ່ທະຫານອີກ 3 ສະຫາຍໄດ້ລົບໄພໃນບໍລິເວນດຽວກັນ ແລະ ອາໄສຢູ່ໃນປ່າຫຼາຍປີ ຈົນຮອດປີ 1952 ພວກເຂົາກໍໄດ້ຍິນວ່າສົງຄາມຈົບລົງແລ້ວແຕ່ກໍຢ້ານວ່າຈະເປັນການລວງຈຶ່ງລົບໜີ ແລະ ອາໄສຢູ່ໃນປ່າຕໍ່ໄປ

 

ແລະ ອີກບໍ່ເທົ່າໃດປີຕໍ່ມາໝູ່ທະຫານທັງ 3 ສະຫາຍກໍໄດ້ເສຍຊີວິດລົງເຮັດໃຫ້ເຂົາຕ້ອງໃຊ້ຊີວິດຢູ່ໂດດດ່ຽວຈຶ່ງເຮັດໃຫ້ຫຼາຍຄົນສົງໄສວ່າທະຫານຍີ່ປຸ່ນລາຍນີ້ມີຊີວິດໄດ້ແນວໃດ??

 

ໂຢໂຄອິ ໂຊອິຈິ (Yokoi Shoichi) ໃຊ້ເວລາດົນກວ່າ 3 ເດືອນໃນການຂຸດຂຸມລີ້ໄພເຊິ່ງເລິກລົງໄປປະມານ 2-3 ແມັດເປັນທາງເຂົ້າທີ່ມີຂະໜາດນ້ອຍໂດຍທີ່ອາໄສເອົາໄມ້ໄຜ່ປິດທາງເຂົ້າ

 

ແລະ ມີການຂຸດຮູຂະໜາດນ້ອຍໄວ້ເພື່ອໃຫ້ມີອາກາດເຂົ້າ ໂດຍທີ່ລີ້ຢູ່ໃນນັ້ນຕະຫຼອດ ອາໄສການຈັບປາ ກົບ ງູ ແລະ ໝາກໄມ້ໃນປ່າເປັນອາຫານຕໍ່ຊີວິດ

 

ຈົນເມື່ອປີ 1972 ມີສອງຊາວປະມົງທ້ອງຖິ່ນພົບທະຫານຍີ່ປຸ່ນລາຍນີ້ຢູ່ຝັ່ງແມ່ນຳ້ Talofofo ທະຫານລາຍນີ້ຢ້ານຖືກນຳຕົວໄປໃຫ້ກັບທະຫານອາເມລິກາ ເຂົາຈຶ່ງຮ້ອງຂໍໃຫ້ຊາວປະທົງທັງສອງຂ້າເຂົາຖິ້ມ

 

ແຕ່ໃນທາງກັບກັນຊາວປະມົງທັງສອງໄດ້ຊ່ວຍເຫຼືອເຂົາ ແລະ ພາເຂົາກັບມາບ້ານແທນທີ່ຈະຂ້າ ແລະ ນີ້ເປັນຮອບທຳອິດໃນ 28 ປີທີ່ເຂົາໄດ້ກິນອາຫານແບບມະນຸດປົກກະຕິ

 

ອີກ 2 ອາທິດຕໍ່ມາ ໂຢໂຄອິ ໂຊອິຈິ (Yokoi Shoichi) ໄດ້ຖືກຊ່ວຍເຫຼືອໃຫ້ໄດ້ກັບໄປປະເທດຍີ່ປຸຸ່ນອີກຄັ້ງໃນຖານະວິລະບຸລຸດສົງຄາມ ແລະ ກໍມີຊີວິດຈົນອາຍຸ 82 ປີ ເຂົາກໍເສຍຊີວິດລົງ

 

ຂຸມລີ້ໄພແຕ່ເດີມໄດ້ຮັບການຄຸ້ມຄອງເປັນອະນຸສາວະລີປະຕິວັດສາດ ເຖິງວ່າມັນຈະຖະຫຼົ່ມລົງໄປແລ້ວກໍຕາມປັດຈຸບັນຂຸມລີ້ໄພຈຳລອງກາຍເປັນອະນຸສອນໃຫ້ແກ່ ໂຢໂຄອິ ໂຊອິຈິ ແລະ ທະຫານຍີ່ປຸ່ນອີກ 3 ສະຫາຍ.

 

ທີ່ຕັ້ງຢູ່ໃນພິພິດຕະພັນ Talofofo Falls Resort Park ທີ່ເປີດໃຫ້ຄົນເຂົ້າເບິ່ງມີຊື່ວ່າ Yokoi Cave.