ທຣັມຍັງມີຄວາມຫວັງຈະໄດ້ລົມກັບຄິມ

ປະທະນາທີບໍດີໂດນັດ ທຣັມ ຮັບຊາບ ທ່າທີຂອງເກົາຫລີເໜືອກ່ຽວກັບການປະຊຸມສຸດຍອດຮ່ວມກັນຢູ່ທີ່ສີງກະໂປຼໃນເດືອນໜ້າດ້ານທຳນຽບຂາວຢືນຢັນສະຫະລັດຍັງຄົງມີຄວາມພ້ອມໃນເລື່ອງນີ້

ສຳນັກຂ່າວຕ່າງປະເທດລາຍງານຈາກກຸງວໍຊິງຕັນປະເທດສະຫະລັດອາເມລິກາໃນວັນທີ16ພຶດສະພາ ວ່າປະທານະທີບໍດີໂດນັດ ທຣັມ ເວົ້າໃນວັນພຸດວ່າທຳນຽບຂາວຍັງບໍ່ໄດ້ຮັບແຈ້ງຈາກຝ່າຍໃດວ່າການປະຊຸມຄັ້ງສຳຄັນນີ້ຮ່ວມກັບທ່ານຄິມຈອງອິນຜູ້ນຳສູງສຸດຂອງເກົາຫລີເໜືອຊື່ງກຳນັດໄວ້ໃນວັນທີ12ມີຖຸນາທີ່ສີງກະໂປຼ'' ອາດຈະບໍ່ເກີດຂື້້ນ''ແຕ່ວ່າຜູ້ນຳສະຫະລັດຍັງຄົງຢືນການວ່າເຂົາຈະບໍ່ມີທາງຜ່ອນຜັນເງື່ອນໄຂວ່າເກົາຫລີເໜືອຕ້ອງປົດອາວຸດນິວເຄຼີຍເປັນການຖາວອນ

ໃນຄະນະທີ່ນາງຊາຮາ ແຊນເດີ ຜູ້ປະກາດຂ່າວທຳນຽບຂາວເວົ້າໃນວັນດຽວກັນວ່າຜູ້ນຳສະຫະລັດມີຄວາມພ້ອມໃນການພົບຫາລືກັບຜູ້ນຳເກົາຫລີເໜືອແຕ່ໃນກໍລະນີທີ່ການປະຊຸມບໍ່ສາມາດເກີດຂື້້ນໄດ້ລັດຖະບານວໍຊິງຕັນຈະເດີນຫນ້າມາດຕະການກົດດັນຂັ້ນສູງສຸດຕໍ່ລັດຖະບານປຽງຢາງຕໍ່ໄປຊື່ງເປັນສີ່ງທີ່ສະຫະລັດດຳເນີນການມາຕະຫລອດດ້ານທ່ານລູ່ຄັງຜູ້ປະກາດຂ່າວກະຊວງການຕ່າງປະເທດຈີນກ່າວວ່າບັນຍາກາດເທີງຄາບສະມຸດເກົາຫລີຜ່ອນຄາຍໄປໃນທາງທີດີຂື້ນຫລາຍຄູ່ກໍລະນີຄວນມີຫຼັກປະກັນວ່າການເຈລະຈາເກີດຂື້ນຕາມກຳນົດການ

ທັງນີ້ກຳນົດການພົບຫາລືລະຫວ່າງ ທຣັມກັບທ່ານຄິມຈອງອິນຊື່ງຈະເປັນຄັ້ງປະຫວັດສາດທີ່ປະທານະທີ່ບໍດີສະຫະລັດແລະຜູ້ນຳສູງສຸດຂອງເກົາຫລີເໜືອພົບໜ້າກັນຢ່າງເປັນທາງການເລີ່ມພົບກັບຄວາມບໍ່ແນ່ນອນເມື່ອສຳນັກຂ່າວກາງເກົາຫລີ (ເຄຊີເອັນແອ)ເຜີຍແຜ່ຄຳເວົ້າຂອງທ່ານຄິມ ເຍກວານນັກແປພາສາກະຊວງການຕ່າງປະເທດເກົາຫລີເໜືອຄົນທີ່1ວ່າຄວາມສຳພັນລະຫວ່າງສອງເກົາຫລີກຳລັງກັບມາມີປັນຫາຫຼັງກອງທັບອາກາດເກົາຫລີໃຕ້ແລະສະຫະລັດ ເປີດສາກການຊ້ອມຮົບຄັ້ງໃຫຍ່ຮ່ວມກັນໃນຕົ້ນອາທິດນີ້ແລະຕາບໃດທີ່ລັດຖະບານວໍຊີງຕັນຍັງພະຍາຍາມກົດດັນໃຫ້ລັດຖະບານປຽງຢາງ'' ເປັນຝ່າຍຈົນມຸມ'' ເພື່ອໃຫ້ຍອມຢຸດຕິໂຄງການພັດທະນານິວເຄຼີຍພຽງຝ່າຍດຽວເກົາຫລີເໜືອອາດຕ້ອງ''ທົບທວນ''ວ່າຄວນເຂົ້າຮ່ວມການພົບຫາລືກັບທຮັມຫຼືບໍ່ແລະປະຕິເສດ ເງື່ອນໄຂທາງເສດຖະກິດ ຂອງສະຫະລັດໃນການນຳລະບົບທຶນນິຍົມເຕັມຮູບແບບເຂົ້າສູ່ເກົາຫລີເໜືອເພື່ອແລກກັບການປົດອາວຸດນິວເຄຼີຍ