ຖົ່ວແປບກັບສັບພະຄຸນທາງຢາ

 

     ຖົ່ວ​ແປບ​ເປັນ​ພືດ​ໃນ​ຕະ­ກູນຖົ່ວ​ທີ່​ໃຫ້​ສານ​ອາ­ຫານ​ທາງ​ໂປຣຕີນ​ສູງ​ເພາະມີ​ຄາໂບ​ໄຮ​ເດຣ​ຕ (ກລູ​ໂຄ​ສ, ກາ​ແລກ​ໂທ​ສ ແລະ​ ກລູ ຕາ​ມິ​ເນ​ສ) ໄຂ­ມັນ​ຊະ​ນິດ​ຟອສ​ຟາໄທ,ແຮ່​ທາດ​ຊຶ່ງ​ໄດ້­ແກ່:ແຄນຊຽມ, ທາດ​ເຫຼັກ, ອາ​ຊິດ, ສັງ­ກະ­ສີລວມ​ໄປ​ເຖິງ​ວິ­ຕາ­ມິນ​ເອ, ບີ, ເຊ ກົດ ແພນ​ໂຣ​ທີ​ນິກນອກ­ຈາກ​ນັ້ນ​ໃນ​ຖົ່ວ​ແປບ​ຍັງ​ພົບ​ວ່າ​ມີ​ສານ​ໄຟໂຕ​ຮີ​ແມກ​ກລູ​ຕິ​ນິນທີ່​ຊ່ວຍ​ໃນ​ການ​ເລັ່ງ​ການ​ຜະ­ລິດ​ເມັດ​ເລືອດ​ຂາວຂອງ​ຮ່າງ­ກາຍ​ນອກ­ຈາກ​ນັ້ນ​ລຳຕົ້ນ​ຂອງ​ຖົ່ວ​ແປບ​ຍັງ​ປະ­ກອບ ດ້ວຍ​ສານ​ແຄ​ໂຣ​ທີນຫຼືບີ​ຕາ-ແຄໂຣ​ທີນ ແລະ​ສານ​ລູ​ທຽນ​ໃນ​ສ່ວນຂອງ​ຮາກ​ປະກອບ​ມີ​ເອນ​ໄຊ​ຊະນິດ​ໜຶ່ງແລະ​ກົດ​ອາ​ມິ​ໂນ​ແຍກ​ອິດສະ­ຫຼະ​ອີກ​ຫຼາຍ​ຊະ­ນິດຈິ່ງ​ເໝາະແກ່​ການ​ປູກ​ຖົ່ວ​ແປບ​ເພື່ອ​ບຳ­ລຸງຮັກ­ສາ​ດິນ.

   ສັບ­ພະ​ຄຸນ​ຂອງ​ຖົ່ວ​ແປບ: ເມັດມີ​ລົດ​ຊາດ​ຫວານ ຈິ່ງ​ຊ່ວຍ​ບຳ­ລຸງ ກຳ­ລັງ, ແກ້​ອາ­ການ​ອ່ອນ­ເພຍ, ໃຊ້​ເປັນ​ຢາ​ບຳ­ລຸງ​ຮ່າງ­ກາຍ, ບຳລຸງ​ທາດ​ໃນ​ຮ່າງ­ກາຍ, ແກ້​ໂລກກ່ຽວ​ກັບ​ຕາ, ຫຼຸດ​ໄຂ້, ແກ້​ອາ­ການ ເຈັບ­ຄໍ​ສຽງ​ແຫບ​ແຫ້ງ, ແກ້​ອາ ການ​ແພ້, ດັບ​ຮ້ອນ​ຖອນ​ພິດ ແລະຖອນ​ພິດ​ເຫຼົ້າ, ລະ­ງັບ​ອາ­ການ​ຮາກ, ແກ້​ອາ­ການ​ເມົາ​ຄ້າງ​ໃບ​ນຳ​ມາ ໃຊ້​ຟອກ​ຮັກ­ສາ​ໂລກ​ຄາງ­ທູມ, ຮາກ​ມີ​ສັບ­ພະ​ຄຸນ​ຊ່ວຍ​ແກ້​ໂລກຊາງ, ບຳ­ລຸງ​ມ້າມ ແລະ​ກະ­ເພາະ ອາ­ຫານ, ລະ­ງັບ​ອາ­ການ​ຖອກທ້ອງ ແລະ​ແກ້​ປະ­ຈຳ​ເດືອນ​ມາ​ບໍ່ ເປັນ​ປົກ­ກະ­ຕິ.

 

------------------------------------------------------------------------------------------------