ຖ້າອີກໜ້ອຍໜຶ່ງ!!ອິບາມາຜີທາງການວັນສຸກນີ້

 

ຈານລູກາ ດິ ມາຊິໂອ ນົກຄາບຂ່າວອີຕາລີລະບຸວ່າ ຊະລາຕັນ ອິບາຮິໂມວິດ ຫົວຫອກຊື່ດັງຈະສຳເລັດຂັ້ນຕອນການຍ້າຍໄປຫຼິ້ນໃຫ້ກັບ ແມນຢູ ໃນວັນສຸກນີ້ແລ້ວໂດຍສາເຫດທີ່ຕ້ອງເລື່ອນມາຕະຫຼອດແມ່ນຍ້ອນວ່ານັກເຕະຢາກໄດ້ເງິນຈາກເງື່ອນໄຂທີ່ເຮັດກັນເອົາໄວ້ກັບ ເປເອັດເຊ.

 

ຊະລາຕັນ ອິບາຮິໂມວິດ ກອງໜ້າຄົນດັງຄົນສະວິດິດຈະບັນລຸຂັ້ນຕອນການຍ້າຍໄປຢູ່ກັບ ແມນເຊສເຕີ ຢູໄນເຕັດ ສະໂມສອນດັງຂອງ ພຣີເມຍລີກ ໃນວັນສຸກນີ້ ຕາມການລາຍງານຂອງ ຈານລູກາ ດິ ມາຊິໂອ ນັກຂ່າວຄົນອີຕາລີທີ່ມີຄວາມໜ້າເຊື່ອຖືສູງ.

 

ອິບາຮິໂມວິດ ຫາກໍໝົດສັນຍາກັບ ເປເອັດເຊ ນັ້ນກັບມາຈາກການຮັບໃຊ້ທີມຊາດສະວີເດັນໃນລາຍການບານເຕະຊິງແຊມແຫ່ງຊາດເອີຣົບ ຢູໂຣ 2016 ແລ້ວຫຼັງຈາກທີ່ບ້ານເກີດຕ້ອງຈອດປ້າຍແຕ່ຮອບແບ່ງກຸ່ມໂດຍຕອນນີ້ເຂົາສາມາດເດີນເລື່ອງການຍ້າຍທີມໄດ້ແລ້ວ ຫຼັງຈາກທີ່ກ່ອນໜ້າທຸ່ມສະມາທິໃຫ້ກັບການຮັບໃຊ້ຊາດຢ່າງໜັກ.

 

ທັງນີ້ ສາເຫດທີ່ມີການຕັດສິນໃຈເລື່ອການປະກາດສັນຍາຢ່າງເປັນທາງການລະຫວ່າງ ແມນຢູ ກັບ ອິບາຮິໂມວິດ ນັ້ນເປັນຍ້ອນວ່ານັກເຕະຫວັງທີ່ຈະໄດ້ເງິນກ້ອນໃຫຍ່ຕາມທີ່ເຮັດເງື່ອນໄຂເອົາໄວ້ກັບ ເປເອັດເຊ ເຊິ່ງເພື່ອທີ່ຈະໄດ້ຮັບເງິນກ້ອນນັ້ນເຂົາຈຳເປັນຕ້ອງເປັນນັກເຕະບໍ່ມີສັງກັດຈົນຮອດວັນທີ 1 ເດືອນກໍລະກົດນີ້.