ຖ້າ​ບໍ່​ຢາກ​ໃຫ້ສິວ​ຂຶ້ນ​ໜ້າ​ ຂໍ​ໃຫ້​ຫຼີກລ້ຽງ​ອາຫານ​ຕໍ່ໄປ​ນີ້​!!

ສາ​ເຫດ​ຂອງ​ການ​ເກີດ​ສິວ​ ທີ່​ເຮົາ​ຮູ້​ກໍ​ມັກ​ຈະ​ເກີດ​ຈາກ​ຄວາມ​ມັນ​ເທິງ​ໃບ​ໜ້າ​ ສິ່ງ​ສົກກະປົກ​ອຸດ​ຕັນ​ຮູ​ຂຸມ​ຂົນ​ ບໍ່​ວ່າ​ຈະ​ເກີດ​ຈາກ​ເຄື່ອງ​ສຳ​ອາງ​ຫລື​ຝຸ່ນ​ໃນ​ອາ​ກາດ​ແລະ​ປະຈຳ​ເດືອນ​ ຮ້ອງ​ໄຫ້​ແຮງ​
ນອກ​ຈາກ​ປັດ​ໄຈພາຍນອກ​ ທີ່​ເຮັດໃຫ້​ເກີດ​ສິວ​ແລ້ວ​ ສິວ​ກໍ​ຍັງ​ເກີດ​ຈາກ​ປັດ​ໄຈ​ພາຍ​ໃນ​ ຢ່າງ​ອາຫານ​ທີ່​ເຮົາ​ກິນ​ເຂົ້າໄປ​ກໍ​ໄດ້​ດ້ວຍ ໂດຍ​ອາຫານ​ທີ່​ເຮົາ​ກິນ​ເຂົ້າໄປ​ ກໍ​ຈະ​ຖືກ​ຍ່ອຍ​ແລ້ວ​ເອົາ​ສານ​ອາຫານ​ມາ​ລ້ຽງ​ຮ່າງກາຍ​ ແຕ່​ກໍ​ຈະ​ມີ​ອາຫານ​ທີ່​ກິນ​ຫຼາຍ​ໄປ​ ກໍ​ເປັນ​ສິວ​ໄດ້​ ມີ​ອາຫານ​ຫຍັງ​ດ້ວຍ​ໄປ​ເບິ່ງ​
ນ້ຳ​ຕານ​

ນ້ຳ​ຕານ​ເປັນ​ພະລັງ​ງານ​ຢ່າງ​ໜຶ່ງ​ ທີ່​ເຮັດໃຫ້​ຮ່າງກາຍ​ສົດ​ຊື່ນ ແຕ່​ເມື່ອ​ກິນ​ນ້ຳ​ຕານ​ຫລາຍ​ເກີນ​ໄປ​ ຈະ​ເຮັດໃຫ້​ນ້ຳ​ຕານ​ແປງ​ເປັນ​ອິນ​ຊູ​ລິນ​ ແລ້ວ​ເມື່ອ​ໃຊ້​ບໍ່​ໝົດ​ ນ້ຳ​ຕານ​ກໍ​ຈະ​ກາຍ​ເປັນ​ໄຂ​ມັນ​ແລະ​ອຸດ​ຕັນ​ເປັນ​ສິວ​ໃນ​ທີ່ສຸດ​​
ນົມ​

ມີ​ການສຶກສາ​ວິ​ໄຈ​ຈາກ​ ຮາ​​ວາ​ດ​ ວ່າ​ໃນ​ຜະລິດຕະພັນ​ນົມ​ ຢ່າງ​ນົມ​ບໍ່ມີ​ມັນ​ເນີຍ​ ມີ​ສ່ວນ​ເຮັດໃຫ້​ເກີດ​ສິວ​ ເພາະ​ງົວ​ຈະ​ໄດ້ຮັບ​ຮໍ​​ໂມນ​ມາ​ ໃຫ້​ຜະລິດ​ນ້ຳ​ນົມ​ໄດ້​ດີ​ຂຶ້ນ​ ເມື່ອ​ເຂົ້າ​ສູ່ຂະ​ບວນ​ການ​ແປ​ຮູບ​ແລ້ວ​ ແລ້ວ​ຮໍໂມນ​ນັ້ນ​ກໍ​ຍັງ​ຕົກ​ຄ້າງ​ຢູ່​ ເມື່ອ​ໄດ້​ເຂົ້າ​ສູ່​ຮ່າງ ກາຍ​ ກໍ​ຍ່ອຍ​ອອກ​ໄດ້​ບໍ່​ດີ ເລີຍ​ເຮັດໃຫ້​ເກີດ​ສິວ
ອາຫານ​ທີ່​ເປັນ​ແປ້ງ​ແລະ​ມີ​ນ້ຳ​ຕານ​ໃນ​ຕົວ​ສູງ​

ເນື່ອງ​ຮ່າງກາຍ​ເຮົາ​ສາມາດ​ປ່ຽນ​ແປ້ງ​ເປັນ​ນ້ຳ​ຕານ​ເອງ​ໄດ້​ ເຮັດໃຫ້​ເມື່ອ​ເຮົາ​ກິນ​ອາຫານ​ທີ່​ເປັນ​ຄາໂບ​ໄຮ​ເດນ​​ໃນ​ຈຳນວນ​ທີ່​ຫຼາຍເກີນ​ ຮ່າງກາຍ​ກໍ​ຈະ​ປ່ຽນ​ແປ້ງ​ເປັນ​ນ້ຳ​ຕານ​ ແລ້ວ​ປ່ຽນ​ນ້ຳ​ຕານ​ເປັນ​ໄຂ​ມັນ​ ແລ້ວ​ເຮົາ​ກໍ​ຈະ​ເປັນ​ສິວ​ ອາຫານ​ທີ່​ເປັນ​ແປ້ງ​ ແລ້ວ​ມີ​ນ້ຳ​ຕານ​ຫຼາຍ​ກໍ​ໄດ້​ແກ່​ ເສັ້ນ​ພາດ​ຕ້າ​ ເປັນ​ຕົ້ນ​​
ເຄັດ​ລັບ​ນ້ອຍ​ໆ​ ນ້ອຍ​ໆ​ກັນ​ສິວ​
ຈົດ​ບັນ​ທຶກ​ໄວ້​ເລີຍ​ ວ່າ​ກິນ​ຫຍັງ​ໄປ​ດ້ວຍ​ ເຮົາ​ຈະ​ໄດ້​ຮູ້​ວ່າ​ ເຮົາ​ກິນ​ນ້ຳ​ຕານ​ໄປ​ຫລາຍ​ນ້ອຍ​ຊ້ຳ​ໃດ​ ແລ້ວ​ກໍ​ຈະ​ໄດ້​ຢຸດ​ຕົວ​ເອງ​ທັນ​ ( ເຄົ້າ​ວ່າ​ ສາວ​ໆ​ທີ່​ກຳ​ລັງ​ຫຼຸດ​ນ້ຳ​ໜັກ​ ໃຊ້​ວິທີ​ນີ້​ກໍ​ດີ​)
-ນ້ຳ​ມັນ​ຕັບ​ປາ​ ອາດຈະ​ຊ່ວຍ​ເພີ່ມ​ການ​ເກີດ​ສິວ​ຂຶ້ນ​ໃນ​ບາງ​ຄົນ​ໄດ້
-ຫຼຸດ​ຄວາມ​ຄຽດ​ບຶດໜຶ່ງ ຫ່າງ​ໄກ​ສິວ​! ເພາະ​ຮໍ​ໂມນ​ທີ່​ເກີດ​ຈາກ​ຄວາມ​ຄຽດ​ ຈະ​ເຮັດໃຫ້​ການ​ຄວບ​ຄຸມ​ນ້ຳ​ຕານ​ແລະ​ໄຂ​ມັນ​ໄດ້​ຍາກ​ ເຮັດໃຫ້​ເຮົາ​ຢາກ​ຂອງ​ຫວານ​ ທີ່​ເປັນ​ສາ​ເຫດ​ຂອງ​ການ​ເກີດ​ສິວ​ໄດ້​
ອາຫານ​ທີ່​ເຮົາ​ໄດ້​ກ່າວ​ໄປ​ແທ້ໆ​ແລ້ວ​ ຫາກກິນ​ໃຫ້​ຢູ່ໃນ​ຈຳນວນ​ທີ່ພໍ​ດີ​ ກໍ​ມີ​ປະໂຫຍດ​ກັບ​ຮ່າງກາຍ​ ດັ່ງ​ນັ້ນ​ ຈຶ່ງ​ຄວນ​ລ້ຽງ​ ບໍ່ກິນ ຫຼາຍຈົນ​ເກີນ​ໄປ​ ນອກ​ຈາກ​ສິວ​ຈະ​ບໍ່​ຂຶ້ນ​ແລ້ວ​ ຍັງ​ຊ່ວຍ​ໃຫ້​ສຸຂະພາບ​ດີ​​ດ້ວຍ​