ຖ້າບໍ່ຢາກປາກກ່ຳ ດຳແຕກ ຢ່າເຮັດແບບນີ້

ຮີມປາກເປັນອະໄວຍະວະທີ່ລະອຽດອ່ອນ ແລະເປັນສິ່ງທີ່ສາວໆມອງຂ້າມບໍ່ໄດ້ ບໍ່ດັ່ງນັ້ນຄົງຊອກສັນຫາສາລະພັດລິບສະຕິກມາແຕ່ງແຕ້ມໃຫ້ງົດງາມຢູ່ສະເໝີ. ການມີຮີມປາກອົມບົວມີເລືອດຝາດໂອບອິ່ມ ເປັນທີ່ໝາຍປອງຂອງສາວຫຼາຍໆຄົນ. ສະນັ້ນມາເບິ່ງວິທີທີ່ສາວໆອາດມອງຂ້າມ ເຜີໄປທຳລາຍຄວາມງາມຂອງຮີມປາກຢ່າງບໍ່ຮູ້ຕົວ. 

- ກິນອາຫານທີ່ມີກົດ ເຊັ່ນ ໝາກນາວ, ນ້ຳສົ້ມສາຍຊູ ຫຼືອາຫານເຜັດເຄັມ ແລ້ວບໍ່ທຳຄວາມສະອາດຮີມປາກ ເມື່ອໄປຖືກແດດ ແສງແດດຈະທຳຮ້າຍຜິວໜັງບໍລິເວນຮອບປາກຢ່າງໜັກໜ່ວງ

- ເຫຼົ້າ, ຢາສູບເປັນໂຕການເຮັດໃຫ້ປາກກ່ຳ

- ໃຊ້ລິບສະຕິກຊະຊາຍ ຫຼືມີສານເຄມີຕ້ອງຫ້າມ ໂດຍສະເພາະລິບສະຕິກທີ່ມີສີສົດໃສທີ່ວາງຂາຍລາຄາຖືກ ຫຼືໝົດອາຍຸ ຈະກໍ່ໃຫ້ເກີດອາການແພ້ ບາງຄົນແພ້ຮຸນແຮງຈົນເຖິງຂັ້ນປ່ກແຕກລອກ, ເປັນຕຸ່ມໃສ ຫຼືໂພງ ຫຼັງຈາກນັ້ນຜິວໜັງຈະສ້າງເມັດເມລານິນຂຶ້ນມາຫຼາຍກວ່າປົກກະຕິເຮັດໃຫ້ປາກຄ້ຳກ່ຳຍາກທີ່ຈະແກ້ໄຂ. ສະນັ້ນ, ກໍຈະໃຊ້ລິບສະຕິກຊະນິດໃດຕ້ອງລະມັດລະວັງ ຢ່າເຫັນແກ່ຂອງຖືກ ຂອງເລ ແມ້ແຕ່ ຍີ່ຫໍ້ທີ່ແພງບາງຊະນິດກໍແຳ້ໄດ້ເຊັ່ນກັນ 

- ຢາສີຟັນເຢັນໆ ຫຼືສູດເຂັ້ມຂຸ້ນພິເສດ, ນ້ຳຢາບ້ວນປາກ ກໍສາມາດທຳຮ້າຍຮີມປາກໄດ້ ເຊິ່ງຂຶ້ນກັບແຕ່ລະບຸກຄົນ

- ຂີ້ຄ້ານທາລິບມັນບຳລຸງປາກ ແລະສະຄັບຮີມປາກເປັນປະຈຳ ສະນັ້ນ ຕ້ອງໝັ່ນສະຄັບປາກງ່າຍໆພຽງແຕ່ໃຊ້ຟອຍຖຸແຂ້ວຊະນິດອ່ອນນຸ້ມຂັດເບົາໆຫຼັງຖູແຂ້ວ.

- ແຕ່ງໜ້າ ທາປາກ ແລ້ວບໍ່ໃຊ້ LIP REMOVER ຫຼືນ້ຳຢາເຊັດເຄື່ອງສຳອາງສຳລັບຮີມປາກທຳຄວາມສະອາດ ເຮັດໃຫ້ເຄມີຈາກລິບສະຕິກສະສົມຢູ່ທຸກມື້ຈົນເປັນເຫດໃຫ້ປາກກ່ຳດຳ ແລະມີຮິ້ວຮອຍ